توجد شنط تقليد الماركات في سوق جوانزو للجلديات والشنط وهي عبارة عن مجمعين كبار قريب من محطة القطار ومشهورة جدا بمجرد ما تسألين الفندق عن مكان الشنط يكتبون اسمة لك وتروحين بالتكاسي
كذلك يوجد تقليد الماركات في سوق بجين لو بس أنا أرى أن سوق الجلديات أفضل وأكبر وأكثر خيارات

الي يفيدكم عن الشنط وغيرها من التقليد العضو مفلس وابى اعرس لانه امس ذكر انه راح لسوق كله تقليد ولا تفرقهم عن الاصلي ابحثوا عنه هنا واكتبوا له ما يقصر يحب يخدم اخوانه وموجود في كوانزو ودله على السوق تاجر شنط 0
اتمنى تلقون الي تبونه وبالتوفيق ان شاء الله

اخواني انا من يومين كنت في سوق الجلود والشنط والله ضاع مخي
المشكله اني ماعندي خبره في هالامور وكلهم يقولون لك هذا جديد و هذا نخب اول او اللي يسمونه Aaa
وماعندهم ماعند جدتي بس اهم شيء لما يجي يشتري يكون عنده خبره على شان يعرف تفاصيل
الشنطه يعني مكتوب عليها اسم الماركه في الحدايد الخارجيه و كيف شكلها من الداخل
وعلى العموم دقايق ادورلك بين اغراضي عنوان السوق (( مكتوب بالصيني ))
وتحيااتي للجميع

خ ال د
عدنا :8888:
هذا العنوان بالصيني (( السطر الاول العنوان والسطر الثاني اسم السوق ))
وعلى فكره السوق مشهور وفي نص المدينه

وهذي صورة لبوابة السوق (( من تصوير اختنا هداوي ))

وهذي بعض المنتجاتي اللي يقولون عنها AAA على حسب كلامهم
معا العلم ان خلفيتي في الشنط صفر
(( يمدحون فرزاتشي فرع الصين ))


انا بصراحه ناوي ارجع لسوق بكره او اللي بعده
واللي عنده اي معلومه او اقتراح لايبخل علينا
لان اخوكم مايدري وين الله قاطه فيه في هالسوق العملاق (( اتوقع فيه اكثر من 1000 محل ))
اسف على الاطاله واتمنى انكم استفدتوا
وتحياتي للجميع :8888:

السلام عليكم
يا أخوان اللي يبون يشترون شنط ومحافظ من الصين
في شغله جدا جدا جدا مهمه راح انبهكم عليها وخذوا الحذر
بالنسبه لنا كمسلمين الخنزير محرم وناقض للوضوء بمجرد اللمس والله أعلم
وبعض المصانع أو المعامل في الصين يصنعون الغلاف الداخلي من الشنط من جلد الخنزير فالحذر الحذر
السؤال كيف ممكن تعرف أو تفرق
عند فتح الشنطه من الداخل دقق في الجلد اللي عادة يكون لونه بيج ، إذا حصلت ثلاث نقاط على شكل مثلث وقريبة جدا من بعض ، فخذ الحذر منها ودور على غيرها
والله الموفق

هذي اجد شيء من قوتشي وهي المطلوبة في الحين
ان شاء الله اني افدتكم

مشكور اخوي مستر ميمو على هذه المعلومة القيمة جعلها الله في ميزان حسناتك
مشكور اخ خالد على الافادة والصور

اخوي خالد مشكور على الصور
بس كم اخذت الشنط

أبو سالم
ههه
هذا سر
اغلى شيء خذته بحوالي 500 راممبي وفيه شيء ب 200 راممبي
حوالي 250 ريال الى 130 ريال سعودي
بس ماتوقع انه من فئة ال Aaa اللي نسمع عنه ولا شفناه
وتحياتي لجميع :8888: