سلطان 28
18-08-2022 - 08:03 pm
السلام عليكم ورحمه الله وبركاته
الله يجزى كل شخص قام بالاهتمام بالمنتدى الرايع وعساه دوم يارب
اخوانى خواتى انا شخص مسافر الى تركيا انا زوجتى اول مره ازور تركيا
كنت ناوى اروح دول اعرفها فقلت ابغى اغير اشوى وبصراحه محتار كثير ما اعرف شى عنها وعندى كم سوال اتمنى احصل اجابه ...
معلومات عامه
تاريخ رحلتى 17/6 والعوده 24/6 الخطوط السعوديه
مزانيتى لليله 1500 ريال مصروفات نثريه بدون سكن
1- انا سواف انزل فى اسطنبول هل تنصحونى ازور مناطق قريبه منها ومثل ايش ؟
2- هل المزانيه اليوميه كافيه ؟
3- هل تنصحونى استاجر سياره فى اسطنبول الانى لا اعرف شي فيها ؟
4- سوفا اسكن فى منطقه السطان كيف المنطقه هذى ؟
5-وش اهم المعالم والاماكن الحلوه الى لازم ازورها بسطنبول ؟
6- هل تصحنونى احول الفلوس قبل اسافر الى دولار او يورو او العمله التركيه ؟
7-هل تركيا امانه الانى معى زوجتى وخايف من الامان اهناك لونى الحالى ماعندى مشكله ؟
8- هل الفيزا اطلعها قبل لا اغادر السعوديه والى من المطار اطلعها ؟
نصايح عامه تنصحونى فيها
بيض الله وجيهك وياررب يسعدكم ويبعد اوجيهكم عن النار يارب
الله يجزى كل شخص قام بالاهتمام بالمنتدى الرايع وعساه دوم يارب
اخوانى خواتى انا شخص مسافر الى تركيا انا زوجتى اول مره ازور تركيا
كنت ناوى اروح دول اعرفها فقلت ابغى اغير اشوى وبصراحه محتار كثير ما اعرف شى عنها وعندى كم سوال اتمنى احصل اجابه ...
معلومات عامه
تاريخ رحلتى 17/6 والعوده 24/6 الخطوط السعوديه
مزانيتى لليله 1500 ريال مصروفات نثريه بدون سكن
1- انا سواف انزل فى اسطنبول هل تنصحونى ازور مناطق قريبه منها ومثل ايش ؟
خذ لك ليلتين في ابانت ( روعه ) وليله في يلوا وبورصه
ثم ارجع اسطنبول كمل باقي لياليك الحلوه
2- هل المزانيه اليوميه كافيه ؟
كافيه جدا ان شاء الله وتزود ( جب لي بالزياده هديه
)
3- هل تنصحونى استاجر سياره فى اسطنبول الانى لا اعرف شي فيها ؟
لا طبعا لا تستأجر
المواصلات العامه عندهم رخيصه ( المترو - الترام - الباصات )
وشغل مرتب موب خط البلده عندنا
يعني تركب الباص كنه من باصات الحج التركيه الزينه
وبعدين المواصلات العامه توصل لكل شي ( خذ لك لفه
في المنتدى لمدة ثلاث ايام بتحفظ اسطنبول صم
)
ركز على مواضيع يمون 12 (ابو باسل ) ما خلى شي
ماشاء الله عليه
حنا شياب ولنا سنين نروح تركيا صك علينا صرنا ندور خرايطه
4- سوفا اسكن فى منطقه السطان كيف المنطقه هذى ؟
والله شف هي تعتمد
ان نشدتني انا بقولك اسكن تقسيم ,, لأني انسان طال عمرك احب السهر وانزل انا والمعزبه
اتقهوى الساعه 12 بالليل عادي والناس اختراشه وعوايل خليجيه وونس
وكانك تبي الهدوء والسكنه في الليل خلك في سلطان احمد
5-وش اهم المعالم والاماكن الحلوه الى لازم ازورها بسطنبول ؟
راجع مواضيع ابو باسل والأخوان
لأنه يبي لي ساعه اكتب لك
6- هل تصحنونى احول الفلوس قبل اسافر الى دولار او يورو او العمله التركيه ؟
يورو طبعا او دولار مع احترامي للي يحولون تركي من هنا
7-هل تركيا امانه الانى معى زوجتى وخايف من الامان اهناك لونى الحالى ماعندى مشكله ؟
آمنه ,, خصوصا الخمس سنوات الأخيره
8- هل الفيزا اطلعها قبل لا اغادر السعوديه والى من المطار اطلعها ؟
إذا انت خليجي
قبل توصل الجوازات في المطار فيه شباك مكتوب عليها فيزا
طبعا فيزا بالأنجليزي مهيب بالسديراوي
امح لهم 20 دولار على كل جواز ويلصقون لك الفيزا وانت واقف
ثم درب راسك للجوازات والله يسهل عليك
نصايح عامه تنصحونى فيها
اقرأ المنتدى ( بوابة تركيا ) قبل تروح فيه كل شي
بيض الله وجيهك وياررب يسعدكم ويبعد اوجيهكم عن النار يارب
جزاك الله خير
تراي اسرعت بالجواب عشان دعواتك الطيبه