هلا يا أخوي؟ متى ناوي على السفر إن شاء الله وكم عددكم؟ لا يوجد قطار أو ترام من مطار أنطاليا.. ولكن توجد تكاسي.. فأنا أيضا ناوي على أنطاليا إن شاء الله وحجزنا في فندق رمادا بلازا .. وناوين نحجز التاكسي من هذا الموقع:
http://www.shuttledirect.com/en/airport/AYT
والسعر بحدود 8 دولار ونصف لشخصين..
تحياتي

السلام عليكم
أنا لا أنصح بالذهاب أبدا الى شلالات منفقات مره لا تستحق الزياره وبعيده في حدود 80 كيلو متر رحناها وتندمنا مره وبعدين كان المشوار في الذهاب والعوده بعدداد التاكسي 250 ليره ومره مره لا تستحق عاديه جدا جدا
شلالات دودان منتزه مره روعه وقريب 15 كيلو
في منتزه على البحر زي الحديقه خلف فندق رمادا بلازا مره حلو وفيه استراحه وتمشي فيه حتى توصل للبلده القديمه كاليسي او قلايجي بهدا الاسم حلوه برضو
كمان الشارع الا خلف فندق رمادا بلازا حلو للتسوق والمشي فيه وفيه كافيهات ومطاعم
بس عموم التاكسي في انتاليا اغلى من اسطنبول احس العداد يمشي بسرعه

هلا بك يالغالي
برنامجك جدا رائع
بالنسبه لليوم الرابع شلالات المفقات
بعيده مره وما تستاهل العنوه
لان شلالات دودان شي خياالي ويغنيك المنظر عن اي شي
انصحك باستبداله
الى رحله بحريه تاخذها من المرسى اللي في وسط المدينة بالضبط او بالاصح انطاليا القديمة
خذ رحله بحرية مدتها ساعتين تقريبا يلفبك وتشوف منظر اكثر من شلال وهي تصب في البحر من اعلا الجبال منظر جدا جدا راائع وراح تستمع كثيير فيها واسعارهم بحدود 50 ليره اذا تبي تاخذ مركب لك لحالك
وب 10 ليره للشخص اذا بتركب مع مجموعة بس اهم شي تاكد من مدة الرحلة قبل لان بعضهم يلفبك نص ساعه ويرجع
وانطاليا راح تستمع فيها لانها مدينة حلووه وتاريخيه وطرازها اوروبي وطابعها اوروبي وشعبها لطيف جدا
بالنسبه للسواقين انصحك تاخذ باليوم سعر سائق التاكسي يوم كامل ب 150 ليره من الصباح وحتى المساء
طبعا السواق يمكن ما تحتاجه الا مره او مرتين بالكثير والباقي انت تتنقل علي كيفك
خصوصا ان الترام قريب منك مره على يسارك ما بينك وبينه الا 5 دقايق مشي على يسار الفندق وكل ما بغيت وسط المدينه اركبه
وعلى يمين الفندق وتحت تحديدا على الشاطئ تفتح المقاهي الليلية وفيها قهاوي حلووه بعضها بارات لكن فيه اكثر من كوفي حلو تقدر تجلس فيه جلسه شاعرية وما تسكر الا الفجر
بالتوفيق يالغالي

الأمير المسالم
مشكور أخوي (الأمير المسالم) على الرد
وإن شاء الله سفري غداً
نحن شخصين
بس أخوي هل هذا الموقع الذي ذكرته مجرب ومضمون!!!
شاكر ومقدر تجاوبك
وإن شاء الله نشوفك هناك

هلا بأبو فهد.. إن شاء الله تروحون وترجعون بالسلامة..
الموقع أخذته من منتدى Turkey travel planner وأنا ما جربته صراحة ولكن أعتقد أن المعلومات المذكورة في هذا المنتدى مجربة..
تحياتي
أبو فهد12345
وإن شاء الله سفري غداً
نحن شخصين
بس أخوي هل هذا الموقع الذي ذكرته مجرب ومضمون!!!
شاكر ومقدر تجاوبك
وإن شاء الله نشوفك هناك

فنونه ليمونه
الله يعطيك العافية أختي (فنونه ليمونه)
على مشاركتك ونصائحك
وبالنسبة لشلالات منفقات أبلغيها من البرنامج
ألف تحية لك