حياك الله اخوي انت وحرمك المصون في دار زايد الخير
وان شاء الله الاعضاء ما بيقصرون وبيردون على استفساراتك
بالنسبه لفندق القصر انا شفت من الموقع ان الغرف المطلة على البحر بتكون حوالي 2100 درهم ل الليلة الوحدة
انا ادري ان الفندق روعه وما عليه كلام بس انت حط فبالك نقطة انك بتزور دبي في الصيف يعني الحرارة الظهر 50 والرطوبة 95%
مدينة جميرا نفسها كلها ممرات مائية والرطوبة فيها عالية خاصة بعد المغرب
اتمنى لو حد جرب يسكن في مدينة جميرا هاذي الايام يفيدنا اكثر
هل الجو يساعد ان الواحد يتمشى ويستمتع في هذا المكان الرائع والا لأ
بالنسبة للمولات
طبعاً مول الامارات
مركز بن بطوطة
مركز برجمان
مركز مركاتو
هاذي المراكز الحديثة والي فيها اكثر المحلات وهتصاميمها في قمة الروعه
وعندك سوق مدينة جميرا بس هذا اسعاره مبالغه فيها جداً وينفع لتمشي بس
المطاعم في الامارات كثيرة ومول الامارات فيه الكثير من المطاعم الهندية والمكسيكية والايرانية والتركية والعربية
مدينة جميرا فيها مطاعم حلوة في الشتا كنا نجلس برع واحنا ناكل لأن الجو يساعد
بس الحين لازم الاكل داخل المطعم
مرسى دبي في مطاعم ما لذ وطاب لا تفوتك

1. ال 500 درهم كاملة ..

1. أفضل طريقة لإستئجار سيارة تضفني أنا وزوجتي بس يكون سعرها معقول....لاني بصراحة قريت بعض المواضيع خوفتني من مكاتب استئجار السيارات...رهن جوازات وما أدري ايش...الا الجواز...والله لا نروح بخبر كان وخالتها بعد لو ضاع...ففضلا لا آمر دلوني على انسب طريقة تكون آمنة...يعني ما نبي شبح ولا لمبة غريني ما ادري ويش اسمها هذي...يعني شيء حلو ونظيف وفيه مكيف....اهم شيء مكيف ولا نروح ملح
افضل طريقة هي انك تعطيهم تأمين 500 درهم بدون الجواز
وخذ منهم وصل .. اذا خالفت راح يقطعون من 500 وياخذون تكلفة المخالفة لكن اذا رجعت لهم السيارة بدون مخالفة يرجعون لك

ال 500 درهم كاملة ..

. الحقيقة انا طحت صفراء عقب ما شفت صور عن فندق القصر...وصرت اقوم من نومي واصرخ...ابي امي ابي ابوي ابي القصر بالي هو...وخاصة الغرف المطله على الواجهة البحرية........المطلوب ابي اعرف اسعارها حاليا كم من الفندق وافضل سعر من وين اقدر احصله...يرحم والديكم هالطلب لا تنسوه ترى ام العيال انهبلت يوم شافت صور الغرف
حسب ما رايت من خلال موقعهم على الانترنت .. غرف فندق دار القصر تتراوح اسعارها مابين 1150 - 1320 درهم
للغرفة العربية المزدوجة ..
3. ابي قائمة باجمل وافخم وارقى الاسواق والمراكز التجارية بدبي...ابي بس الاسماء ومواقعها.
مول الإمارات : اكبر مول في الشرق الاوسط
إذا كنت قادم من دبي عبر شارع الشيخ زايد فستجد مول الإمارات عند التقاطع الرابع بسهولة حتى إن لم تكن قد ذهبت إلى تلك المنطقة
من قبل، وذلك لأن منحدر التزلج أصبح بمثابة علامة مميزة لمدينة دبي بأسرها، والذي ستشاهده على جهة اليسار. كما تم إنشاء جسر
جديد للقادمين من دبي يقدم لهم مدخلاً مباشراً إلى مول الإمارات
هاتف: 4099000 009714
الموقع على الانترنت
http://www.malloftheemirates.com
مركز ابن بطوطة
يقع على شارع الشيخ زايد بين التقاطعين الخامس والسادس
رقم الهاتف:3621900 009714
الموقع على الانترنت
http://www.ibnbattutamall.com/
ديرة سيتي سنتر
في منطقة ديرة .. قريب من نادي دبي للجولف
هاتف رقم : 2951010 04
الموقع على الانترنت: http://www.deiracitycentre.com
مركز ميركاتو
في منطقة جميرا قريب من حديقة الحيوان ..
هاتف رقم: 3444161 04
الايميل:
الموقع على الانترنت: http://www.mercatoshoppingmall.com
مركز وافي التجاري
شارع الوصل .. قريب من فندق جراند حياة
هاتف رقم: 04-3244555,
الموقع على الانترنت: http://www.waficity.com
مركز برجمان
بر دبي .. شارع المركز التجاري ..
رقم الهاتف: 04-3520222,
الموقع على الانترنت: http://www.burjuman.com
4. ابي رقم مكتب الخطوط السعودية في دبي...
مكتب الخطوط السعودية في دبي
42222855

مرحبابك وحياكم الله
فندق القصر:مع الضريبه الغرفه المطله على الممرات المائيه تصير 1150
ولغرفه المطله على البحر مع الضريبه 1380 ..بدون فطور>>> السعر من الفندق
تقدر تحجز بنفس السعر تقريبا في فلل دار المصيف
دار المصيف عباره عن فله فيها عدة غرف وكل غرفه بعيده عن الثانيه ..وطل عالبحر مب شرط يحجزون الفله باكملها..فقط غرفه وحده من الفله.
الغرفه=1650 مع الفطور
ونفس الغرفه ةتطل عالممرات المائيه (الحديقه)ب1150 المكان رائع وهادي

الأماكن السياحيه + المطاعم
https://artravelers.com

راح افيدك اخوي بتاجير السياره اخذ السياره من المطار بدون رهن ولا بطيخ وانتبه من مكاتب برا حتا لو رخيصه ...مكاتب المطار شركات معروفه واحيانا تقدر تحجز من بدلك عن طريق شركات الطيران او مكاتب الطيران