1. السلام عليكم ورحمة الله وبركاته


2. صبحكم الله بالخير

السلام عليكم ورحمة الله وبركاته

صبحكم الله بالخير

بصراحة انا ناوي أروح ل أندونيسيا ومعي (3) شباب طبعاً بعد كر وفر اختارناها نقضي بها الاجازة ومانعرف شي هناك يعني على الفطره ، صحيح عندنا خلفية بسيطة من سوالف اللي راحوا لها قبل من الاصدقاء وبعض التقارير اللي نقراها بس عاد التطبيق على الطبيعة يختلف
رحلتنا اطال الله بأعماركم لمدة 16 يوم وهي بالتفصيل
أول يوم جاكرتا لان وصولنا المغرب
من ثاني يوم ولمدة (13) يوم ب الجبل كله طبعاً بنقطن هناك بس وش السوات يمكن نروح باندونق بس عاد نطلع من الصباح ونرجع بالليل نبي نغطغط كراعيننا بالكبريت
وباقي الايام اللي هي يومين بجاكرتا للاستعداد للعودة
اللي حنا بلشانين فيه
طريقة استأجر الفيلا بالجبل لان فيه ناس كثير يقولون رح واختر على كيفك وكاسر وناس كثير بعد تقول لاتروح الا انت حاجز فلتك من هنا لان الموسم زحمة وخاصة السنة هذي وعاد احترنا معهم
والنقطة الثانية : قطتنا 3500 كل واحد يعني المجموع = 14 ألف
مادري خهي تكفي هناك سكن ومواصلات وأكل بس
طبعاً السواق مانبي يبقى معنا متى ما احتجنا سواق دقينا عليه وصلنا مشاويرنا ويتوكل على الله
مانبيه يرتبط كل الايام معنا
طبعاً مانبي مجمعات الفلل ولا فنادق نبي فيلا مستقلة وبحارسها وشغالتها وياحبذا لو بوه مسبح لاقمنا من النوم قمزنا بوه وتكون اربع غرف ونظيفة وقريبة للبقالة السعودية
واللي يخبر لي هالمواصفات لايبخل علينا
وشكراً لكم مقدماً