مرام الغرام
ترلاكن 5 ايام

• قمت جنفاريو وزيارة
• خانق الشلالت الكبير
• زياره البحيره الزرقاء البلوسي
• زياره القرى الجبليه مثل مورين وبيتنبيرغ
• زياره كهف سان بيتوس

منترو (لا احبذ السكن في جنيف بسب الزحام وكثره اخوانا العرب )

• 5 ايام
• زياره جنيف
• زيارة شومني
• زايارة مصنع الجبن وكاكو في جليير
• زيارة قمت ملسن والعاب بها
• زياره جستاد وزياره قمت الثلج جليسير
• زياره ايفان الفرنسيه عن طريق العباره

لقانو 2 عن ممكن اتكون بعد انترلاكن

• زياره السويسرا الصغيره
• وزياره خاطف لميلان لنص يوم
• عمل جول ببحيرها

شكرا يالبسبوسي على فكرتك والمساهمة معي في التخطيط...بارك الله فيك
وننتظر بقية الردود من الاخوة الاعضاء والمشرفين المميزين

من رايي يامرام تكنسلين النمسا و تبدلينها بمكان ثاني باريس مثلا او ايطاليا
بحيث تكون رحلتكم فيها اماكن طبيعه واماكن تسوق
وسويسرا خليكم على جنيف و انترلاكن كافيه
ومونترو تكفيها يوم تطلعون لها من جنيف ،،، جنيف اونس من مونترو توني جايه منهم وشفت الفرق بين المدينتين
و فيه محلات في مونترو اذا ودك كتبت لك اساميها فيها ماركات حلوه بس سويسرا كتسوق مو ذاك الزود
واهم شي قمة يونيفراو في انترلاكن روعه وبعد جوله في بحيرة برينز تجن اذا معكم السويس باس بتكون مجانيه لكم

هلا شهاليل ...وافرحني وجودك ....
فعلا جنيف افضل وبسوي مثل ماقلتي اسكن بجنيف وطلع بالقطار زيارة لمنترو ,,,,,,
بس شوا فضل فندق في جنيف ؟؟؟؟ وخبريني عن اماكن التسوق بليز ...
ربي يوفقك

بعد اذننا صاحبه الموضوع....شهاليل رجعتوا من سفرتكم؟
الحمد لله على السلامه.... بشري ان شاء الله كل شي كان تمام ...
ويالله لاتتأخرين علينا بالتقرير تراني انتظرك قلت لك رحلتنا ..
مثل رحلتكم ...
وابي اسالك عن اشياء كثيره وخاصه التسوق بكل مكان رحتي له وخصوصا اسواق ميلان
وكم يكفيها من يوم؟
ياريت ماتتااخرين عشان نستفيد من معلوماتك
خلاص مابقى شي عشان الحجوزات ...
سلام

