انا بعد عندي نفس الاستفسار لقيت السعر يطلع حق الليلة وسعر الضريبه منفصل وسعر ضريبة السرير منفصل وسعر التنقل من المطار الى المنتجع منفصل ، بس للاسف مايطلع المجموع كله.
تكفون اللي يعرف يفيدنا، مره محتارة وخايفة وخصوصا رايحه مع اهلي وكل شي بوجهي مابي اتورط.
تحياتي

وانا معكم ابغى اتأكد

منتظرين تفاعل اكبر لأني متوقف عن حجز الفنادق لأني بإنتظار ردكم

أنا شفت الموقع أمس لأول مرة ..
وبصراحة يبدو أني بحجز للمالديف من خلاله ..
لأنه واضح وخياراته كثيرة وعنده نظام مكافآت ..
جربت أعمل بداية حجز ولاحظت بالتفاصيل يكتبون تفاصيل الضريبة كاملة ..
ويكتبون أنه يشمل قيمة النقل بالطائرة .. هذا كمثال مع فندق كونراد ..
Roundtrip Sea Plane Transfer (Adult x 2) compulsorySAR 3,601.71
سؤالي لمن قام بالبحث .. هل أجودا أفضل سعر من ترافل أسيا وبوكنج ومواقع الفنادق أنفسها ؟

اخوي عوض سات السعر لايشمل النقل وبعض الفنادق يوضح لك موقع اجودا ان النقل راح يكلفك كذا وكذا وانك راح تدفع في الفندق وبعض الفنادق يكون مكتوب لك ان النقل راح تدفع تكلفته في الفندق لكن بدون مايوضح لك المبلغ اللي راح تدفعه بالضبط
اخوي faiy من خلال مقارنة قمت بها بين booking و agoda لقيت ان agoda افضل اسعار من booking لكن مشكلة اجودا انه مايعطيك مواصفت الغرفة بشكل واضح كذالك الصور فيه قليلة جدا وانما يكتفي موقع اجودا بانه يعطيك صور عامة للفندق ككل ولكنه لايوفر صور خاصة للغرف اللي راح تحجزها بعكس بوكينج

ابوحميد10
مشكور أخوي .. كنت أتمنى واحد يكون قارن بين المواقع مثلك ويخلينا نحجز من أجودا والواحد متطمن ولا يضيع وقت بين المواقع ..
بخصوص الصور فأمرها سهل .. الواحد ياخذ اسم الغرفة من أجودا ويروح لموقع الفندق ويشوفها .. عاد تصدق ارتحت للصور المعروضة بأجودا أكثر من بوكينج !
من عيوب أجودا حسب ما قرأت أنه يوفر الغرفة نفسها مرتين ! مرة بخصم ومرة بدون ! فالواحد لازم ينتبه .. وكذلك ما يطلع لك كل الغرف حتى تضغط على زر اظهار المزيد من الغرف ..

يعني يا شباب هل في واحد جرب هذا الموقع وحجز عن طريقه لجزر المالديف

اخوي عوض سات انا غامرت وحجزت قبل يومين من اقودا واللي حصل كالتالي:
حجزت 3 ديلوكس بانقلو كل مره احجز بانقلوا وبعدين ارجع احجز الثاني يعني مو مره وحده تفصل بين كل حجز والثاني نصف ساعه.
طبعا السعر طلع شامل الضريبه التنقل والافطار لكن... كان معروض لي قيمة محددة وبعد الدفع اخذوا علي زيادة تقريبا 300 ريال حقت ايش مدري (يمكن التحويل من ريال الى دولار او نسبة البطاقة الائتمانيه)بصراحة معرف!!!
المهم الغرفة الثانيه كانت لشخص واحد نفس الشي اخذو مني حدود 300 ريال..وحطوا لي المقابل بالدولار.
لكن الغرفة الثالثه تخيل اخذو مني حوالي 500 ريال بالرغم ان المقابل بالدولار هو نفسه حق الغرفة الاولى لكن بالريال السعودي تختلف.؟؟؟
المهم اتصلت وتأكدت ان التنقل مشمول قالوا ايه بإذن الله.
واتصلت عالفندق امس اتأكد ان الحجز موجود وطلبت ان الغرف تكون جنب بعض وقالوا ان شاء الله.
ويارب تتيسر لاني من جد خايفه
اتمنى اكون افدتك

شكرا اخت ليالي
اتمنى من اصحاب التجارب اعطائنا رأيهم