وعليكم السلام ورحمة اللة وبركاتة
اولا نعم يقبلون انكم تقعدون بغرفة واحدة ...وعلشان راحتك فية فنادق يكون نظام غرفها كلة اجنحة( غرفة وصالة ومطبخ صغير) مثل ال EMBASSY SUITE
http://embassysuites1.hilton.com/en_US/es/hotel/BURGLES-Embassy-Suites-Los-Angeles-Glendale-California/index.do
هل راح توصل عن طريق مطار لوس انجلس وهل راح تغادر منة؟
السيارة نصيحة تستاجر مينى فان لانها مريحة للعائلة وتشيل شنط وايد..
هل ناوى تزور سان فرانسيسكوA ..سان دييغو C..لاس فيقاس D..اورانج كاونتى B ؟؟ وطبعا لوس انجلس E..
ممكن تلغى فقط سان فرانسيسكو لانها شوى بعيدة ...و تزور فيقاس 4 ليالي وسان دييغو 4 واورانج كاونتى 4 ولوس انجلس 9 ليالى
بالنسبة للمصروف اليومى فصعبة تحديدة لانة يعتمد على الشخص وشنو راح يسوى وشنو طريقة صرفة ..مبدئيا حوالى 200 دولار يوميا للتمشى والقهوة والايسكريم والاكل بمطاعم عادية ( بدون تذاكر دخول الملاهى ..مثل دزنى لاند ويونيفرسال وسى وورلد وغيرهم )
واليوم اللى بتروح فية الملاهى بتدفع كذلك حوالى من 200 الى 300 دولار تذاكر لاربعة اشخاص...ونصيحة لاتزور سكسفلاق ماجيك ماونتن لان عيالك صغار وهى مخصصة لسن اكبر ...
لازم تزور اليونيفرسال ستوديو ( فى لوس انجلس)
و دزنيلاند الحديقتين ... و نوتس بيرى فارم ..( فى اورانج كاونتى)..
و سى وورلد... وليقولاند... و سان دييغو زو ( فى سان دييغو )

الله يعطيك العافية ومشكور
راح انزل في مطار لوس انجلس وارد منه
شنو ابدي فيه اي منطقه؟

مسافر حذر
هل ناوى تزور سان فرانسيسكوa ..سان دييغو c..لاس فيقاس d..اورانج كاونتى b ؟؟ وطبعا لوس انجلس e..
البداية افضل شي. اورانج كاونتي وبعدين سان دييغو وبعدين لأس فيقاس والنهاية لوس انجلس ..

aziz20012001
مشكور ياعزيز على سعة صدرك
انا مو ناوي ازور سان فرانسيسكو
ابي امشي مثل ماقلت بس ابي اسأل وين اسكن في لوس انجلس ؟ اي منطقه؟هل استطيع من منطقه واحده في لوس انجلس ان ازور باقي لوس انجلس؟

ما انصحك تقعد بمكان واحد بلوس انجلس. لانها وايد كبيرة وزحمة علي طول والمسافة بين مدن الشمال ومدن الجنوب تصل الي اكثر من ساعة ...متعبة وايد وايد
افضل شي. تستلم سيارتك من مطار لوس انجلس اول ماتوصل وعلي طول تروح اورانج كاونتي4 ليالي واسكن في اناهايم هذي المنطقة اللي فيها دزني لاند وقريب منها نوتس بيري فارم واسكن في فندق Doubletree Anaheim Guest Suites Anaheim او فندق Embassy Suites Hotel Anaheim South وبعدين سان دييغو 4 ليالي وشوف تقريري عن سان دييغو بخصوص السكن وبعدين لأس فيقاس 4 ليالي واسكن في فندق الفانيشن the vanetian والنهاية لوس انجلس 9 ليالي اسكن في بفرلي هلز او هولييوود او وستوود.