عندك أخوي 14 يوم إذا حسبتي صحيحه، أنت مسافر مع شباب أو مع الأهل وضح!!
وطبعاً هالسؤال صعب الواحد يجاوبه غيرك، ممكن تتكلف في اليوم 200 فرنك وممكن 50!
بعطيك مثال انت اليوم في جنيف تعشيت بيتزا ب 15 فرنك!! بكره قلت ابروح مطعم الديوان
وبتعشى لي شيش طاووق وصحن تبوله وصحن حمص.. وبحبسلي بعدها شاي نعنع
بيكون الحساب 60 فرنك!! تفرق وايد حسب طبيعة صرفك انت!

آسف نسيت الوضح
مسافر عائلي
انا وزوجتي وحنين ولين 3 سنوات

شوف ياطويل العمر دام اتقول بأنك حاسب القطارات والتذاكر
الصرف يختلف اهنيه
ولك حط في بالك بخصوص الماي مثلا السعر تقريبا 3 فرنك يعني 10 ريال
وبالنسبة للمطاعم فإنها تختلف اسعارها مثل ماوضح العضو السابق
يعني على حسب صرفيتك
اما بخصوص زيوريخ اتوقع انك نازل فيها عشان الطيران .... صح؟
لأنه زيوريخ مايكفيها يوم واحد إلا إذا كنت ترانزيت
المهم توصل بالسلامه

محمد خليفة
حمودي حبيبي أبي منك الفزعة تكفى
داخل على الله ثم عليك
الأماكن السياحية في زيورخ
سفرتي أسبوع لها وأبي كل شي
من مطاعم منتزهات حدائق العاب مقاهي وكل الي في بالك
نبي ننبسط مع المدام
والي يرحم والديك علمنا

ابو خليفه
بالنسبة لزيوريخ اول يوم ترانزيت بريح فيها بس
اما آخر يومين بتكون بزيوريخ فهل فيها شي يستاهل الواحد يروح له

اتفضل اخوي ونبي منك الدعاء
هالموضوع لابو عزيز ومثبت في البوابه السويسريه
https://artravelers.com/p/re/65353

النورس
اتفضل اخوي ونبي منك الدعاء
هالموضوع لابو عزيز ومثبت في البوابه السويسريه
https://artravelers.com/p/re/65353
الله يجزاك خير ويجزى ابو عزيز خير وجميع أعضاء المنتدى إن شاء الله
والله يجعل ما تقومون به من مساعدة الاعضاء في موازين أعمالكم
والله يرفع قدركم
والف شكر للجميع
وان شاء الله اذا رجعت من سويسرا بنزل صور السفرة لحظه بلحظه
وهذا لأن هذه الصور بالاصل يرجع فضل إلى الله أولاً ثم إلى هذا المنتدى الأكثر من رائع ثانياً ....

سفره سعيده ياغالي
وماسوينا غير الواجب

أخوي احساس2004 يمكن انك ترجع لمواضيع الخبير السياحي ابوعزيز ماشاء الله عليه مب امقصر
ولكن من توصل زيوريخ انصحك تروح لأي مكتب للمعلومات بتحصله في المطار أو في محطة القطار والعلامة لافته للنظر بتحصلها بحرف i بحجم كبير ... وطبعا او ماتدخل عليهم قوللهم ابى منكم رحلات سياحية وهم مابيقصرون وياك بيعطونك جداول الرحلات اللي عندهم وطبعا مكتبهم اتوقع من الحكومة نفسها يعني ضمان
فتقدر تختار أكثر من خيار عندك رحلات تكون لمدة 7 أو 8 أو 9 أو يمكن رحلة بسيطة لمدة ساعتين وطبعا عندك في زيوريخ أرض الماركات اللي هو السوق الموجود امام المحطة الرئيسية ولكن نصيحة مني لك ( لاتاخذ المدام هناك لأنه السوق مابتعجز من كثر ماتشوف المنتجات الموجودة من كل الماركات )ههه
والله يوفقك يااحساس وتوصل بالسلامة