عزيزي الغالياصرف من الرياض احسن لك
وفيه بالبطحاء تقريباً 5 محلات او 6 بتلقاهم عند أحد كباري البطحاء وتراهم مهوب جنب بعض
وفرفر عليهم كلهم علشان تشوف سعر الصرف بكم
والأفضل لك بأن تصرف ليره تركيه بدال ماتحوس مابين الدولار واليورو..ولكن ضروري جداً تأخذ معك دولار علشان تدفع حق الفيزا..والفيزا بالمطار للشخص الواحد ب 20 دولار
احسن لك تخلي مصروفاتك بالليره التركيه...بينما اليورو فدامك متفق مع الفنادق فالله يقويك فأصرف يورو
انصحك بالصرف من الحين ولاتنتظر, لأنك ماتضمن قبل السفر هل بتلقى ليره او لا...بعض المرات مايصير عندهم فعاد يالله ابلش
اصرفلك من الحين ابرك وترانا على وشك ندخل شهر سبعه يعني حتى لو فرقت فيمكن تكون ضدك بمعنى بيضربونك بالسعر ويمكن يكون اقل ولكن بنسبه ماتسوى عليك بأن تعيش على اعصابك.
توكل على الله ورح للبطحاء واصرف.
بالتوفيق ياعم وانبسط وفلها بتركيا

قرأت معظم الردود تنصح بصرف المبلغ دولاروبعد ماتروح لتركيا تصرف يوم بيومه ليره او مره كل 3 - 2 أيام
الاهم هنا كم اصرف؟
مقدار مشترياتي؟ أخمن لي مبلغ والا ايش؟
مثلا انا اقامتي في تركيا 16 يوم أصرف 10000 ريال لدولار؟ يكفي .؟ هذا غير التذاكر والفنادق
جاوبنا يااهل الخبره لاهنتم

1. تحياتي لك وبالتوفيق مع الدولار

دامكم مصرين على صرف الدولار فالله يهنيكمبخصوص سؤالك يالغالي فالصرف اليومي كسائح يختلف من شخص لاخر ولكن تقدر تقول الصرفية اليوميه مابين 400 ريال إلى 800 ريال وهذه صرفية تقريبيه وليست ثابته..اثناء وجودي بتركيا صرفت في أحد الأيام 1500 ريال شامل عيشتي وتمشيتي وشراء اغراض شخصيه وللمدام..وفي احد الأيام كانت صرفيتي بما يعادل 300 ريال لأنها شملت فقط على زيارات لأماكن سياحية ووجبه غداء وعشاء..فالمقصود بأنها تختلف وفق توجهاتك ورغباتك ولكن انا عطيتك بين 400 إلى 800 ريال كيوميه...وفي زيارتي الأولى لتركيا صرفت انا وزميلي بأحد الأيام 100 ليره بما يعادل 250 ريال ..المقصود هنا بأن الميزانيه تتغير بين يوم واخر وفق الجدول اللي راح تحطه لنفسك..وفيه تقارير مميزه جداً هنا تغنيك عن قراءة كل شي لوضع جدول سفريتك وتحدد كم المبلغ اللي راح تصرفه بشكل تقريبي وفق جدولك...
إذا تبي سياره بسواقها فهذه 120 دولار ليومية السياره فقط واضف عليها غداكم وعشاكم ومشترياتكم إذا انتم راعين شراء.
وإذا تبي المواصلات العامه فحط براسك بأنها رخيصه ويوميتها ان طقت وكثرت فرفرتكم فهي 30ريال لك ولزوجتك..
فالسؤال هنا عام ومستحيل تحصل إجابة شافيه وكافيه إلا بعد مايعرفون الأخوان جدولك وحتى لو عرفوا فتحديدها صعب شوي..يعني انا بنفسي ماقدرت احط ميزانيه محدده ولكن حطيتها بين 400 إلى 600 فكنت مره بين هذا المبلغ ومره ازود ومره اقل وأغلبيه الأيام طبعاً بين هذا المبلغ (400 إلى 600)

تحياتي لك وبالتوفيق مع الدولار

اتمنى من الأخوان يقنعوني بالدولار علشان اكون مثلكم وابداء اصرف دولار..بينما يستفيد مني الصراف هنا بالرياض اثناء تحويلي للدولار ثم يستفيد مني الصراف بتركيا اثناء التحويل لليره فهذا يعني بأني مقصص جنحاني مرتين..وبدال الخنبقه خلهم يأخذون فايدتهم مرة وحده وكفى الله المؤمنين شر القتال..اتمنى برد يقنعني علشان اسوي مثلكم يالربع واستفيد وافيد.

