سكروا خشومكم وراح ترتاحوا ان شالله
والله مشكلتكم عويصه خ
وهل هذا السبب يمنعني من السفر لها ؟
أكيد أهم ماعلينا خشومكم طال عمركم !!!!!

اهلين اختي
انا توني جايه من هناك صراحه ما شميت شي فيها

مرحبا امولي
نعم بانكوك فيها مناطق لو مشيتي فيها روائح المجاري وروائح الطبخ في الشوارع الي راح تسد نفسج ويمكن تمرضج، لكن اختي خلي رحلتج كالتالي:
اول ما توصلين مطار بانكوك طوالي خذي طيارة على شنغماي وخذيلج فيها ثلاث ايام بالكثير وبعدها روحي على بوكيت وخذيلج فيها اربع او خمس ايام وانتي راجعة اسكني في بانكوك ثلاث ايام ولا تدخلين الاسواق الشعبية لانه راح تتعبين من الروائح، لكن تسوقي في المراكز التجارية عندهم ودايماً خلي استخدامج للقطار عشان ما تتبهدلين مع التوكتوك لانه مفتوح وراح يذبحج دخان السيارات وانتي في التوكتوك.
ولو ماكان لكم خاطر تتسوقون في بانكوك خلي رحلتج حصراً على شنغماي وبوكيت وان شاء الله ماراح تتعبون من الروائح الكريهة.
على فكرة شنغماي ممكن تتسوقين منها لانه الاسعار مقاربة لبانكوك طبعاً اقصد النايت بازار.
ولو عندج اي استفسار حاضرين.
شكراً

تحياتي لك اختي الكريمه واهلا بك بالمنتدى بين اهلك واخوانك بالنسبه لموضوع الريحه وبانكوك فأنا لاانصحك بتاتا وقطعا أبديا وسلبيا بالذهاب الى تايلند واعلان لجميع العوائل الذاهبه الى تايلند بأن فيه ارواح واشباح وعفاريت بكل مكان وتترصد فقط بالعوائل ومتخصصه بأكل طرشي المانجا وعلب جبن كرافت اللي يجيبونها العوائل هذا بالاضافه الى الروائح الغير محببه واللي غير موجوده بأي مكان بالكرة الارضية ماعدا تايلند ومايشمها الا العوائل ايضا لاتنسون الكلاب الضاله اللي تارسه الشوارع والميادين العامه والخاصه واحدى العوائل الخليجيه روت لي قصه مرعبه ان أول ماوصلوا الفندق قام الولد آخر العنقود عبودي بفتح الثلاجه عشان الكاكاو وفجأه سمعوا صراخه ولقوا ان اعزكم الله كلب بوليسي قاعد بالثلاجه وماسك كيت كات ويقدمها بيده للولد .
مستر مطبه من كثر ماضحكت على اللي كاتبه انقلب فيني الكرسي لول وانت صاج ياحبيبي واتمنى للاخت امولي شهر عسل سعيد بسنغافوره وماليزيا
ملاحظه مهمه:
(اذا توصون شي ياجماعه انا مسافر 3 اشهر من نوفمبر الى يناير لمعشوقتي تايلند بلد الابتسامه والطيبه والامان)

مسكينة تايلند !!
ما تنذكر الا بروايح الخايسة وكأنها من كوكب القردة
يا ناس انقلوا الحقيقة كاملة ومثل ما نضخم الأشياء السلبية
ياليت نضخم الأشياء الايجابية كي نكون متوازنين مع العلم
بأن ايجابيات تايلند تغطي على معظم السلبيات
اختي الكريمة توكلي على الله وإن شاء الله تستمتعين
بوقتك برفقة زوجك ولكن حاولي في بانكوك الابتعاد عن منطقة العرب وستكونين بألف خير لأنك ستجدين هناك ما يغزز النفس :112:
اما بوكيت وشنغ ماي فالوضع مختلف وأكثر من رائع
وسلامتك

بصراحه انصحك لا تروحين ابدا دام هذا اولها تايلند ما تصلح لكم خلك على ماليزيا وسنغافوره احسن لكم مافيها ريحه ابدا
يا ناس وش سالفه المواضيع هاليومين كل يوم يطلع لنا موضوع جديد وعيب جديد واخرها الريحه وانتظرو 3 اعضاء هذا تخصصهم عطوهم فرصه بس يعرفون عن هالموضوع وابشرو بهم حش بحش
باختصار اتركو تايلند لنا واللى عنده ذره شك انها ما تصلح له لا يروح وبس
واقسم بالله اني اتمنى استقر في بلد الريحه هذا طول عمري

يا جماعة الخير ليش هذه الحساسية كلها، خلوا اجاباتكم على قد السؤال وخلاص، ماله داعي تخلون صاحب الموضوع اضحوكة وتخلونه يتمنى انه ما عمره كتب في هذا المنتدى الراقي.
الاحترام يا اخوان الاحترام
وشكراً

واقسم بالله اني اتمنى استقر في بلد الريحه هذا طول عمري

روحي وتوكلي على الله وراح تستانسين انتي مع زوجك الديره حلوه ومافيها شي الله يوفقكم