هذا موضوع للأخ الخبير رجل شرقي ، أكيد بيجاوب عن كل تساؤلاتك ...
اضغطي هنا https://artravelers.com ...

بصراحه انا ان شاء الله بطلع لإيطاليا وبعدين للنمسا و النمسا بروح لها من البندقية بالتحديد
ابي اعرف اقرب محطة من فنيسيا مع العلم اني مخططة على 3 اماكن سالسبورغ , زيلامسي, فينا
بعدها بروح ان شاء الله لسويسرا عشان كذا ودي اخطط لخط الرحله كيف بيكون عشان ما يدور راسي من الدوران .. ف شاريكم من وين ابدا؟؟ ومن وين اطلع لزيورخ ؟؟
بعدين كم المدة بالقطار بين النمسا و سويسرا زيورخ تحديدا
مدة القطار حددي اي مدينه ؟
وما الهدف من ذهابك لزيورخ ؟
بالنسبه أقرب محطه من فينيسيا اذا قصدك سياحيه فهي زيلامسي وتبعد عنها خمس ساعات بالقطار مع تغيير قطارين
واقترح عليك هالمخطط بس ما قلتي لنا كم يوم رحلتك ؟ :
من الوطن الى ميلانو
ميلانو
فينيسيا
زيلامسي
سالزبورغ
فيينا
ومن فيينا بواسطه الطيران الاقتصادي الى زيورخ

يسعد مساك سيدي
شكرآ على ردك..
إذا تبي الحقيقة انا ودي اتنقل بالقطار هذا اولآ
الشيء الثاني انا ودي اروح من البندقية إلى فينا وابقى فيها اسبوع وخلال هلأسبوع أزور زيلامسي وسالسبورغ ومن سالسبورغ اروح لزيورخ بالقطار طبعا .. الهدف من الروحه لزيورخ ولاشيء بس ودي ابقى فيها يومين وبعدها انتقل لأنترلاكن..
وش رايك تظن هالتخطيط منطقي؟ ولا أنواع الحووسه؟؟
تعرف انا ودي انتقل بالقطار بين الدول لأسباب منها اني اتفرج على هالطبيعه الحلوة والسبب الثاني يبدو لي أنها اقتصادية ..
بالمناسبه انا ناوية بإذن الله اسبوع في ايطاليا واسبوع في النمسا واسبوع في سويسرا!!
إحترامي,,

حصوصه
بأوروبا ما فيه شي حوسة
انتي عندك 3 اسابيع = 21 ليلة بس ان شاء الله الميزانيه تساعد ؟؟
الموضوع يعتمد بشكل كبير على شركة الطيران وعلى حجز الطيران وتوفره , وتوفر المدينتين اللي نبيها
بشكل عام :
اقترح اكثر من مسار وانتي اختاري :
من الوطن الى زيورخ
زيورخ 2 ليله ( ومنها زيارة هايدي لاند وزيارة لوزيرن)
انترلاكن 4 ليالي ومنها بالقطار الى
ميلانو 3 ليالي (4ساعات تقريبا بالقطار )ومنها زيارة لوقانو السويسريه(60كم)
فينيسيا 2 ليلة
وبواسطه الطيران الاقتصادي من فينيسيا (200ريال تقريبا للشخص) الى ميونخ
ميونخ 2 ليلة
زيلامسي 5 ليالي ( ومنها تزورين سالزبورغ )
فيينا 3 ليالي
والعودة من فيينا الى الوطن
من الوطن الى ايطاليا ميلانو
ميلانو 3 ليالي ( ومنها زيارة لوقانو)
فينيسيا 2 ليلة وبواسطه الطيران الاقتصادي من فينيسيا (200ريال تقريبا للشخص) الى ميونخ
ميونخ 2 ليلة
زيلامسي 5 ليلة
فيينا 3 ليلة وبواسطه الطيران الاقتصادي من فيينا (300ريال تقريبا للشخص) الى زيورخ
زيورخ 2 ليلة ( ومنها زيارة هايدي لاند وزيارة لوزيرن)
انترلاكن 3 ليلة
زيورخ 1 ليلة والعودة منها للوطن
من الوطن الى فيينا
فيينا 3 ليالي
زيلامسي 5 ليالي
ميونخ 2 ليلة ( وبواسطه الطيران الاقتصادي الى فينيسيا )
فينيسيا 2 ليلة
ميلانو 3 ليلة ومنها زيارة لوقانو
انترلاكن 4 ليالي
زيورخ 2 ليلة (( ممكن نخليها جنيف لأن جنيف افضل من زيورخ((والطيران يفرض عليك اشياء)))
ومن زيورخ(جنيف) العودة للوطن
تعبت
تحياتي لك

مساءك تعب بتعب طالما إحنا موجودين ؛-)
شكرآ على الخطط الخلابه
بس بقول لك شيء بس لا تزعل!!
أنا حجزت في فندق بميلان في تاريخ 77
واسحبوا من الفيزا ( ماصدقوا على الله )
وراح ابقى فيها حتى 127 بصراحه>>> رايحة تشتري اغراض
والعودة للوطن بتكوون من جنيف وبالطقاق لقينا حجزز
ف يعني يعني وش رايك وامانه تطول بالك علي
وعلى طاري الميزانيه >>> جوها حلوو
تكفي بإذن الرزاق حتكفي ( بلاش قر )
إحترامي ’’

شكلي بكنسل الرووحه
انقلب راسي من الحجوزات والخرابيط
فيه سؤال مهم هل الحجز للقطارات عن طريق النت احسن او احجز من هناك يعني عشان اوفر المشاوير
فيه سؤال ثاني >> دمي ثقيل صح
انا خايفه طريقة اخذ القطارات داخل الديره مثل فيينا اسواقها وحدايقهاكذا يعني يبيلها حجوزات ولا اروح واقص تذكره وامشي؟

حصوصه
ما فيه زعل ولا شي
فيه سؤال مهم هل الحجز للقطارات عن طريق النت احسن او احجز من هناك يعني عشان اوفر المشاوير
فيه سؤال ثاني >> دمي ثقيل صح
انا خايفه طريقة اخذ القطارات داخل الديره مثل فيينا اسواقها وحدايقهاكذا يعني يبيلها حجوزات ولا اروح واقص تذكره وامشي؟
القطارات تحجزينها هناك افضل ,
ودمك شربات
بالنسبه للي في فيينا قصدك المترو , فيه تذكرة لمدة 3 ايام قيمتها 16 يورو
اركبي المترو سبع الاف مرة باليوم لمدة 3 ايام , ولا يحتاج حجوزات , ولكن تأكدي من اسم المحطه (الكونسيرج حق الفندق يفيدونك بالمكان اللي تبينه ) وبس
بالنسبه لسويسرا فأنصحك بالسويس باس , تقدرين تركبين اي شي يمشي حكومي مجانا
تحياتي وانا تحت امرك

مساءك عصفورة تغار من لحن حرووفك..
شكرآ سيدي..