اضم صوتي لصوت الغالي اول الغيث
اريد السفر ان شاء الله الصيف في ابها..ماهي افضل الفنادق والفلل الموجودة هناك مع الاسعار...ويعطيكم الف عافية.

زرت ابها قبل 6 سنوات
سكنت في السوده في بفندق انتركننتنال
في رايي الشخصي افضل فندق من حيث الفخامه فندق ابها بلاس الموجود بوسط ابها
ولكن من يريد الراحه الهدوه في في جبال السوده العاليه بعيده زحمه المدينه
فندق الانتركنتننتال مصنف 5 نجوم ولكن اللي اراه انه 4 نجوم الانه قديم شوي طبعا الكلام هذا قبل 6 سنوات
مادري الان ممكن عملوا له تجديد ولكن اللي يميزه موقعه في جبال السوده العاليه
من ناحيه الفلل ايضا ارى ان افضل فلل هو فلل الانتركننتال التابعه للفندق نفسه في السوده مدخل خاص لكل فله والاطاله جميله جدا من فوق الجبال في اعلى القمم في ابها اضافه االارض المسطحه الخضراء
المحيطه بالفلل
تبعد عن مركز المدينه 15 كليو تقريبا نزول
طبعا منتزهات السوده قليله ممكن 2 او ثلاث بالكثير ولكن اغلب المنتزهات والاسواق والمطاعم تتركز في وسط ابها
طبعا معوماتي قديمه شوي ممكن الان بقياده الامير خالد الفيصل اصبحت ابها غير وتعددت فيها الفلل والفنادق
ودمتم بود

مثل ما قال أخوي مرسيدس بنز الإنتر كونتننتال ممتاز ويبعد عن ابها تقريبا 22 كيلو .... لكن عن 40 كيلو بسبب التعرجات والمنحنيات وعن 100 كيلو للي بينزل قريب من صلاة المغرب بسبب الزحمة
طبعا الأسعار ... أذكر الغرفة كانت العام الماضي ب500 ريال , والفلل(غرفتين وصالة ودورتين مياه ومطبخ) تقريبا ب1200 ريال
فيه أيضا فندق أبها الجديدة يطل مباشرة على سد أبها لكن أسعاره نار الفلة ممكن تحصلها بأكثر من 2000 ريال
أيضا لمن يريد الفنادق فيه فندق البحيرة وفندق القصر السلام وفندق بودل (جديد وفخم بس غالي), وغيره
لكن نصيحتي لك , خاصة إذا كنتم عائلة كبيرة .. اسكن بفلة بالسودة , لأن كثير من أهل السودة يؤجرون بيوتهم بالصيف .... ممكن تحصل فلة دورين مع كراج ياخذأكثر من سيارة داخل البيت مع الحوش الداخلي ... بسعر مايتجاوز 700 أو 800 ريال ...
وإذا تبي معلومات أكثر ياأول الغيث راسلني على الخاص ممكن أزودك بأرقام مكاتب عقار بالسودة أو ملاك البيوت ... وأجاوب على استفساراتك إذا عندك شي لأني خبرة بأبها , مع إني من أهل القصيم لكن تقريبا لي 10 سنوات أقضي بأبها شهر بالصيف

هلا ابو ابراهيم
معلوماتك طيبه ياليت تعطيني ارقام المكاتب اولا ملاك البيوت
وعلى فكره خاصيه الرسائل الخاصه ملغيه ..
وشكرا

ياليت ابو ابراهيم تفيدنا والله يجزاك كل خير وكان الله في عون العبد مادام العبد في عون اخية.. ضرورة جدا من مدة وانا ابحث عن هالموضوع السكن اللي تبع اهلة في مكاتب العقار
الرسائل الخاصة ما حصلت

بإذن الله راح أضيف الأرقام هنا , لكن تصبرون علي كم يوم لأن عندي آخر إختبار لي قبل التخرج يوم الإربعاء (دعواتكم) , وحتى اجمع أكبر قدر ممكن من المعلومات
حبيت اضيف بعض الأشياء
إن فيه كذا مجمع للغرف والشقق بالسودة واسعارها متفاوته (تقريبا الغرفتين من 250 إلى 350) مثل قرية السودة السياحية , ومجمع الرفاع , وقرية شيخة, ومجمع الزامل ....وغيرها كثيير... وعيبها دايم مليانه ماأذكر حصلت فيها , ومايكفي مجرد الإتصال للحجز , لازم يحجز شخص موجود عندهم , لأنهم مايحجزون إلا بكاش مقدما...ولايكفي مجرد الاتصال, واغلبهم مايستخدمون الفيزا ولاالحساب ... كاش وبس.. لكن ارجع واقول إن الحل الأمثل هو الحجز عن طريق مكاتب العقار بالسودة , إما شقق مفروشة , أو فلل مستقلة تؤجر فقط في الصيف
فيه خيارات كثيرة ثانية
مثلا كثير يحبون يسكنون بنفس أبها لقربها من المجمعات والمطاعم .. والسكن متوفر في أبها فيه فنادق وفيه شقق
وفيه ناس أيضا يسكنون بالقرى والمنتزهات التابعة لأبها مثل آل يزيد والواديين وغيره (خصوصا الناس اللي مايبون برد السودة , أو معهم أطفال يخافون عليهم من البرد) .. والسكن فيها متوفر اكثر , وارخص من السودة ... لكن الجو يختلف تماما
لكن السوده لحاله ... الجو روعة والمطر والضباب يجيك ببيتك , حتى مايحتاج تطلع
بإذن الله لي عودة بعد ما مااخلص اختباري

بانتظارك لا تطول والله يوفقك في الامتحانات
طيب احنا بنمشي في 13 من شهر سته عربي يعني اول العطلة نلقى في قرية السودة السياحية والا السياح كثار من بداية الاجازة؟؟؟؟؟؟؟؟؟؟؟؟؟؟؟؟؟

فيه مجمع فلل مقابل ابها الجديده

شهلاء العيون , الوقت اللي بتروحون فيه مافيه زحمة وراح تحصلون سكن بإذن الله إما بقرية السودة أو غيرها
لكن الجو آخر الإجازة أفضل