عزيزي المهاجر ..
الجامعات هناك معترف فيها عالمياً والتعليم العالي هناك راقي .. بس ياليت تفيدنا ايش هو التخصص لأن في اجراءات معينة هناك لازم تتبعها وهي طويلة شوي .. بس ياليت تعطيني ايش التخصص اللي ناوي عليه .

1. حط في بالك انك بتحتاج أمرين رئيسيين :


2. 1- انه يكون معك توفل أو ايليس.

أنصحك عزيزي بجامعة Cape Peninsula University of Technology
جامعة راقية جدا ومتقدمة .. ولها مقرين أحدهما في كيب تاون نفسها والآخر في بييلفيل وهي ضاحية من ضواحي كيب تاون ، بالأسفل رابط كلية الهندسة والتخصصات الموجودة فيها .
اطلع عليها وعلى التخصصات اللي تناسبك :
http://info.cput.ac.za/prospectus/cluster.php?f=6

حط في بالك انك بتحتاج أمرين رئيسيين :

1- انه يكون معك توفل أو ايليس.

2- انك ترسل شهاداتك يعادلوها لك في جنوب أفريقيا . في هيئة حكومية هناك اسمها SAQA مع اني اعتقد انهم الغوا البند الاخير وصار يقتصر على العمل وليس الدراسة ، انا طلبوه مني عشان دراسة الماجستير . وتأخروا في الرد علي اكثر من شهرين .
عموما هذا رابطهم على النت تقدر تراسلهم عن طريقة وتستفسر منهم ايضا ، ومقرهم في بريتوريا بس تقدر تراسلهم بالبريد وافضل الدي اتش ال علشان تختصر الوقت لأنهم يتأخروا في الرد عادة وهم يذكرون هذا الشي لما تراسلهم .
انت عموما راسل قسم الطلاب الاجانب وشوف ايش يردوا عليك . بخصوص اي متطلبات أخرى .
تبقى عليك متطلبات الفيزا الدراسية وهي تختلف عن الفيزا السياحية والمتطلبات الاضافية فيها .

• رسالة قبول من الجامعة .
• ضمان مالي قيمته 5000 ريال سعودي (تأمين) تدفعه ولما تخلص من الدراسة وترجع بلدك تسترجعه من السفارة .
• كشف طبي يؤكد خلوك من الأمراض المعدية . مع أشعه للصدر (يعطوك نموذج التقرير من السفارة وتاخذه لأي مستشفى يجرولك لفحوصات والتحاليل ويعبوه ويوقعوا عليه وترجعه للسفارة) وهو ضروري جداً .
• ضمان مالي خطاب من جهة العمل او من الشخص او الجهة التي ستتكفل بمصاريف دراستك .
• سجل بصمات من الادلة الجنائية ، تؤكد عدم وجود اي سوابق اجرامية (حاشاك طبعاً).
• تعبئة استمارة الفيزا وهي مختلفة عن الفيزا السياجية كما ذكرت . وميزة هذه الفيزا انها مفتوحة لفترة الدراسة اللي تحددها الجامعة .. يعني اذا دراستك 4 سنوات يعطوك فيزا مفتوحة مدتها 4 سنوات .

أنصحك بأمرين وهما انك ترتب امور السكن مع الجامعة من بدري ولا تروح الا وانت ضامن السكن .
واذا بتستقر في جنوب افريقيا فترة طويلة انصحك تشتري سيارة والسيارات هناك ماهي غالية جدا .. يعني اسعار السيارات المستعمله هناك قريبة من اسعارها في السعودية ،، وترا كثيرة السيارات الكشخة عندهم . بس البنزين غالي اللتر بحوالي 6 راند يعني حوالي 3 ريال . ولكن لا بديل عن السيارة لوجود مشكلة حقيقية في المواصلات في هذا البلد .
انت راسل الجامعة وشوف ايش يردوا عليك وبالتوفيق .
واي خدمة انا حاضر .

أخوي زاده الخيال
ممكن كم سؤال اذا مافيها مضايقة ليك واذا عندك فكرة
انا افكر ادرس ماجستير في قسم معين وبصراحة ما ادريي اذا موجود عندهم ودورت في الرابط الي انت حطيتو بس مالقيت شي التخصص هو Medical Informatics ،انا دارس هندسة معدات طبية
الحين هو مذكور في موقعهم بس ماعرفت اذا كان ماجستير او ايش بالزبط/تقدر تساعدني؟
السؤال الثاني الجامعة هذه مكانها جنب الراديسون الي بكيب تاون؟كاني شفتلهم لوحة هناك
ثالث مشكور ياخوي المهاجر الله يوفقك يارب البلد مرة حلوة اتوقع حلوة للدراسة بعد
اخوكم ناس

عزيزي أنس .. مالقيت التخصص اللي قلته في الجامعة نفسها .. بس هو في دليل صغير للتعرف على التخصصات هناك
شوف الحروف المكتوبة قبل التخصصات ،
MTech تعني ماجستير (MTech)
اذا لقيت هذا الاختصار قبل التخصص معناها موجود ، أما عن المكان فلها كذا مقر واعتقد العلوم الطبية بتدرس في مستشفى تايغر برغ في منطقة بيلفيل .
أي خدمة أخرى انا حاضر .

مشكور اخوي زاده الخيال ماقصرت حبيبي
انس اقول شرايك ماتخاويني ندرس هناك سوا انت عارف غربه ودراسه
ههه
اذا بدك يعني بصراحه اخاف شوي

اخوي زاده الخيال شكرا على المساعدة وجاري البحث...
والله يالمهاجر انا جاهز والله لو الاقي تخصص الي ابغاه مستعد انطلق الحين
هي اول شهر تخاف وبعدين تصير ماتبغى ترجع ههه
جهز نفسك وكلمني
أنس

عزيزي انس ، أنت وعزيزي المهاجر ، هنالك خيار ميل أيضاً في مدينة بورت إليزابيث وهي مدينة جميلة جدا ومن المدن الرئيسية في جنوب أفريقيا ، أنا حبيت هالمدينة والله ،
هذا موقع الجامعة واسمها جامعة نيلسون مانديلا , إذا مهتمين :
http://www.upe.ac.za/Default.asp?bhcp=1

والله اخوي زاده الخيال انك رائع وماتقصر
مشكور مشكور ومشكور ويعطيك الف عافية
أنس