اي هي اقفلت بسبب المكيفات أو العاصفة
أنا شخصياً ما جربت الا سينما الستي
بس أظن ألحين هي مفتوحة لان افلامها تنعرض في جريدة الراية

سينما الستي فيها 14 سينما ومن ضمنها سينما vip
الافضل من حيث الحجم وتنوع الفلام
سعره التذكره 30 و vip 100
وسينما الاند رحتها مره وحده وماعجبتني ترتيب الكراسي تحس فيه شئ غلط
سعره التذكره 30
وسينما المول صغيره وسعر التذكره 30
وسينما الدوحة وسينما الخليج
مارحتهم ولامره مااحس يصلحون لعوائل كلهم هنود واسعار التذاكر ارخص مقارنة بالبقية اعتقد سعر التذكره 15 ريال
وبالنسبه لسينما الستي تسكرت 10 ايام بسبب عطل في المكيفات

ملك الأبراج
شكرا ياملك الابراج على المعلومة وياليت احد من اخواننا في قطر يأكدها

لمعة الماسه
والله انك الماسه مو لمعه بس ...
شكرا ياوخيتي على الاجابات الشافية ... ولكن سؤال كم بقي يوم على ال 10 ؟!!!
وايش احسن بديل ... فهمت من كلامك ان احسن بديل للسيتي هو اللاند مع انها فيها شي غلط على قولتك (اهم شيء لاتكون الكراسي تطير خ)
تسلمين

سوري سألت وقالوا لي اسعار التذاكر في سينما الدوحة والخليج ارفعوهم صاروا 25
انا بالنسبه لي احسن بديل بعد الستي هو سينما المول
وبالنسبه لسينما خلاص افتحوها
ومنزلين فيلم جديد سبايدر مان والتذاكر دايما محجوزة يالله الحق عليه

اخوي العريس
قديم انت
هالكلام صار له اكثر من شهرين
حياك ياخوي وانا عازمك على سبايدر مان
يمدحوون الحزء الثالث
والاسبوع اللي بعده يمكن قراصنة الكاريبي الجزء الثالث بعد
ياهلا ويا مرحبا بك اخوي العريس

لكلام مثل ما قالوا اللي سبقوني ..
السينما الحين شغالة .. ولا أروع ..
وبالنسبة لترتيب السينمات فالدوحه ..
فطبعا .. سينما السيتي هي الافضل . من حيث عدد الشاشات ... نوعية الصالات ..
ترتاح لما تشوف الفيلم .. الكراسي ...
لما سووها ... تأخروا فيها .. وكان هذا في مصلحة الزبون ..
اما سينما اللاند والمول .. فهما لشركة قطر للسينما ..
لا بأس بهما ..
لكن تأتي سينما اللاند قبل سينما المول .. بسبب ان اللاند .. الصالة فيها مرتبة اكثر شوي من المول ..
ولو ان الكراسي هناك تعبانة ..
اما سينما الخليج والدوحه .. انا الصراحة مارحتهم .. ولا ابي اروحهم ...
واعتقد ذوله .. يأتون في آخر اللستة ..
نتمنى أن تفتح سينما في الرويال .. وفي الفيلاجيو ...
حتى يكون التنافس بين الجميع ...ولمصلحة المشاهد ...
يعطيك العافية ..

لمعة الماسه
الله يبشرك بالخير ...
مو انا قايل لك انتي الالماسة نعينها وعلمها مو لمعتها بس
تقبلي شكري وامتناني ياوخيتي واسفين على اتعابك وان شاء الله تجي فرصة نخدمك

قطري
ياخي والله صدقت ... المشاغل والضغط العملي تخلي الواحد آخر من يعلم ...
ان شاء الله جايينكم باذن الله ... سمعت عن مول جديد قيلاغيو ...شفت موضوع مكتوب عنه وسألت وين موقعه ولا احد رد ... فلذلك بجي بطاعس عندكم لين القاه خ