كم سعر الصرف الان بالرياض ؟؟

الله يجزاك خير يابو نايف ليت اهل الخبره يقنعونك ومنه نفهم احنا ليش.. قالوا قلنا توكلنا ع اللهالسياره لها ميزانيه لحال .. على كذا بخمن لي مبلغ يومي اكل وشرب وبعض المشتريات واضربه في عدد الايام..
الله يعين

ابو نايف
وش تنصحني اصرف ليره
ولك جزيل الشكر اقتنعت بكلامك

1. شخصياً اراى صرف الليره انسب وافضل..

الف شكر يأخوان على كلامكم الطيب...ولكن لازال سؤالي قائم للأخوان بخصوص صرف العمله وليش دولار, مع العلم بأنك تأخذ دولارات معك شي ضروري للفيزا.جوابي كله على اساس انكم بتسافرون بالطياره..سالفة السفر بالسياره فهذه لها اهل الأختصاص(وانا لست منهم)...وللعلم فالبنزين غالي جداً جداً وأذكر احد الأخوان هنا بالمنتدى كتبت موضوع السفر بالسياره وبأنه حط مبلغ على مااعتقد 4000 ريال للبنزين مع اني اراه مبلغ بسيط نظراً لغلاء سعر البنزين عندهم..ولكن حط براسك بأنك بتعبي فل مابين 150 إلى 300 ريال طبعاً بينهم 150 ريال وهذا فارق كبير ولكن المقصد هنا مستحيل يقل عن 150 ومستحيل يزود عن 300 ولكن بالظبط ماادري..
انصح بصرف الليره إلى تاريخ كتابتي لهذه الأسطر إلى إذا احد اقنعني بالدولار فأنا اسحب كل كلامي وانصح بالدولار

شخصياً اراى صرف الليره انسب وافضل..

سفرك لتركيا بالسياره يعني بأنك بتمر على سوريا وهذا يعني بأنك راح تكون بوسط المنطقة المظطربه, عاد سعودي وبيشوفك الجيش النظامي بجيبك عاد يالله جهز الترقيع بأعذارك, ويأنهم بيفتشونك تفتيش..الله يكون بعونك وترجعلنا سالم والله يوصلك لنا ولأهلك ولأحبابك سالم معافا وبقطعه وحده..وتذكرلنا عن تجربتك النفسيه والعصبيه..
أحس باني خربت جوك وكرهتك بالسفره...ابد ماعليك مني وتوكل على الله وابد لاتنسى هذين الدعائين
"بسم الله توكلت على الله ولاحول ولاقوة إلا بالله"
" اللهم اني اعوذ بك ان اظل او أظل, او ازل او أزل او اجهل أو يجهل علي" طبعاً بهذا الدعاء فيه ضمات وفتحات عاد دور الحديث بقوقل واظبط قراءته
ودعاء السفر ولاتنسى تستودع الله الذي لاتضيع ودائعه
وماعليك من لغتي السلبيه الماضيه , كانت فقط للمزح والسفر بالسياره له طعم ونكهه خاصه.
تحياتي لكم

بارك الله فيك يابو نايف
من قال لك الله يخليك ان بسسافر ع طريق البر والله لو اني مكووي ع رااسي
ماقصرت يالغلا
انا اشوف اصرف 50% هنا بالسعوديه والباقي اسحب بالصرافه هنااك
وش رائيك

من ردي السابق (( قالوا قلنا توكلنا ع الله السياره لها ميزانيه لحال ))اعتقد الاخ الكريم اننا بنسافر بالسياره ..
كنت أقصد اذا استأجرنا سياره هناك أو تكاسي المهم أقصد المواصلات عموما..