صباح الخير عليكم يا شباب ويا بنات ...كيفكم عساكم طيبين...
طبعا اليوم جيت لعروس البحر جده ... الاجواء مرة حاره
المهم رحت السفاره الفلبينيه انا واختي
ولا وحده فينا تعرف تتكلم انجليزي
اول ما دخلنا من الباب حق السفاره قال العامل الفلبيني ايش عندكم ؟؟ قلت ابغى اسافر الفلبين عشان ادرس وابغى اشرح واتكلم قاطعنيواخد الاقامه وقال روحي الباب اقصى اليسار
تفشلت ومشيت واختي تضحك علي
دخلت واشوف الزحمه , ابغى اشوف عيون مفتوحه زين عشان اعرف اتكلم عربي معاه ما لقيت
لقيت غرفه فيها فلبينيه مسويه رزه جالسه !! قلت اكسيكيوزمي طالعت فيني بنص عين ورفعت يدها
يعني روحي من وجهي
عاد لقطت وجهي وخرجت للغرفه الثانيه اللي فيها كاونترات
اشوا اختيما كانت جمبي والله لتمسكها علي وتخبر العائله كلها
لقينا صف وقفنا ما ندري وين رايحين
عاد فرحت لما شفت واحد مو منهم شكله سوري مدري لبناني ..
ما ابغى اتفشل سويت اني ما شفت احد
اختي راحت سالته لو سمحت ابغى استفسر عن الدراسه في الفلبين ووين اروح
قالها هون بس ما حدا فيهم بيتكلم عربي كلياتهم انجليزي بس
من وين نجيب الكلام دحين يارب ي
المهم قلت لاختي نقول انفورميشين واستدي وعاد بتفهم علينا
قالت اختي طيب
جلسنا ششويه قلت طيب اذا هي فهمت احنا اشلون بنفهم *_* !!!!!!!
ههه ههه وربي ورطه
قامت اختي تجيب كلام مدري عقلها ايش جنسيته ؟؟؟
المهم مشا الصف وقدامنا اللبناني تهاوش معها الفلبينيه عصبت
قلت لاختي هي مشينا لا تجي تكفخنا عاد لحالها معصبه اجي اقولها انفرميشين وربي تفرمني
قالت اختي ما عليك
جا دورنا اختي تدفني وانا ادفها
روحي انتي لا روحي انتي
المهم جيت بوجهها
باقي ما قلت حاجه قالت لي what??
قلت i want informiton about study midesn in philippin???
قالت you>>>>>>>>>>>>الى ما لا نهايه
وانا اقول يس اوكي يس يس اوكي اوه اوكي
ولا فهمت شي
طلعت ورقه وفيها المستندات المطلوبه للحصول على التاشيره للفلبين بالانجليزي والعربي فرحت لما شفت الترجمه
صرت اقول ثانكيو ثانكيو وهي لسه تتكلم
سكت عشان تخلص واقولها شكرا
بعد ما خلصت قلت ثانكيو قالت نيكست
طيب حرام اتفشل
قولي نوبروبلم قولي يس قولي نو اي كلمه تسوي فرق
قولي انقلعي بالانجليزي تفرق ترا
وخرجت متفشله وحزينه واختي ما زالت تضحك علي ...
المهم بعد الردود انزل لكم المستندات