بسم الله الرحمن الرحيم
السلام عليكم ورحمة الله وبركاته
صباحكم ،/ ، مسائكم معطر بريحة الفل والياسمين
كيفكم الكل والجميع ان شاء الله تكونو بخير يارب؟
المهم انا فرحي في نص يناير وكنت حابة ومخططين اننا نروح موريشوس طبعاً لانها مناسبة لينا في كل الحالات يعني روعة المنظر والاسعار
بس ابغا اعرف كيف راح يكون الجو في دا الوقت
وازا ماينفع نروح اقترحو عليا فين نروح في نص يناير
لاننا بجد محتارين وانا طبعاً نفسي اروح موريشوس
ومرة مانفسي اروح ماليزيا بالزات في شهر العسل
لان صار روتين كل العرسان في ماليزيا
فبليز ساعدوني الصراحة مالقيت حل غيركم لاني من جد شفت المنتدى متعاون جداً سواء ادارة او اعضاء الله يعطيكم العافية
وكمان في اشياء احب احددلكم هيا عشان اوضحكلم الصورة
يعني ممكن الفترة تكون من اسبوعين الي تلاتة اسابيع بالكتير
والمبلغ يعني ممكن يكون بالقليل 20 الف

هلا فيكي أختي
والله يتمم عليكم ويسعدكم
ماليزيا مثل ماتفضلتي أصبحت مكررة وتغيرت كثير عن 5 سنوات ماضية
موريشيوس في شهر يناير مناسبة الى حدا ما
المشكلة الوحيدة اللي ممكن اذكرها هو بداية موسم الأمطار مع بداية شهر يناير
والوضع يزداد صعوبة في نهاية الشهر ومع شهر فبراير
ممكن التفكير في الموضوع قبل اتخاذ القرار
في الجهة الأخرى البديل اللي أراه مناسب لكما هو جنوب افريقيا
خوذي لكي جولة في بوابتهم
وفكري فيها بجدية
وخاصة كيب تاون و سن سيتي
زيارة واحدة لأي مكتب سياحي او الأمارات للعطلات تفي بالغرض
بعد تجميع معلومات وافية من البوابة الأفريقية
المالديف توضع كخيار أخير والسبب ان عدد ايامها محدود في فترة بين 5 الى 7 ايام كحد أقصى
اتمنى لكما التوفيق والبوابة والأعضاء هنا وفي جميع البوابات اكيد ما راح يقصرون معاكي

هلا فيك اكتر اخ ابو عبدالعزيز
والله يعطيك العافية
الصراحة مرة شكراً
ومرة سعيدة بردك
وراح اشوف الموضوع واخد رأيك في الاخير