أول شي قصر الحمراء موجود في غرناطة
اذا على الفنادق في قرطبة واشبيليا
4 نجوم بين ال60-80 يورو
وممكن 5 نجوم بحدود ال 90 يورو تجدين
بالنسبة للاماكن الطبيعية
هي ليست اماكن للطبيعة بل هي تاريخية لكنها متميزة

مثل ما قال أخوي اللي فوقي

1. السلام عليكم :


2. أختي الغالية للتو اطلعت على مشاركتك صار لي مدة ما دخلت المنتدى


3. أختي العزيزة ,,,أسعدك الله

السلام عليكم :

أختي الغالية للتو اطلعت على مشاركتك صار لي مدة ما دخلت المنتدى

حبيت أصحح لك إذا أنت معتقدة إنك راح تلاقين طبيعة هناك فأقولك من الحين بالفم المليان أنت غلطانه غلطانه غلطانة وراح تنصدمين لإنك رحت للمكان الخطأ الجنوب الأندلسي تجدين فيه ارث وتراث وحضارة المسلمين الأندلسيين فالجنوب الأنلسي متميز بالشيء هذا .. " طبعا مو الواحد اذا راح للحدائق يقول ترى فيها طبيعة " انا تكلم عن تضاريس الأرض بصفة عامة .
وأكثر من ينسجم ويتمتع كثيرا في رؤية تراث المسلمين ويتأثر فيه من : 1-يكون عنده خلفية تاريخية قوية عن الحوادث و الأماكن التاريخية. 2- ومن تستهويه جمال تلك الفنون المعمارية والهندسية.."يعني يحب يشوف جمال وروعة العمارة والزخارف والهندسة المصاحبة لذلك".
ما أقصد اذا الشخص ما عنده خلفية تاريخية يعني ماراح ينبسط ويستانس لا ,, لكن اللي أقصده انه اذا كان لديه معرفة تاريخية بالموضوع هذا فبالتأكيد راح يسرح بخياله و يتأثر ويعيش الجو ويشعر بشعور وأحاسيس مختلفة تماما أكثر منااللي ما عنده.."" يعني يدري وش السالفةأكثر"
أختي الغالية,,, ابقولك كلام مهم وما اقصدك فيه وكان ودي اقوله من زمان في موضوع مستقل ولكن الخير بالواقع ...

