الله يوفقكم ويبارك لك
واسبانيا اختيار موفق
وواضح انك مدريدي .. بالتوفيق بكره ضد الميلان .. كلنا مع الريال
بخصوص رحلتك انصحك تلقي نظره على التقارير ومنهم تقريري لمدينة برشلونه .. فيه تقريبا العناوين بناء على محطات المترو
من ناحية السكن الافضل تسكن في شارع رامبلا بحكم انه وسط البلد وقريب من جميع الاماكان ابسياحيه في برشلونه
وفيه فنادق ممتازه ما اقدر احصرها لكن لو تحدد لنا ميزانية السكن المرغوبه ,, فطور او بدون نقدر نساعدك انشالله

Mezajee_KSA
يالبى كلك يا شيخ ..
مدريدي وبقوه والله يوفقنا مع ميلان ويوفقك معنا يارب ..
التقارير وانا اخوك كثيره ودخلت على تقريرك والصراحه حلو .. بس وانا اخوك اخذت باكيج ب14000 ريال .. مع الطيران وحجز الفنادق والمشكله ان راعي مكتب السفريات قال لي عن اسامي الفنادق بس والله اني نسيت اسمها .. ( محسوبك ارفل بكل ماتحمله الكلمه من معنى ) ..
بس انا وش ابي ..
ابي مثلا يجي واحد ويقول لي ..
اليوم الاول في مدريد تروح لملعب الريال وبعدها تروح للمكان الفلاني وبعدها تروح كذا وتكون العناوين بالاسباني ..
عرفت ؟
لان فيه ناس راحو وخبره بالاماكن وانا اول مره بروح لاسبانيا .. فما ادري وش السالفه ..
على العموم انا برجع اشيك تقريرك وبكتب الاماكن ..
ويعطيك العافيه حبيب قلبي على المساعده ياجعلك تسلم والله ..

سؤال يا جماعة الخير ..
بس ابي اعرف ,, لو بروح من مدريد الى برشلونه بالقطار ..
كم تكلف التذكره للشخص الواحد ؟؟
وشكرا ... !!!!!!

مبروك و بالتوفيق أن شاء الله
بس وقت سفرتكم مرة برد .... ما ودك تغير الوجهة ... شهر عسل حلاتها تنبسط فيها على الأخير
بنسبة للاماكن ما فيه شئ صعب
أركب الباص السياحي يوديك لكل الأماكن السياحية حتى الملاعب
كم تكلف التذكره للشخص الواحد ؟؟
تقريبا 60 يورو للرحلة الواحدة الدرجة الثانية

ههه الله مير يكبر مقامك عنده
أجل أنا ووجهي على فهاوتي صرت خبيرة ؟ ههه
ماقول الا جزاك الله خير ..
طيب مو مشكلة إبشر باللي يسرك إن شاء الله ..
عني أنا تقريري مفصفص كل شي سويناه وكل محطات المترو القريبة منها .. والأمور سهلة إن شاء الله بس ماقلت معك لغة (صحيح ان كثير ما يعرفون انجليزي هناك لكن بعض الكلمات أساسها انجليزي ف بتلقط منها شوي) .. وبالنسبة للأماكن لا تضيق صدرك خل معك ملف للأوراق مجهزها من هنا فيها كل المعلومات .. ورقمها بالترتيب عشان ما تنحاس :-
1- تذاكر الرحلة الدولية (ظلل على موعد الرحلة وتاريخها والمدينة اللي تسافر منها وإليها)
2- حجز الفندق في مدريد ونفس الشي ظلل على تاريخ الوصول ..
3- ورقة مسجل فيها مزارات مدريد حسب أولويتها عندكم
4- تذاكر القطار لبرشلونة
5- حجز فندق برشلونة
6- ورقة فيها مزارات برشلونة الجميلة
7- ورقة فيها مجموعة كلمات أسبانية ومعانيها وبتحتاجها كثير (مثل خامون ، ثيردو من مشتقات لحم الخنزير .... اونو = 1 ، دوز = 2 ) اقعد ذاكر فيها وترى بأسمع لك الرد الجاي ^_^
وحط حيلك الحين بهالتقارير ومعك ورقة وقلم وسجل .. كل الناس كتبوا تقاريرهم عشان الآخرين ياخذون منها اللي يناسبهم كلنا ما نعرف وش ممكن يعجبك ولكن نستعرض لك اللي عجبنا ..

الليل و النهار
الله يبارك فيك ياحلو
بس شكلك عزوبي ؟
انا ابي شهر العسل بالبرد تعرف ( لزوم الرومانسيه
)
اما عن الباص .. كيف اقول له يروح لمعلب السنتياجو برنابيو ؟ وكيف اعرف وين متجه الباص اصلا ؟ وكيف ادفع لهم القروش ؟

المستحيلة
ماعليتس خبيره لانتس رحتي قبل .. وشفت تقريرك حلو والله ..
وحركة المعلومات حلوه مره بسجلها ..
بس بيجي يوم اسجل كل شي بورقه يعني مثلا بخلي كل يوم فيه 3 طلعات لاماكن مختلفه
اما تقريري بيجيكم يعرج بلا والله من فهاوتي ..
اما عن ( خامون و ثيردو ) شكلي بصير نباتي الله يستر .. بس بدور لي مطاعم عربيه ولا باكل سندويشات ..
على العموم الف شكر لكم ياحلوين .. والله يعطيكم العافيه .. والله مدري وشلون اشكركم ؟

بس شكلك عزوبي ؟
لا والله متأهل
علشان كذا أقول لك ما ينفع شهر عسل مع البرد
اما عن الباص .. كيف اقول له يروح لمعلب السنتياجو برنابيو ؟ وكيف اعرف وين متجه الباص اصلا ؟ وكيف ادفع لهم القروش ؟
الباص له مسار محدد
أذا وصلت للمكان الي تبيه تنزل و أذا خلصت منه تركب الباص وتروح لمكان الي بعده
الباصات تتردد كل ربع ساعة و تذكرة تشتريها من الباص نفسه

الليل و النهار
طيب وشلون اعرف انه رايح للمكان المحدد ؟