حياك الله ياخوي ( اعقل واحد )
وسوف اقوم بالإجابه على استفساراتك باللي اقدر عليه
بالنسبه للحجز
تقدر تحجز على طيران الإتحاد وتطلع من السعوديه إلى مانيلا ومن ثما إلى جاكرتا ومن جاكرتا إلى السعوديه بدون ماترجع لمانيلا بفارق بسيط في سعر التذكره
لأنه من واقع تجربه لأحد اصدقائي بس كانت على طيران الإتحاد بإعتباره يشغل خط طيران لهذه المناطق
اما بالنسبة لمسألة أسنونك
هذا يعتمد على المستشفى اللي يستقبلك وعن مدى الزحمه اللي عنده إضافة لذلك يعتمد على ماتحتاجه من عمل في اسنونك وتحتاج لجلسات يحددها الطبيب المعالج
اما بالنسبة بأنك حاجز شقه وسوف يتم استقبالك بالمطار
فأنت امورك طيبه بالحيل تقدر تستفسر من اصدقائك عن بعض استفساراتك اذا وصلت هناك وخصوصاً المستشفى لعمل اسنونك
اتمنى بأني قد افدتك باللي قدرنا عليه واعذرنا على القصور
سفراً سعيداً وبألف سلامه
اخوك / بومنتظر

اما مابين قوسين انا بالقوه سجلت هنا
ولقيت اللقب واحد سابقني عليه ومن العجله حطيت همزه فوق حرف الالف وسلك معي
أقدم أعتذاري لصاحب اللقب واذا عنده اعتراض ولا بيصير بخاطره شي يقولهم يغيرون لقبي
وانا لو انا مكانه بزعل بس وش تيبوني ماصدقت اني سجلت
تسلم يالامير لاهنت
ماعندي مشكله اقعد عشره ايام اذا فيه زحمه وكذا
مابي اطول عشان السكن لاقيه رخيص
نفسي اسافر لااندونيسيا وارجع للفلبين
فكرت اني اروح لا اندونيسيا اول بعدين الفلبين
بس اسنوني الزم علي الاوراق يمديني عليها

لو سمحتو الي يقدر يفيدني زود لايقصر
اذا الفلبين ماتصلح انصحوني بأحسن من الفلبين بالنسبه لعلاج السنون

اخي الغالي
مالي خبره بالعيادات ولكن بإذن الله الاخوان بيفيدونك

طيب ياخي اسئل اخوياك وكذا ههه
والله ياخوك ماحنا ضايعين بس من زود الحرص
تسلم يابوحميد ماقصرت

اخي الغالي العيادات كثير وهناك من هي متميزه لكن نأسف اخي الغالي في موضوع اللاسنان لانه قوانين المنتدى تمنع للاشاره الى اي شي يخص العلاج
لكن هناك الكثير من العيادات وصدقني سوف تستفيد من رحلتك بسعر معقول
تحيه لك ورحله سعيده

والله مادريت ان القوانين تمنع المعذره
بيسرها ربك ان شالله في سلم الطائره بدعي لك انت وبومنتظر وابوحميد < واحد يبي يقهرهم
ارتحت من جملة بسعر معقول ههه
الله يسعدك

أعقل واحد
اهم شي الدعوه الطيبه وانا اخوك ههه
رحله سعيده وتشرفنا بتواجدك واي استفسار لا يهمك ابشر

تستاهل الطيب كله
الله يسعد ايامك
استفساراتي كثيره خل اوصل هناك واستفسر
ماشاء الله المنتدى هذا كبير كبير
الواحد يخشه ويستفسر مايمديه الا الرد جاي كني جالس مع الاعضاء بمجلس
كل الشكر والعرفان لبو منتظر وابو حميد