شرقاوي كووووول
01-01-2022 - 12:37 am
اخواني الغاليين
انا بروح باريس وبعد باريس ناوي اروح لسويسرا
ودي تدلون على مكان قريب لجنيف اقضي فيه يوم وارجع جنيف
ويكون بارد وحلو ...لانهم يقولون جنيف مو حلوه
وانا مضطر اقعد فيها عشان المطار اولا
وعشان قربها من باريس ثانيا
تنصحوني اروح منطقه قريبه منها وحلوه بحيث اذا بروح المطار
يوم السفر تكون جنيف قريبه..ولا مافي؟؟؟
الشي الثاني في مقوله كتبتها وحده بموقع ثاني تقول:
في الجنوب مدينة تشامونيكس الفرنسيّة القابعة تحت جبال الألب ( CHAMONIX ) تبعد عن جنيف 100 كم تقريباً .. وهي لست مدينة ولكن اشبه بقرية كبيرة .. وبها تلفريك يصعد لقمة جبال الألب بإرتفاع 3800 م.
هل هذي معلومه صحيحه؟؟؟
وهل اقدر اروح لها من جنيف واركب التلفريك وارجع جنيف؟؟؟
ولا انترلاكن مثلا اقرب منها
أتمنى اي واحد عنده معلومه يقولها لي بالنسبة لمخططي
مع العلم اني ببقى بسويسرا 3 ليالي
من واقع تجربه انا كنت في جنيف ، وطلعت رحلة استطلاعية لبعض المدن الصغيرة حول جنيف
بامكانك تروح لوزان ( تبعد حوالي 60 كيلو عن جنيف)
أو تروح لمنترو ( تبعد عن لوزان 30 او 40 كيلو على مااظن)
رحلة سعيده
اخوك / مستر ماس