كرت دخول المطار مو قصة كبيرة .. بالنسبة لي عبيته مرتين وما دققوا فيه .. عموما هو كرت عادي .. في معظمه أسئلة عن الأشياء اللي انت شايلها معك .. والكميات المسموح دخولها .. يعني مثلا يسألونك كم زجاجة عطر معك أو كم علبة دخان .. وكل هذي التفاصيل .. وأشياء عادية جداً .. وتعبي إسمك ورقم جوازك وصلى الله وبارك .. بس لما دخلت المطار اعطيت الموظفة الكرت اللي عبيته .. حطته جنبها ولا طالعت فيه .
غادرت جنوب أفريقيا ولا حد سألني عن ضرايب أو أي شي .. ممكن انك تسترد قيمة الضرائب اللي دفعتها من مشترياتك .. بما إنك مغادر .
بالنسبة لمقاهي الإنترنت بصراحة عمري ما دخلت مقهى انترنت هناك .. كنت شايل اللبتوب معي والوايرلس هناك موجود بكثرة .. يعني في كل فندق او غست هاوس سكنت فيه القى عندهم او عند جيرانهم وايرلس .
شيل معك اللابتوب وتوكل على الله .. بتلاقي الوايرلس في كل مكان !

شكرا يا زاده الخيال بالنسبة للفنادق بعد دفع تكاليف الاقامة واخذ فاتورة هل تدخل ضمن الضرائب واستطيع استردادها ام الضرائب فقط على المشتروات ،
كم المسافة من مطار جوهنسبرج الى منطقة ساندتون
كم اجرة التاكسي الفان من المطار الى ساندتون
وشكرا جزيلا

يصراحة انا ماجربت أسترجع الضرائب بس أعتقد انها غير مدرجة .. بالنسبة لساندتون على ما أعتقد وحسب تصوري أنها تبعد حوالي 25 كيلومتر عن المطار .. لأني ما رحت هناك من المطار .. وأعتقد ان في توصيل من فندق مايكل انجلو او حتى بروتيا من المطار .. أما اذا اخترتم سائق فممكن يكلف في حدود 250 رند إذا كان السواق غالي .. يعني اعتقد ممكن تلاقو توصيله بأقل من 100ريال .

Anmar
اخي الكريم,
مصاريف الفنادق لاتدخل من ضمن الضرائب الممكن استردادها.
الوقت الى منطقة سانتون تقريبا نصف ساعه.
التكاسي تعتبر بالنسبه لي من الاشياء القليله المبالغ في اسعارها في هذا البلد الجميل. اسعار التكاسي الى ساندتون حوالي من300-400 راند.