نشر في الفلبين

يا خبراء ضيعتونا

guesswho1515

21-11-2022 - 06:27 pm

السلام عليكم ورحمه الله وبركاته
يا شباب لو تكرمتوا انا قريت اكثر من موضوع عن القائمه السوداء للفنادق وانه صار فيها قتل وبعضها ما تنصح فيها السفاره السعوديه في منطقه مكاتي
ارجوكم انا سفري يوم السبت الجاي ولمده يومين فقط واول مره اروح للفلبين
وابغى منكم اسم افخم واامن فندق بجنب السفاره ( اسم فندق او فندقين) ويكون خمس نجوم والميزانيه الى 200 دولار مو مهم اهم شي انام وانا مطمن ويكون الفندق فخم واامن ويكون بنفس الوقت قريب من السفاره
اعتقد في فنادق عالميه في منطقه مكاتي وفخمه
سمعت ان فندق الانتر صاير قديم وعفشه قديم
ارجوكم الرد باسرع وقت

التعليقات (8)

onerosy

21-11-2022 - 09:17 pm

هلا اخوي انا الحين في مانيلا صحيح ان شارع برقص الى في مكاتي فيه مشاكل بس مهب مثل ما توقعت اخر الليل بس فية مشاكل اذا مشيت لوحدك غير كذا مافية شي بالنسبة للسكن انا وربعي سكنت في مكاتي بالس makati palace طبعا هو في القائمة السوداء تبع السفارة بس والله دلع
خذنا شقة 3 غرف و دورتين مياة وانت بكرامة بسعر 7000 بيسو وكل شي جنبك شكرا

guesswho1515

21-11-2022 - 10:18 pm

الف شكر لك اخوي على الرد
انا رايح يومين الى مانيلا عندي شغله في السفاره السعوديه والحقيقه اساسا انا مو مقتنع بالروحه واذا رحت باذن الله راح يكون كل وقتي بالفندق ولا راح اطلع الا الصباح
يعني اكلي وشربي وجلستي راح تكون في الفندق وياسلام لو كان فيه مكان للسهر بالفندق
يعني ابي فندق عالمي وخمس نجوم وفيه امن مو من كل هب ودب يدخل الفندق

رجنت

21-11-2022 - 11:19 pm

guesswho1515
اخي الغالي guesswho1515
مرحبا بك مع العلم العنوان لا يتناسب مع الموضوع
الفنادق الموضوعه في القائمة السوداء من غير الخمسة نجوم كلها من 3 نجوم ونازل
اما من ناحية الفنادق الفخمة تجدها في مكاتي وارشح لك الشنغريلا مكاتي قريب من الاسواق ومنطقه راقيه جدا وقريبه من السفاره
وايضاً الاكود ومندرين والبنسويلا هوتيل
وكلها فنادق عالميه سوف تجد التعامل تماماً والخدمه والراحه
تحياتي لك اخوك رجنت

عاشق الورده2009

22-11-2022 - 12:20 am

اخوي انت رايح الفلبين وشكلك ماخذ فكره مو طيبه عنها المهم مثل ماقال اخوي رجنت الفنادق اللي ذكرها هي الافخم والاجمل وبعدين عط نفسك حريتها لاتفكر ان الامن معدوم مثل مافي بالك ولاتفوت على نفسك الاستمتاع في اليومين اللي انت رايحها والله يوفقك.... مع العلم اني سكنت في مكاتي بلس والامر جدا عادي اهم شي الواحد يحترم نفسه

وينك يالزعيم

22-11-2022 - 01:21 am

ركز على الفنادق الخمسة نجوم
اترك عنك فنادق نص العفش برا ......... انت رايح ترتاح ولا تقوم دورية في الليل
تروح وترجع لنا سالم غانم

لابو لابو

22-11-2022 - 03:23 am

انصحك بفندق dusit موقع مميز فيه خدمات حلوه ..مطاعم راقيه موقعه جنب القرين بلت في مكاتي قريب من كل شي ...اذا عندك اي استفسار عن اي موقع يطلع لك ما الرسبشن العناوين ...رقمه00632867333
يمديك تمشي الى القرين بلت 5
اشرب فور سيزن في الفندق وقرين مانقو شيك...ووقف في مكاتي ولا تستوقف احد ماني واثق من الربع الي هناك
قفا نبك من ذكرى مكاتي وباقيو
الفندق خمس نجوم ونص طبعا الشنقرلا فندق رائع بس انا افضل dusit حاجه في نفس لابو لابو

عاشق الورده2009

22-11-2022 - 04:24 am

لابو لابو
كلام لابو لابو درر طاوعه في الاختيار لحاجه في نفس لابو ههه

guesswho1515

22-11-2022 - 05:25 am

ONerosy
ريجنت
عاشق الورده 2009
وينك يا الزعيم
لابولابو
neif766
الف الف الف شكر على تجاوبكم
وقع الاختيار على فندق الشنقرلا وبالله التوفيق
الاخ لابو لابو:
ممكن اعرف ايش الحاجه الي نفسك تخليتك تنصح ب دوست وبقوه
والله شكلها حاجه فله
منتظر ردك لا تخلينا نندم انه ما سكنا دوست
تحياتي

الفلبين المسافرون العرب

يا خبراء ضيعتونا