السلام عليكم
كيف الحال ....ياجماعه اقسم بالله اكتب لكم وانا خلاص قافله على وانتم شوفو كلامي
انا حجزت على النمسا والمانيا و لندن حلو...
دفعت كل شي السكن والتذاكر الفوتشرات عندي على تاريخ 20/7/2010
انا بسافر وزوجتي الله يحفظها
المشكله العويصه ما دريت بصير عوائق
1-زوجتي سعوديه
وانا قطري
كلمني المندوب يقول لى جوزاك بيخلص حق المانيا يوم الاثنين الجاي وزوجتك بتخلص تاريخ 12/7/2010
قلت ليش قالى سعوديه اجراءت اشدخل زوجتي قالى ما ادري بنشوف يوم الاحد
انا فكرت يوم 12/7/2010 بيصادف يوم الاثنين باقى لى 8 ايام على موعد سفر تاريخ 20/7/2010 قلت لا مايصير المانيه طولو اشلون البريطانيه
رحت اليوم مكتب البريطاني وادخل على واحد عربي يشتغل عندهم وشرحت له الوضع قالى يمكن اجاراءات اطول قلت يابن الحلال طيارتي يوم 20 بتخلص قالى ما اوعدك وعاطني اشياء غير عنها احس انا مو اقطري شروط قالى لازم اجيبها
1-قسيمه الزواج مترجمه
2-شهاده راتب
3-كشف احساب 6 شهورز
4-كتاب من الزوج
يعني ما ادري هل مرت عليكم هل شروط
علشان زوجتي خليجيه مو اقطريه
عموما تتوقعون يرفضونها
تتوقعون الحق اتخلص المعامله
مسكينه زوجه قالت روح استانس لحالك اذا ارفضوها
قلت اذا ارفضوها يفداج افلوس
عاد انتم اشرايكم بهل الوضع تتوقعون تمشي المعامله
وشكرا