افا يومين محد رد
وين اهل دبي ؟؟

هلا أخوي و إن شاء الله توصل بالسلامة
شف من وجهة نظري .. ما يبي لها برنامج .. بعد المطار اكيد بتروح للفندق بعد ما ترتاح خذ تاكسي إلى دبي مول
تعشى فيه و تمشى و تسوق إذا ودك و بعدين أدخل السينما و شف لك كم فلم و ما راح تحس إلا و الوقت طار
و ارجع الفندق و نم و أستعد للعودة للوطن بمشيئة الله سالم غانم

انا اقول روح لمجمع دبي مول القريب من المطار بمسافة معقولة و لما يسكر السوق تعشا في مطعم خارج المجمع و ارجع للمطار و تسوقه فية يعني شنو تبي اثر من هذا ترى مو نازل دبي يوم او يومين كلهم 6 ساعات و شيلك ساعتان احتياط قبل ارحلة و تقدر تشوف المجمع من خلال توقيعي ( رحلتي الي دبي )

تتسوق في السوق الحرة وتتمشى في المطار الجديد رقم 3

يا جماعة الرجال عنده تقريباً 24 ساعة من وصوله إلى الإقلاع في اليوم التالي
معقولة يمضيها بالمطار !!!!!
الرجال يبي بريمج مدته 6 ساعات لمشاهدة دبي

اقترح عليك تطلع من المطار وتتجه إلى دبي فيستيفال ستي
بما انها الأقرب للمطار واحد افضل مراكز التسوق في دبي
وتتمشى وتتعشى
وتدخل فلم
وقبل الرحلة بساعتين (حاول ما اطول واايد) لأنك اذا اتأخرت عن الدخول قبل ساعه بتروح عليك الرحله
ارجع المطار عساس يمديك تحصل تكسي (لأنه احتمال يكون زحمه على التكاسي) وترجع للمطار وتدخل لصالة الترانزيت
مع تحياتي.............

يعطيك العافية جميعا بس الوحيد اللي فهمني الراهي
انا عندي ساعة بجلسها بدبي من عصر الخميس الى عصر الجمعة...
لكن يعطيكم العافية ماقصرتوا

هلا اخوي انا افضل لك انك تطلع من المطار الى دبي مول وخذلك جولة حلوة واذا ودك تشوف النوافير او تعشى في مطعم حلوو ورجع للمطار عشان ماينشغل بالك مع الرحلة
الله يوفقك ويرجعك سالم لاهلك يارب
i wish happy live
your sister switzerland

ابو عوعو
تقدر تطلع من المطار وتتجه إلى الفندق اذا كنت حاجز مسبقا
وتحط اغراضك وتريحون شوي
وتطلعون بعدها إلى دبي مول وتتمشون في المركز وتطلعون تشوفون دبي فاونتن (النافورة الراقصة بجنب المركز)
واليوم الثاني من الساعه 10 الصبح مثلا
تروحون الفستيفال وتتغدون هناك وبعد الغدا ترجعون الفندق وتاخذون اغراضكم وعلى المطار
(اقترح عليكم السكن اما في كراون بلازا الفستيفال او الانتركونتيننتال الفستيفال
او احد الفنادق القريبه من المطار
نع تحياتي....................