اعتقد في هذا الوقت تبدأ الأسواق في الأغلاق

لا ياشيخ
غير بدل
تكفى قل غير هذا الكلام مافيه ولا سوق زين يفتح في الوقت اللي أبيه هذا؟؟؟
طيب متى يفتحون الصباح .. رحلتي اليوم الثاني الساعه 1 الظهر

اخوي اذا تبي محلات تتاخر بالاغلاق .. عندك شارع الاستقلال في تقسيم
لان المجمعات تقفل بدري .. اذا مانبي غلطانه تقفل الساعه 10
وشارع الاستقلال فيه محلات تبيع ملابس كاجول كثير جدا واسعارها جدا جدا مناسبه ... وميزانيتك راح تكفي لها وزياده بعد ,,
بس اذا انت حاجز فندق تقدر تسأل الرسيبشن متى تفتح وتقفل الاسواق سواء مجمعات او شوارع مثل الاستقلال
واذا تبي ماركات عالميه عندك شارع بغداد لكنه بالقسم لاسيوي ... واسعارهم غاليه جدا
وموفق اخي ...

والله مهوب صاحين .. الحين شارع الإستقلاق اللي مخربها بس في تقسيم ويسكر الساعه 10 بالليل؟؟
وش بلاهم هذولي وراهم دجاج كذا؟؟
عموما تسلمين وتاشاكورات يانجلاء وشكلي بكنسل التسوق هناك مدام الوضع كذا وأتسوق بالرياض قبل ماأجي أطلق لي عند ربعنا

اخي الكريم دام انت معاك وقت طويل زي ماتقول (23 ساعة ) ونزولك في العصر الى اسطنبول استغل هذا الوقت في التعرف و التمشية داخل اسطنبول ( مثل سلطان احمد - رحلة على البسفور - تقسيم ) ثم في صباح اليوم الثاني ابحث عن مناطق التسوق والافضل الذهاب الى احد المولات ( هناك مول كبير جدا قريب من المطار حقيقة لا اعرف اسمه - ولكن في منطقة تسمى اتاكوى - اسلك طريق الساحل سوف تشاهد المول على الخط )

فيه منطقة تسوق قرب المطار اسمها (بكر كي)
يبدو أنك على الخطوط التركية وللإحاطة التركية إذا كان توقفك اكثر من 9 ساعات يعطونك سكن وكذك رحلة تسوق في اسطنبول ، استفسر من مكتبهم بالمطار

خالد مكه
الله يعطيك العافيه .. شكلي بروح لسلطان أحمد بعدين أنهي يومي في تقسيم
واليوم الثاني في الصباح قبل الرحله أتوجه لسوق بس أبي شي أروح له وأشتري منه كل شي أبي وأروح للمطار وبالميزانية اللي ذكرت لملابس تركيه أصليه
من جنوز وتيشيرتات
وين تنصحني؟؟؟

قبرص
ياليتني داري عن هذا النظام من العام الماضي ياشيخ كان أستفدت .. بس السنه هذي أنا مستخدم الخطوط السعوديه لتركيا بعدين الخطوط التركيه من تركيا ولا أعتقد النظام هذا يشملني
عموما ودي تنصحوني أروح لسوق واحد وبتكون معي الشنطه أتقضى وأطلع منه على المطار عشان رحلتي
وبالميزانيه المذكوره أعلاه لملابس تركيه أصليه!!
شاكر لكم ومقدر

abu7rb
اخي الكريم السوق الذي ذكرته لك اعتقد مناسب و اسعاره معقولة وكبير جدا وفيه ماركات
عموما اذا بتنزل في العصر منطقة سلطان احمد استخدم الترام او المترو ( من المطار ) ارخص لك و اسرع في الوصول ..... ويمكنك النزول قبل منطقة سلطان احمد ( منطقة بايزيد ) فيها محلات و اسواق ممكن تستغل الوقت و تاخذ فكرة عن الموجودات هناك ممكن تعجبك .... ثم اذهب الى سلطان احمد بعد ذلك اما بالترام او ممكن مشي ( 5 دقائق ).......... كذلك منطقة التقسيم تجد فيها محلات كثيرة مفتوحة في المساء بعد الساعة 10 يعني ممكن تاخذ جولة و فكرة عن الموجودات و في نفس الوقت تتمشى ........ الله يوفقك