1. اما الجدول فهو كالتالي :


2. اول يوم استكشاف ..

السلام عليكم
حي الله المعاريس ..نبدا بالفندق اول شي ..
فنادق الانتر عندهم نظام حلو واجد ..فيه بطاقه اسمها امباسدر ..تكلفتها 200 دولار وامس جددت اشتراكي معاهم ..
ميزة هالبطاقه كالتالي :
1- يعطونكم UPGRADE مباشره ..مثلا انتوا حاجزين غرفه ديلوكس فهم راح ايرفعونكم للغرفه الي اعلى منها ..
2- النت مجاني
3- عند الأستقبال لكم كاونتر خاص فيكم ..
4- موعد الخروج مسموح لكم التأخير ..
5- في حالة انكم تبون حجز في فندق الأنتر في اي مكان في العالم وكان الفندق فل فكل المطلوب منكم تتصلون قبل موعد الحجز ب 3 ايام وهم بالقوه راح ايوفرون لكم غرفه ..
6- ليله مجانيه في اي فندق من فنادق الانتر في العالم ..
وفيه مميزات ثانيه ولكن هذي الأهم
اما بالنسبه لويست فيلد فهو نسخه من مجمعات الخليج ..
والمحلات الموجوده فيه اغلبها في اكسفورد ..

اما الجدول فهو كالتالي :

اول يوم استكشاف ..

ثاني يوم جوله في الباص السياحي والنزول عند Madam Tussade ثم زيارة Camden town أو ماتسمى بالعربية مدينة الكوميديا ومن ثم قضاء الوقت في أشهر شوارع لندن Oxford Street وفي الأخير تكملة باقي اليوم في أفضل مكان بالنسبة لي في لندن Hyde Park
الهايدبارك وأكسفورد ستريت انسب محطة هي ماربل ارتش marble arch على الخط الأحمر
ثالث يوم زيارة البارجة أو المدمرة HMS Belfast
London Eye
London Bridge
Big Bin
Swiss Re Tower (ثاني أطول مبني في لندن بعد برج 42 وأسم الشهرة هو الخيارة )
Imperial War Museum (متحف الإمبراطوري الحربي في شمال لندن )
Tower of London
Millennium Bridge (جسر الألفية للمشاة على نهر التايمز )
رابع يوم Harrods
Buckingham ( قصر بكنقهام ) ويفضل زيارته الساعة 11حتى لاتفوتوا تبديل الحرس وهو من أهم المعالم للقصر ..
Natural History Museum ( متحف الطبيعة )
Science museum ( المتحف العلمي )
Royal Albert Hall (قاعة ألبرت الملكية )
خامس يوم زيارة مدينة العاب تشزنقتن ورلد أوف ادفنشر chessington world of adventure للتغيير وكسر الروتين
سادس يوم زيارة بيكستر فلج وبعدها قضاء الوقت في الهايدبارك
ان شاءالله ايكون الجدول مناسب
الرحله النهريه تذاكرها بالمجان مع البيق باص
واي خدمه احنا في الخدمه

بيض الله وجهك بو محمد
https://artravelers.com/p/re/395938

سؤال داش عرض لاخونا القطري
بالنسبه لبطاقه الامبسادور ممكن لنك التسجيل و التفاصيل
و هل اذا اشتركت فيها الابقريد يسولي اياه من اول حجز احجزه و الا بعد فتره من التسجيل معاهم؟

aLKuwaitia
ابركها من ساعه
وانتي تامرين ماتسألين ..
الابقريد مباشره من اول ماتخذون البطاقه وفي كل حجز ايسوون لكم ابقريد ..
وهذا الرابط
http://www.ichotelsgroup.com/intercontinental/en/gb/ambassador
وموجود فيه الرقم المجاني والأفضل تتصلون على الرقم المجاني للفندق واتسوون الحجز من خلالهم
ونسيت اذكر انه في 2009 عطوني 4 ليالي مجانيه وخذيتها في فندق الانتر في دبي ^_^
واي خدمه احنا في الخدمه

القطري
مشكور وماقصرت على هالجدول
عندي سؤال اذا ممكن
مدينة العاب تشزنقتن ورلد أوف ادفنشر chessington world of adventure
هاي مدينة ملاهي مثل اللتون تورز والثورب بارك ولا غير
و شلون نروح لها؟

ماشاء الله والله
هلا وغلا نورتوا
مرحبا الشيخ القطري والله انك فله و ماشاء الله بجيب لك صوغه بس حق البيبي الجديد ههه
الله يحفظه ..
ماشاء الله والله فرق بين جدولي وجدولك
المشكله انا عليميه والي معاي عليمي ،، بس شاطر يقول لي سوي لنا جدول سياحي ..
انزين ماكنه ثالث يوم متروس !! شلون اروح كل هالاماكن بيوم واحد !!!
احس مافي وقت ،، وخبرك عاد انا بس ابي السوق ..
ركضه ودي اروح اول يوم السوق ههه بس مستحيه منكم فحطيت الجدول جذيه
وبخصوص البطاقه ،، الحين اشتريها اون لاين .. واخذها وياي ؟
يعطيكم الف عافيه الي دخلوا موادع1 وكويتيه وريفرش لا تحرمونا الطله

اي سؤال ..
الحين حق السفر من لندن الى باريس
لقيت بالبزنس ب £520.00
يعني الفين ريال وشوي ،،
هل الستاندارد زين ولا البزنس افضل ؟

اخوي القطري بعد عندي سؤال من وين نشتري تذاكر الملاهي chessington من الملاهي نفسها ولا من المكاتب السياحيه ولا من الفندق ناويه اروح لها بالقطار