السلام عليكم ورحمة الله وبركاته
انا اخوكم من السعودية موجود الحين بمصر لدورة تدريب
الي بغيت اقوله للاخوان الي حابين يجون مصر
انتبهو من الشباب الي بالدبابات والشباب المصريين الي يجون لمكم ويسلمون
ويبدون بالنفاق والكذب انهم يبون يساعدونك بشقه او سهرات وغيره
لانه انا حصلي موقف بشارع جامعة الدول قدام اللوكيشن
كنت طالع من الكوفي رايح للفندق بالليل لحالي وكان فيه شاب مصري كان يمشي وراي عمره تقريبا 30 داخل الحاره
بالدباب وانا لاحظت كانه يبي شي ووقفت عشان يروح قدامي فجأه وقف عندي وطلع
مسدس حقيقي وحطه على صدري وقالي هات كل الي معاك !!
انا حطيت يدي على جيوبي ووقفت قدام الدباب وقلت له سوي الي تبي ماني خايف منك
بعدين قالي طيب انا محتاج 100 جنيه حاول يدخل يده بجيبي قمت انا وضربت يده فيوم شافني ماخفت منه قعد يشوف لي بنظرة حقد وشغل دبابه
ومشى بسرعه .
انا بصراحه هالموقف ماتوقعته ابدا لكن الحمد لله الي انتهت السالفه على كذا
لكن نصيحتي لاخواني انتبهو لانفسكم بمصر خاصتا الي بيروح لحاله
ولاتاخذ فلوسك كلهم خذ مصروفك اليومي بس 200 جنيه تكفيك وزياده
وانتبه تخاف من شي لانه ممكن واحد مثل هالنذل يطيح بواحد يخاف او يرتبك فعشان يفتك منه ومايبي مشاكل فيعطيه الي معه عشان يخليه يبعد عنه .
والخلاصه ياشباب لاتحتكون مع احد يبي يسولف معكم ابد لانهم يجون يسألونك عن اشياء
قريبه ومعروفه زي مطعم او كوفي
فالاحسن قله مدري وانت تمشي ولاتوقف لانه لو وقفت اعرف انه ماراح يخليك
والي صار لي ياشباب اقسم بالله العظيم انه صدق والله يشهد على كلامي
فمن وقتها صراحه صرت اتجنب اي احد والي يسالني اقوله مدري
وامشي مع الشوارع العامه خاصتا بالليل .
وشكرا لكم