الفندقين نفس بعض
لكن باسم وادارة سوفيتيل باي كور
تحياتي
دولي

مشكور ياخوي دولي 9 جبرت بخاطري الكل يدخل ولا يرد بصح الله يوفقك دنيا واخره ويجبر بخاطرك مثل ماجبرت خاطري والله يرزق اللي تتمنا ومايحرمك من شئ ولا من غالي ...... حبيت اعرف فندق جراند سوكومفيت وين عن فندق لاند مارك هل عداله ولا بعيد؟؟؟؟؟؟ ومحطة نانا قريبه منه ولا لاءءء وبشو تنصحوني فندق امباسيدور او جراند سوكمفيت؟؟؟؟؟؟؟؟؟؟؟؟ انا اهم شئ عندي قريب من محطة نانا

فندق جراند سوكومفيت باي سوفتيل وفندق جراند سوكومفيت موقعهم مختلفين الاول يقع بسوي 6 امتداد من طريق سوي 4 ثم هناك مدخل له من اليسار يوديك للفندق وهو بنظام فندق و شقق مفروشه
الفندق الثاني جراند سوكومفيت يقع بسوي 2 وهو بنظام فندقي وموقعه رائع ويبتعدا عن بعضهما تقريبا 400 متر
فندق امباسيدور او جراند سوكمفيت
شخصيا انا اقترح عليك السكن بفندق جراند سوكومفيت ولكن انت تحب السكن بالقرب من محطة القطار (نانا) لذا فندق امباسيدور اقرب من محطة القطار من فندق جراند
جراند سوكومفيت وين عن فندق لاند مارك يبتعد تقريبا 400 متر وهو بالقرب من فندق JW ماريوت

انا سكنت في الجراند سوفتيل والحين ان شاء الله راح اسكنه مره ثانيه
فندق فخم ونظيف والغرف ولا احلى .. بينه وبين ابو داود والمحلات الثانيه مشي 5 دقايق
وفي جنبه محل سفن الفن يفك الازمه و عيبه الوحيد ان منطقه مكشوفه وفيها الطبخ وراويح كريهه
ولا هو يستاهل 10/10

مشكورين وماقصرتو .. والله يعطيكم العافيه ....اخوي الحوسني ماعليك امر ..ممكن تساعدني انا وزوجي وبس ناويين السفر ماليزيا 8 وبانكوك 8 بس العواصم ممكن ترشحلي الفنادق في ماليزيا احب السكن في شارع العرب وانا قبل ساكنه في الماريوت ابا فندق قريب منه وارخص الاخت ام منوره الله يجزاها الف خير رشحتلي سويس جاردن وناس قالولي تايمز سكوير وانا محتاره ابا قريب من الاسواق وفي بانكوك وام منوره رشحتلي فندق امباسيدور وانا قبل ساكنه اماري بلفارد كان اوكيه بس احس في الصيف اكيد زحمه انا احب اسكن قريب من محطة نانا وقريب من المطاعم ممكن تشرحلي وين موقع جراند سوكومفيت باي سوفتيل واذا في خريطه بعد احسن انا اريد رايك اذا فندق امباسيدور عداله مطعم عربي يغنيني عن شارع 3 يكون احسن وانت شو ترشحلي بالنسبه حق الحجز احجز من ابوظبي واي مكتب سياحي ترشحه لي اسعاره حلوه .. انا سألت الاتحاد للعطلات عطاني سعر 14700 لفندق تايمز سكوير وميلينيوم جاردن في بانكوك من دون طيران داخلي ومواصلات المطار وهذيله الفنادق من ضمن العروض اللي عندهم ............ واسمحلي اني غثيتك من كثر الاسئله والله جني اكتب قصة حياتي ههه الله يجعله في ميزان حسناتك ويسعدك في الدارين ويطول في عمرك على طاعة الله ويجزاك الجنه

جراند سوكموفيت باي سوفيتيل موقعه خلف فندق لاند مارك اللي امام فندق اماري بولفادر
يعني خلفه ب 300 تقريبا
وهو قريب جدا من شارع سوكموفيت ومحطة نانا ،،، واذا على المطاعم لاتنسين انه في خدمة توصيل
يعني لاتشيلي هم
وشخصيا ارشحلك فندق جراند سوكومفيت فندق خمس نجوم فخم ورائع وتحتة مجمع ربسون ومحطة المترو ، وهو افضل بكثير من جراند سكوموفيت باي سوفيتيل وهو على شارع سوكوموفيت مباشرة
وانا اعتذر منك على سوء الفهم لاني متعود على جراند سوفيتيل انه سويتات اكثر من انه فندق
بالاضافه الى عدم وجود مقارنه بينهم بسبب افضلية فندق جراند سوكموفيت كفندق مصنف خمس نجوم
بالنسبة للكوالا ،،، طبعا التايم سكوير رائع وتحته سوق 8 اوار وملاهي وسينما لاتترددي فيه
وهو قريب من الشارع العربي ب 300 متر بالاضافة الى وجود المترو تحته مباشرة
والافضل الحجز من ابوظبي او مواقع النت
تحياتي
دولي

اختي
جراند سوكوموفيت اللي اقصده وتكلمت عنه فندق ويستن جراند سوكوموفيت المعروف
تحياتي
دولي

الله يجزاك خير اخوي دولي 9 ويعطيك الصحه والعافيه بخصوص فندق ويستن جراند سوكوموفيت اي محطه قريبه منه ؟؟؟ وشو اسعاره ممكن تحط لي صور ؟ انا اللحين احترت اكثر كل مااسأل عن فندق يطلعلي غيره :112: واحتار شو اسوي وين ادق براسي يلا صوتو ..... اي فندق...: 1- اماري بلفارد 2- امباسيدور 3- جراند سوكمفيت باي سوفيتيل 4- ويستن جراند سوكمفيت يلا ياجماعة ابا التصويت حار ..... اتمنى انكم تساعدوني :8888:

اولا اعتذر منك واتاسف كثير ،،، لسرعة فهمي بالبداية وانا فعلا لخبطك
بس والله من كثر الردود تلخبط
شوفي
كل الفنادق اللي قلتيها اوكي لكن ويستن جراند هذا لوحده لانه افخم منهم كلهم وهذا مو جهة نظر لالالا انتي اسالي عنه وراح تعرفي يكفي انه الوحيد ال5 نجوم
ومع الاسف املك صور كثيرة لاغلب فنادق بانكوك وبوكيت ولاقدرت انزلها ماعندي وقت
وموقعه بالضبط اذا خرجتي من باب اماري بولفارد ثم يسار جاك السكوموفيت يسار على الرصيف كانك رايحه
للمجمع روبسون وماكدونالدز 24 ساعه 10 دقاقيق مشي يجيك على يسارك واضح مرة يعني تتعدي محطة نانا وطبعا هو مقابله برضو محطة مترو وامامه فندق الشيراتون ،، حاولي تتذكري
جراند سوكوموفيت باي سوفيتيل قلتلك خلف فندق لاند مارك يعني يسار من فندقك الاماري واقطعي الشارع
بوجه لاند مارك وخليه على يمينك 5 دقايق مشي يجيك لفه يمين شارع صغير ومظلم ومافيه احد برضو 5 دقايق مشي تشوفي الفندق بوجهك
الاماري انتي عارفته ولااؤيده ابدا والامبساردارو ارخصهم واقل فخامة
اتمنى تكون الصورة واضحة لك
وانا راح اتابع معك ان شالله الى موعد رحلتك سواء في بانكوك او كوالا
مع الاعتذار لك اولا واخيرا
تحياتي
دولي