لا تكفون حسبولي اتذاكر الطيران بين هذه المدن اللي ذكرتها ولكم الشكر والتقدير ولا عليكم أمر بأسرع وقت

جدولك حلو بتقسيمة الايام
ونصيحة لك قبل كل شي احجز من بدري وعن طريق النت ارخص ولازم يكون معك فيزا
بالنسبه لافضل خطوط اقتصاديه ونظيفه وحلوه هي طيران أير أسيا وسعرها تقريبا للشخص الواحد 150 ريال ولو تحجز قبل بفتره ممكن تكون ارخص بكثير ومدة الرحلة ساعه تقريبا لانها باقصى الشمال
وبالنسبه للمكاتب السياحيه فيه كثير في النايت بازار لكن انتبه تروح للمكاتب العربيه مثل المهاجرون واسماعيل لانهم يستغلون العرب باسعارهم الغاليه و رح لمكاتب السياحيه التايلانديه افضل و ارخص وفي بوكيت برضو نفس الكلام وفي بانكوك لو تبي تتسوق لا تروح لمحل فريده علي او اي محل عربي لانه للأسف استغلال بشع وغلاء وانا رحت لهم كلهم والافضل لك تروح لسوف نانا سكوير فيه محل بالدور الاول بالزاويه فيه وحده اسمها ساره تبيع بسعر رخيص ساعات وشناط ماركات واكسر راسها بالسعر ولا تاخذ اي هديه بسعر اكثر من 800 بات لانها بتبيعك بهالسعر بعد الاصرار عليها
اذا كانت عائله كبيره خذ تاكسي وبالعداد يحسب لك .. احنا مره لفينا شنقماي مع تاكسي خذيناه من مكتب سياحي و ودانا تقريبا خمس مصانع مثل المجوهرات والعسل والصناعات اليدويه والجلد وجميله جدا وبعدها لحديقة النمور وكلها بسعر 200 بات من الصبح الى 4 العصر
ونصيحتي لك حولك فلوسك كلها دولارات من ديرتك واصرفها من هناك بات
واحجز الفنادق من موقع بوكينق والطيران الداخلي من مواقعهم بالنت ارخص لك وكل ما حجزت بدري كل ما رخص عليك السعر
واتمنى اني افدتك وبالتوفيق

شكرا جزيلا والله يعطيك العافية

جدول مناسب بس لو تخلي اول يوم بس في بانكوك
لانك راح ترجع لها اخر 3 ايام
وتضيف اليوم هذا الى بوكت او شنق ماي وانا وجهة نظري على بوكت
بانكوك 1 راح من عناء السفر
شنقماي 3 للسياحة
وبوكت 6 للسياحة
ومن ثم بانكوك 3 للتسوق
تحياتي