السلام عليكم ورحمة الله وبركاته ..
اخواني انا مسافره لالمانيا وتحديدا مدينة magdeburg لرحلة علاج لابني شفاه الله ..
كل اللي اعرفه عن المدينه انها تبعد تقريبا 30 كم عن برلين وفيها مستشفى جامعي وهو اللي بسوي فيه فحصوات لابني عبدالعزيز ..
حتى الان اقامتي ستكون لمدة اسبوعين ان لم يحصل تجديد .. واللي محتاجته منكم انكم تساعدوني او تنصحوني بالسكن المناسب في مدينة magdeburg
وانا افضل يكون سويت او شقه فندقيه لانه يهمني يكون فيها مطبخ صغير عشان اطبخ لولدي لان عمره 3 سنوات ونصف وصعب ياكل من برا , لذلك ابي السكن يكون عباره عن غرفه نوم وصاله ومطبخ صغير وحمام اعزكم الله , مابي اكثر من كذا
فضلا لا امراً اللي عنده معرفه ياليت يفيدني باسرع وقت لان رحلتي بعد اسبوعين بالضبط ولا ودي اتاخر بالحجز اخاف ماعاد القى السكن المناسب ..
وعندي استفسار ثاني اذا تكرمتم , انا مسافره على خطوط اللفت هنزا الالمانيه وبصراحه اول مره اروح فيها , اذا احد جربها من قبل يقدر يقولي كيف اسلوبهم وتعاملهم مع الركاب وهل هم لبقين ومتفهمين والا لا ؟؟ لان انا ولدي مريض بالتوحد واحيانا تجيه حركات غريبه وممكن فجاه يصرخ او يسبب شوية ازعاج وخايفه من رد فعل الطاقم اللي بالطياره انهم يسببون لي مشاكل ..
وبصراحه حاولت احجز على الخطوط السعوديه او الاردنيه بس للاسف مالقيت بالوقت اللي انا رايحه فيه ..
عارفه اني طولتها بالاسئله والاستفسارات بس معليش تحملوني ومالي غنى عنكم ..
تحياتي وشكري لكم جميعا ..