أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
انا حابه ادرس ماجستير في استراليا بس متردده في اي مدينه اقدم؟؟؟؟اريد ادرس في مكان فيه اماراتين وخليجين ماادري اذا تقدرون تنصحوني فاي مدينه؟؟؟ ملبورن او سيدني او بيرث او كوينزلاند؟؟؟
فيدوني دخيلكم
اختي candy girl ...
اولا اتمنى لك التوفيق في دراستك ... وبالنسبة للتجمع فالحقيقة من الصعب بمكان تحديد اكثر مدينة يكون فيه تجمع للامارتين خاصة والخليجين عموما .... فمثلا انا متاكد ان سيدني فيه النسبة الاكثر ... ولكن ستجدين انهم قليلون بسبب كبر مساحة سيدني وتعدد الجامعات المعترف فيها من قبل الحكومة الامارتية ... ونفس الشي ينطبق على كل المدن الكبير مثل ملبورن وبرسبين ...
ولكن ثقي ثقة تامة ان كل المدن التالية سؤاء سيدني و ملبورن وبرسبين وبيرث والقولد كوست ... ستجدين فيها جالية خليجية على العموم وامارتية بوحه الخصوص ... ذكورا واناثا ...
اتمنى لكي التوفيق والنجاح ...
تحياتي ...
اولا السعوديين ماشالله عليهم تحصليهم وين مارحتي
أما بالنسبة للإمارتيين فهم كثيريين في مدينة ملبورن
ولكن اللي ألاحظه عليهم أنهم يحبوا يجتمعوا مع بعض في جامعات معينة
مثل جامعة موناش,سوينبرن,ديكن , ار ام اي تي
تحياتي
اذا تبين نصيحة مجرب
حاولي الأبتعاد عن السكن في البلدان اللتي بها كم كبير من الخليجيين والعرب لأنهم سيزيدون من ملئ وقت الفراغ ووقت الدراسة .. باللهو ومضيعة الوقت وقد لا تتمكنين من اعداد الرساله بشكل افضل وجو هادئ
لأن العلاقات يشوبها ما يشوبها ولو ما جاك الا التفكير فيهم ومتى بشوفهم ومواعيد وسواليف
خليك بجو هادئ افضل لك .
انا ما اقول لا للعرب ... بالعكس هم ونيسين والواحد روحه تشتاق لهم غصب بس اذا كان العدد نادر واللقاء اندر تكون النتائج افضل
على العموم مدينة ( برزبن ) مدينة متطوره عمرانياً وهي من اقل الاسعار المعيشيه بأستراليا بالأضافه الى انها قريبه جداً من قولد كوست ... بالسياره ( 45 دقيقه )
قولد كوست حلوه في الويك آند
أختي Candy girl تحياتي لك وتمنياتي لك بالتوفيق .. في الحقيقة نا ما سمعت عن تجمع اماراتي ولكن ممكن يكون موجود.. لكن في تجمعات سعودية وفي أكثر من نادي للطلاب السعوديين في سيدني .. لكن خذي تصيحتي ما منهم فايدة مع احترامي الشديد للجميع .. محد يعطي ويه .. أنا أول ما وصلت سيدني كنت مشتاق التقي بسعوديين وخليجيين يحملون نفس أفكاري ونفس حماسي الشديد اني اقابل ناس من نفس ديني وعاداتي وتقاليدي .. لكن هذا الحماس انطفأ بعد لقائي ببعض الأخوة .. وقلت لنفسي علشان لا أظلم أحد يمكن الشخص الواحد اللي قابلته ما يمثل كل اخواننا الخليجيين اللي اهني .. لكن تأكدت الفكرة لما كررت لقائي بأكثر من شخص والنتيجه وحده .. نا عن طريق احد الاخوان بالمنتدى تعرفت على شخص له وزنه في نادي الطلاب السعوديين، رجل في الثلاثينات من عمره ، ويبدو على وجهه ومظهره الخارجي علامات الالتزام والتدين ..