وعليكم السلام
هلا فيك اختي في بلدك الثاني
وان شاء الله توصلون بالسلامه
سؤالك الاول عن صباح يوم الجمعه
الحقيقه صعب جدا , انك تلقين مكان تقضين فيه وقتك في الفتره هذي
فيه عندك سوبرماركت كبير مثل ( بنده ) على شارع التخصصي تقاطع طريق مكه(خريص) و (يورو مارشيه) ايضا بشارع التخصصي تقاطع العروبه
نجي للشقق الفندقيه على شارع العليا
انصحك بشقق اسمها ( الخليوي) حلوه جدا ورائعه
اخر نقطة , اسواق الرياض
اهم الاسواق بالرياض , الفيصليه , المملكه , اسواق حصارى , غرناطه
وفيه مجمعات توها جديده وكثيره
بنهاية شارع العليا
يا هلا وسهلا فيك مره ثانيه

الأسواق السوبر ستار كثيره ومنها :
الفيصليه .. المملكه .. غرناطه .. نجود .. سنتريا .. الرياض غاليري .. حياة مول .. صحارى .. صحارى مول
عمومآ خليكي في شمال الرياض وتحديدآ العليا وتلقيين كل شيء إن شاء الله

الجمعه صعب جدا
وانك تخلصي من مجمعات الرياض في يومين فهذا مستحيل لانه كثيره مره
والشباب ذكروا المجمعات المهمه واللي عليها ضغط كبير

وانا اقول ليش السعوديه انوارها زادت أثري بنت الكويت بتشرفنا بجيتها
حياكي الله في ديرتك الثانيه
شوفي إختي طبعا مستحيل في اسبوع تخلصي كل الأسواق بالرياض فمابالك بيومين بس انا ابي انصحك بالمولات الي تستحق الزياره عشان ماتضيعي وقتك وتستفيدي وبالذات انك جالسه يومين فقط
أهم المولات في مدينة الرياض 1-مركز المملكه التجاري وبعد ماتخلصي من التسوق تقدري تطلعي جسر المشاهده الدور 99 وتشوفي الرياض كلها النفر ب35 ريال
2-مركز الفيصليه التجاري ونفس الشي فيه مطل للمشاهده جونان لا يفوتك وطبعا فيه مطاعم روعه في الدور 11 والدور 21
3-مركز سنتريا ومركز العليا مول وهي للماركات الفخمه والنادره وتراها قريبات من بعض وفيه مطعم ايطالي بمركز
سنتريا لا يفوتك روعه
4- مركز الرياض غالري مجمع ظخم روعه روعه روعه بالإظافه ان المول يفتح النفس كأنك في غابه اشجار و شلالات وحيوانات و طيور محنطه نصيحه لا تروحيه بالنهار روحيله بالليل لتتمتعي بالتسوق
5- غرناطه مول وهو مول كبير ويوجد بداخله مدينة ملاهي رائعه لا يفوتك
والله اني احب لك الخير نصيحه روحي لهذي المولات اول وبتدعيلي واذا معك وقت روحي صحارى مول وحياة مول لأنهم بجانب بعض وتقدري تتنقلي بينهم بدون سياره (مشي)
طبعا لا يفوتك شانشلزيه الرياض والمعروف بإسم شارع التحليه الشارع ملئ بالكافيهات والمطاعم الراقيه والعالميه اذا مارحتيله ما كأنك جيتي الرياض
بالنسبه للسكن راح اعطيكي عدة فنادق وكلها بالعليا وقريبه من الأماكن الي ذكرتها لك
1- فندق النوفتيل وهو في برج العنود
2-فندق التنفيذين على شارع العليا العام
3- فندق المثنى بجانب برج العنود
4-فندق رويال على شارع العليا العام
5-فندق هولدي ان على شارع العليا العام
وإذا تبين فندق فخم جدا أنصحك بفندق الفيصليه عموما شارع العليا مليان فنادق انشالله ماراح تحتاري
على فكره فيه محلات ماركات كثيره على شارع العليا العام وفيه مركز صغير اسمه مركز الهرم التجاري عليه زحمه غير طبيعيه لأنه رخيص واشيائه حلوه اتوقع يفتح يوم الجمعه الصباح
أي سؤال انا حاضر ..
أخيرا أتمنى تقضي وقت ممتع في مدينتك وبلدك الثاني وتلقي كل الي تبينه (بتشرفينا بقدومك)

هلا والله اختي ذهب الكويت حياك الله وبياك تنور الرياض بزيارتك يالغاليه ونتشرف بالرد عليك
بالنسبه للشقق المفروشه عندك شقق بودل
http://www.boudl.com/
وشارع العليا العام مليان شقق باسعار ومستويات مختلفه
بالنسبه للاسواق عندك المملكه والفيصيليه وسنتريا والرياض غاليري كلهم على شارع العليا العام وحياة مول على طريق الملك عبدالعزيز وانصحك فيهم لا يفوتك
فترة الصباح يوم الجمعه تقفل المولات وتفتح العصر الساعه 4 وبعضها تفتح بعد صلاة الجمعه مباشره لكن مطاعم مو محلات
اماباقي ايام الاسبوع تفتح الصباح من الساعه 10 الى الظهر
يارب تقضي في الرياض احلى يومين ويجعل ايامك كلها سعاده وفرح

تنور الرياض بوجودك
بالنسبه ليوم الجمعه مافيه اي سوق فاتح الا اذا كان قصدك تتغدين وماانصحك لأن رحلتك الساعه 4 يعني الحضور 2 واذا بتسكنين بالعليا يبيلك ساعه تقريبا عشان توصلين المطار يعني تطلعين الساعه واحده فمااتوقع يمديك ابدا
نصيحتي لك روحوا للثمامة تمشوا فيها هذا بر الرياض روعه ووناسه ويفتح النفس وبجنب المطار واذ ماتبون ممكن تروحون مركز غرناطه تتغدون هناك وتسوين ويندوشوبينغ

أنصحك بفندق ميركور بالقرب من مركز غرناطة التجاري
حلو وفخم على شكل سفينة
والاخوان والأخوات ما قصروا
أتمنى لك رحلة موفقة

صبح الجمعه !!!
ما يمديك تسوقين .. الاسواق يوم الجمعه ما تفتح محلاتها الا بعد صلاة العصر

مراحب بجميع الأخوة والأخوات الخليجيين برياض العز