السلام عليكم ورحمة الله وبركاته
كيفكم اخواتي اخواني ان شاء الله الجميع بخير يارب
حبايب قلبي بدخل في الموضوع على طول*
حابه اسافر باريس وسويسرا وزوجي مايحب الدول الاوربيه حابه يسفرني ماليزيا للمره التانيه المهم انا اقنعته ولله الحمد نسافر فرنسا وسويسرا المهم*
حابه اسافر مع دخول السنه الميلاديه الجديده ان شاء ربي*
مشكلتي اللي حابه تساعدوني فيها انو زوجي حاط في باله انو اذا رحت انا هناك بندم وماحتعجبني و الى اخره وانو هما مايتكلم انجليزي كتير ومدري ايش المهم*
حابه اسال في عدة نقاط وياليت اجابه تشفي القلب مو مرور والسلام ربي يحقق لكم ماتتمنوا*
نبدأ في رحلة اسالتي يعطيكم العافيه

• متى افضل وقت للسفر عموما انا مابحب البرد الكتير الجو المعتدل كويس يعني هل وقت الربيع افضل وقت للسفر

واللي شفته منكم هنا احجز الطيران بدري مو صح
وهل بيكفي مبلغ 35 الف للرحله ولا لا عموما *احتمال نحجز 35 نحجز منها الفنادق والطيران ماله دخل ب35
المهم انا حابه اروح في فرنسا
قصر فرساي نهر السين مدري في فرنسا ولا سويسرا من كتر ماشفت تقارير لفرنسا وسويسرا لخبطت خ من الفرحه قوس النسر كنيسة مونمارت وشارع الشانز ودزني لاند ومتحف اللوفر
بس ابغاكم تقولوا ليا كيف اروح دي الاماكن عن طريق ايه بالضبط ومو حابه اضيع هناك لان زوجي راح ياكلني خ لان قلي جهزي كل شي وخير ان شاء الله
وحابه اتسوق هناك اهم شي خ قولوا لي على اسواق حلوه واسعارها مناسبه مو اروح وارجع بدون شي عشان عشانها غاليه
وسويسرا اللي يعرف شي عنها يقولي لاني حابه اروح بيت هايدي والزحليقه ونسيت كمان حابه اروح اتزلج خ يخوفي ارجع مكسره خ الله يستر بس*
لحد يدخل ويطلع بدون مايرد والله ادعي لكم بعدين خ الله يسعدكم يارب
وشكرا ليكم ومعليش ادري كترت بالكلام بس انتو اخواتي ربي يسعدكم يارب
وبليز اللي يعرف لسويسرا لايقصر
اشكر مشرفين القسم اول الله يعطيهم العافيه
وحابه اشكر اختي احلى من العقد وكتكاته وبهبهانيه واخوي العزيز اللورد ولا يهونوا الباقيين الله يسعدكم جميعا تقاريركم هي اللي شجعتني اسافر شكرا للك ل