ففرحت كثير ويوم التقيت معاه حسيت براحه غير طبيعيه وخصوصا اني من اول ما جيت ما كنت ملتقي بخليجيين.. فطبعا مثل ما تعرفين عندنا الناس يعطون الواحد احلى لسان ( اشلونك شخبارك اخوي والله فرحانين بشوفتك والله نتمنى نلاقيك على طول انت اخو عزيز وشوفتك مهمه واحنا عرب وخليجيين ومسلمين لازم نكون اي وحده ونشوف بعض ونجتمع في الغربة مع بعض) وطبعا تبادلنا ارقام التلفونات، والاخ اختفى من بعدها، من اتصل عليه علشان اساله عن انشطه النادي واذا في امكانية اني التقي باخواني الخليجيين الباقيين علشان اتعرف عليهم، وفي كل مرة يعطيني لسان حلو ( والله اتشرف بمعرفتك يا اخوي ونت في بالي على طول ودايم اقول اتصل عليك واسال عنك ) ومن هالكلام المجاني، نا طبعا ولله الحمد والمنه مو محتاج من احد شي ولكن كنت ابغيه يخبرني على الاقل عن الانشطه ونا اقدر اروح لها لوحدي يعني ماعندي مشكله، وطلبت منه ان يتصل لي في حالة في اي نشاط.. ومرت الايام والاسابيع ونا اتصل بين فترة وفترة وهو يقولي انه ما في اي نشاط ولا شي.. ومن خلال المنتدى نفسه تعرفت على شاب سعودي يدرس اهني والتقيت معاه مرة ونا بحسن نية صرت اتصل له بشكل دائم واسال عنه وهو ابدا ما يسال.. لدرجه نا اتصلت عليه قلت له قبل لا تروح السعودية خبرني خلنا نشوفك على اساس انه صديق واخ .. راح السعودية وجه ولا ادري عنه وغير جذي قبل لا يسافر اخر مرة اتصلت له قلت له شخبارك ويا الانشطه للنادي السعودي يقولون مافي انشطه يقولي من قالك كل اسبوع في يوم الاحد في نشاط بالصالة .. قلت له من المسؤول يقولي ( فلان ) وطلع هذا الشخص نفسه اللي اتصل عليه ويقولي مافي انشطه .. بعدها قلت لنفسي هي وحده من الثنتين او ان هم ما يبغون دخلاء على انشطتهم يعني النشاط مقتصر على السعوديين أو ان هذا الكلام اللي قاله لي كله حكي عرب ومجاملات مالها معنى .. بعدها صارت لي مواقف كثيرة مع طلبة سعوديين ليما قلت بس خلاص .. خبيجيين - عرب خلاص لا ابغي اتعرف على احد ولا أبغي اختلط معاهم .. اظاهر احنا العرب لما نطلع من ديرنا نجن ... تمنياتي لك بالتوفيق .. صدقيني .. ترى حلو تكوني في مكان في عرب وأجواء اسلامية وهذه الاجواء في استراليا ما تلاقينها غير في سيدني.. من مساجد ومطاعم حلال منتشرة بكثرة .. في كل مكان .. لكن لا تحملي هم الاختلاط بالعرب .. انتي بنفسك اصنعي جوك الخاص ومحيطك بالشكل اللي تبغينه .. تحياتي .. طير البحرين
والله الصرا حه احزنتني طير البحرين على كلامك بس خذها مني وانا اخوك ان لايس كل الطلاب السعوديين مثل بعض
والناس نفس الاصابع لايسو سواسية انا نفسك يوم كنت بنيوزلندا كنا بالعكس نجتمع مع اخواني الخليجين من البحرين والكويت وعمان والامارات وقطر كل جمعة
اولا اتمنى لك التوفيق في دراستك ... وبالنسبة للتجمع فالحقيقة من الصعب بمكان تحديد اكثر مدينة يكون فيه تجمع للامارتين خاصة والخليجين عموما .... فمثلا انا متاكد ان سيدني فيه النسبة الاكثر ... ولكن ستجدين انهم قليلون بسبب كبر مساحة سيدني وتعدد الجامعات المعترف فيها من قبل الحكومة الامارتية ... ونفس الشي ينطبق على كل المدن الكبير مثل ملبورن وبرسبين ...
ولكن ثقي ثقة تامة ان كل المدن التالية سؤاء سيدني و ملبورن وبرسبين وبيرث والقولد كوست ... ستجدين فيها جالية خليجية على العموم وامارتية بوحه الخصوص ... ذكورا واناثا ...
اتمنى لكي التوفيق والنجاح ...
تحياتي ...