om rose
25-09-2022 - 11:30 pm
السلام عليكم ورحمة الله وبركاته..
مساء الخير/صباح الخير
اجهل في المقدمات عشان كذا بدخل بالموضوع على طول...
وقبل ابدأ يارب تكونون بألف صحه وعافيه وربي يوفق كل اللي يردون واللي ماعندهم خبره ارفعوا الموضوع بدعوه...
وينكم يا اهل الخبره والفزعه...
صديقتي تبغى تسافر تحتفل بمناسبة ذكرى زواجهم وميزانيتها بحدود خمس الاف ريال
وراح تكون رحلتها ب 5/2/1432 ه
طبعا ماتبغى داخل السعوديه تبغاها برا من كثر فلوسها
هي في بالها سريلانكا او الهند وانا اقترحت عليها اسبانيا بما ان الجو بارد
اتوقع في عروض على اوروبا نظرا لميزانيتها ومدة رحلتها جدا قصيره تقريبا 3 ايام يعني ودها الاقلاع يكون الاربعا
والوصول السبت
وتكون مدة الرحله في الطايره قصيره عندها رهااب مرتفعات لا بسم الله عليها امزح بس عشان ما يتعبون في بطول الرحله وطبعا اختنا بالله رافضه الدول العربيه ما ادري مسويه مقاطعه مثلا ههه
شاركونا برايكم وفزعتكم وش اقتراحاتكم بأسرع وقت....
هي عاملتها مفاجأه لزوجها الاخت متكفله بكل شئ تبغى تضحي براتب شهر لعيون ابو الشباب او بالاصح تبغى تونس نفسها ...
وش رايكم وش الترتيبات وهي ماتقدر الا على 3 ايام عشان الدوام من الاربعا الى السبت
ياربي يوفقكم ساعدونا صارلها اسبوع مزعجتني ماعندها نت وطلبتني انزل الموضوع عنها
أولاً وأنا اخوك قلتي .. 3 ايام .. والميزانية 5000 ريال ..
يعني أي دوله عربية او خليجية .. ممكن نقول نبحبحها من هنا ومن هناك ..
لكن أسيا وأوربا .. حتى القيمة ماتوفي حق التذاكر .. وبغض النظر عن التذاكر .. المدة قليلة .. 3 أيام !!
السفر لحاله يبيله يوم كامل .. يعني يوم روحة ويوم رجعة .. تعتبر ماجلست إلا يوم واحد .. حتى مايمديها تفك شنطتها .. إلا مزهبتها أخر الليل ..
لالالا وأنا اخوك .. إذا الموضوع كذا أن انصح انها تختار وجهتها دبي .. ولعل وعسى القيمة توفي معهم ..
وممكن تزود وهذا المحتمل ..
أو نخلي الوجهه شرقاوية او غربية ..
بالتووفيق ،،