أختي العزيزة ,,,أسعدك الله

اعذريني وليعذرني جميع من يقرأ المقال على العجلة في التعبير وترتيب الأفكار وهذه المشاركة ليس المقصود فيها صاحبة الموضوع ولكن جميع أخواني وأحبابي الغالين علي,,وأتمنى أن أكون قدمت شيء يفيدني ويفيدكم في الحياة وإذا رأت الإدارة نقله وجعله موضوع مستقل فلتفعل مشكورة..
واضح من كلامك ان عندك الرغبة في الذهاب لذلك المكان ولكن ياأختي أقل شيء لازم تحضرين للسفرة. يعني تعرفين وشو اللي ودك و راح تشوفينه هناك وشو المعالم اللي نفسك تشوفينها و وينها فيه " أين تقع" يعني مو رايحه على عماها وفاتحة عيونك وعايشة صورة مسبقة خيالية وعايشة بالخيال وبعدين اذا رحتي لأسبانيا انصدمت وفتحت على الحقيقية وصار هناك فارق كبير بين اللي كنت عايشته انت بخيالك لحالك وبين الواقع وااللي بالنسبة لك مر وبالنسبة لغيرك بالعكس حلو و طبيعي وعادي .. يعني مثل بعض البنات قبل الزواج يحلمن بفارس الأحلام الخيالي بمواصفات كاملة من الجمال و الأخلاق والرومانسية والمال والمنصب والجاه وحياة خيالية وبعدين اذا تزوجت انصدمت بالواقع والمشكلة ان الواقع طبيعي مافيه شيء لكن كانت مستغرقة بالخيال وصورة غير واقعية وغير مرتبطة بالواقع بصلة وبالعكس تجدين اغلب البنات يتمنون ولو نص حياتها الحلوة.. وكذلك بالنسبة للأولاد ولأي شيء بالحياة..
أرجوك لا تضعين صورة خيالية عن أسبانيا في بالك تدرين ليش>>> علشان تنبسطين في السفرة ان شاء الله ولا تتأثرين بكلام الناس بمدحهم أو ذمهم لشيء لأنه تحصل مبالغات كثيرة سواء من ناحية الذم أو المدح . قفي و تعرفي على حقيقة الوضع والمكان اللي تبين تروحين له بنفسك بدو ن التأثر بمشاعر الآخرين وأحاسيسهم .حتى لاتظنيين بعدين انك انخدعت . يمكن في أماكن ثانية مناسبة لكم واجمل بالنسبة لكم وراح تتونسون فيها أكثر من أسبانيا .
أولاً : أعرفي نفسك,, شنو اللي يونسك ويسعدك يعني حددي . وعلشان أساعدك اقولك هل انت مسافرة تبحثين عن 1- جمال الطبيعة الخضراء الخلابة. أو 2- جمال الحضارة والتاريخ الإسلامي أو 3- جمال وروعة ناطحات السحاب الجميلة والبنايات شاهقة الإرتفاع الرشيقة والمدن المتقدمة المتطورة.أو 4-الفنون و معارض الفن.5-التسوق.6-الشواطيء " حفظنا الله واياكم ".7-.....8-......الخ الخ الخ...
يعني اللي اقصده حددي اول انت شنو تبين يعني مثل اللي بيروح رحلة علاجية اكيد بيروح وهو عارف ومحدد مرضه وشو اللي يشتكي منه وبعدين محدد المكان اللي فيه المستشفى اللي يبي يروح له بالظبط موانه سمع المديتة الفلانية فيها مستشفيات زينة وراح لها وهو ماحدد ومايدري أصلا وشو اللي يشتكي منه وثم يوم راح لتلك المدينةقال له راعي التاكسي: وين اوصلك. قال له : المستشفى . قال راعي التاكسي أي مستشفى ؟؟. قال له : وصلني أي مستشفى . وصله التاكسي لأي مستشفى . نزل الحجي " الشايب " من التاكسي ومعه اوراقه ودخل المستشفى وبعد الأخذ والهات وفحص الأشعات قالوا له: حجي من جابك هنا .قال : التاكسي جابني. قالوا له : تراك جيت المكان الخطأ نحن مستشفى متخصص بطب وعلاج أمراض العيون وليس لمعالجة البواسير . قال الحجي:حسبي الله على راعي التاكسي هو اللي وصلني هنا .. " يعني حط المشكلة براعي التاكسي "ان شاء الله بهالقصة وهالمشاركة اتضح المقصود .يعني ما يكفي انك تسمع الناس تمدح مكان وعلى طول تروح له الا وانت تدري وشو اللي يمدحون بالظبط.
صراحة مثل اللي يبي يروح لماربيا ويظن انها من مراكز التسوق في اسبانيا مثل "برشلونة و مدريد و سان سباستيان " أو مدينة ّآثار مثل " غرناطة وقرطبة واشبيلية وطليطلة و.." أو مدينة ذات طبيعة مثل " سان سباستيان و بلباو وسانتادير ..."أو مدينة متفوفة معماريا لا و لا ولا ماربيا لا تعدو أن تكون منتجع بحري لهواة التسدح على الشاطئ واكتساب البشرة البرونزية والجلوس في كافيهات البورتوبونس والإستمتاع بمشاهدة الذاهب والغادي صاير كأنه دوام ملتزم فيه من المغرب وحتى شروق الشمس وهو معسكر بها الكافيه ما يروح الا للحمام أو لعذر آخر . هذا مايميز ماربيا ....
والحديث ذو شجون وللحديث بقية ان شاء الله..
أخوكم اللي يحبكم ويحب لكم الخير : محب الجمال

أختي الغالية مازلنا ننتظر استفساراتك لكي نجيب عنها ...

هاه وش صار عليك أختي قررتي تروحين لأسبانيا ولا لا...
كل الذي أرجوه أن المداخلة أعجبتك واستفدت منها ان شاء الله ....

اخوي محب الجمال
يعطيك العافيه ماقصرت ومعاك حق بكل كلمه قلتها