والله فرحت فكرت حد يديد رد على تساؤلاتي الي ماتخلص.....
ولايهمك ستار

1. وفيه H&m بس بضاعته غير عن اللي في باريس

مرام الغرام
انا سكنت ببريستول حلو مره وقريب للبحيره على يسارك وانتي طالعه من بوابة الفندق تشوفين جسر مون بلان قدامك
اخذنا جناح مستقل بغرفتين الليله ب4000 ريال و بصراحه يستاهل تعاملهم وخدمتهم اكثر من ممتازه بس مكان الفطور مااعجبني صغير مره ومليان فصرنا نطلب الفطور بالغرفه وكل مانطلع وندخل يرتبون لنا الغرفه
من جد روعه ولو باروح ثانيه باسكن فيه
ومن الفنادق اللى اعجبتني كموقع ماادري عن داخلها الفور سيزون مكانه حلو وفيه قهوه حلوه بجلسات خارجيه >>> اهم شي نظيفه مو مثل قهاوي البحيره اللي ماادري وشلون يجلسون فيها هالعالم !!
كراسي بلاستيك الله يخلي لنا قهاوي الرياض
اهم شي لاتفوتين المطعم الايطالي اذا قطعتي الجسر تشوفينه على يمينك جلساتهم حلوه ونظيفه
واكلهم حلو وفندق البريزدنت فيه مطعم ارابيسك حلو و لازم تحجزين قبل لانه زحمه و خدمتهم روعه واكلهم حلو بس مقبلات ومشاوي
في مونترو فيه محل وانتي طالعه من بوابة فندق EDEN خذي يسار كنك رايحه البحيره ولفي يمين بتلقين محل اسمه كيدز افنيو للاطفال وكله ماركات ملابس وجزم وشنط من OILILY و ديزل و ماركات كثيره
المحل صاحبته تسكر ساعه وقت الغدا و تفتح من 9 الى 12 ونص ومن 1ونص الى 6 ونص
المحل الثاني كبير اسمه LA GRIFFE AUSONI على الشارع الرئيسي مقابل المظله الكبيره اللي على البحيره فيه ماركات متنوعه مثل كفالي وديور وارماني وقالينو وغيره كثير هو طابقين وفيه للاطفال والكبار
بس التشكيله محدوده مو مثل اللي شفته بلندن او باريس
وفيه فيفي جنب مونترو بالباص تقريبا ثلث ساعه واذا اخذتوا باخره بتوقف فيها تقدرون تنزلون فيها وترجعون على الباخره الثانيه
فيفي حسيتها اونس من مونترو فيها حركه اكثر واهم شي عندهم قهوة ماكدونالز حلوه مره لايفوتك التراميسيو والكابتشينو حقهم طعم ولااروع ،،، تلقينها عند مركز تسوق كبير اظن اسمه مارشيه
جنب محطة القطار تقريبا
المركز فيه MONOR ادوار المطعم في الطابق الارضي والاول مكياج وشنط واكسسوار واللي فوق دورين ملابس فيه ماركات عاديه بس اعجبتني ملابس البيت عندهم حلوه خاصه اللي بالدور الثاني
اذا طلعتي من الدرج روحي يسار اخر شي في الزاويه ماركه سبور حلوه مره وفيه فوق قسم للاطفال ملابس عاديه والعاب
فيه في نفس المركز صالون جون لويس هذا تلقينه بعد في مركز الفورم اللي في مونترو عند فندق ايدن

وفيه H&m بس بضاعته غير عن اللي في باريس

وفيه كم محل بس مو مره بس للي ساكن بمونترو ويبي يتسوق اقرب شي له فيفي تقريبا
وفيه كرانس مونتانا نصحتني فيها بنت الالب اللي يوفقها رحت لها وخقيّنا عليها انا وزوجي خيال من جد اذا تبين مكان رايق وبارد روحي لها تخيلي فوق الجبال وتشوفين القمم الثلجيه مره قريبه منك و بحيرات بوسط هالجبال وشلون تكونت سبحان الله فعلا منطقه رايقه تطلعين لها عن طريق القطار لمدينه اسمها سيير ومن سيير تطلعين من المحطه وتروحين قدام تشوفين قدامك محلات من ضمنها h&m خذي يسار بتشوفين لوحه قبل الاشاره عليها smc هذي تطلعك لفوق جبال مونتانا اما بعربه زي القطار او بباص احنا اخذنا العربه تقريبا ثلث ساعه وانتي فوق تطلعين من المحطه وتاخذين باص احسن يوصلك للبحيره المكان حلو مره وفي سيير كم محل اذا ودك بالتسوق بس نفس الشي بضاعة سويسرا مش اوي
تعبت وطولت عليك ان شاء الله تستفيدين من اللي كتبته

*ستار*
هلا ستار ابشرك رجعنا والحمد لله كل شي تمام بس تعبنا من الهجهجه كل كم يوم ضافين شناطنا ومن مكان لمكان والله تعب خاصه للي معهم اطفال مثلي
ميلانو كنسلناها من الخطه قبل مانسافر والحمدلله اللي كنسلناها لاني شفتنها بعيده اربع ساعات من مونترو وانا كنت ابيها للتسوق وتسوقت بلندن بما فيه الكفايه وفي باريس بعد
اذا بتروحين لندن نصيحه كنسلي ميلانو لندن حلوه في التسوق ووناسه مره وامطار وجو يجن
لندن جلست فيها اسبوع وتندمت اني ماطولت فيها روعه من كل النواحي ولا باريس البايخه ادري بيزعلون مني حقين باريس بس والله صادقه ماادري وش لاقين فيها
سويسرا سكنا في انترلاكن وفي مونترو وفي جنيف و زرنا كم مدينه زيارات خفيفه بس بصراحه احلا ثلاث اماكن اعجبتني بسويسرا مونتانا وجنيف وطبعا حبيبة الكل انترلاكن
وبصراحه انصدمت بمونترو الساحره على قولتهم مافيها شي حدها يوم وبس جنيف فيها حركه حتى بالليل نقدر نطلع مو مثل مونترو هاديه مره
اي شي تبينه انا حاضره اسألي وانا اجاوبك باللي اعرفه وان شاء الله تنبسطون مثل ماانبسطنا

شهاليل الله يجزاك خير مره استفدت من ردودك بخصوص سويسرا ..