اخوي الشاب هذا عاد وانت مشرف وشلون لو كنت واحد مثلنا عموما تبي الاجابة ؟؟!!
ج1 - خذلك فرة في البوابة وبتلاقي اجاباتك على طول ترى لو انا مشرف هنا بالبوابه كان حذفت سؤالك لانه مكرر وسبق للاخوان الاجابة عليه ،،،،،،،،،،، عموما انت تمش شوي بالبوابه وراح نساعدك اذا ما فهمت شيء او حبيت تسأل ترى حنا بالخدمه .......... ويا هلا فيك

وعليكم السلام ورحمة الله وبركاتة ،،،
هلا فيك اخوي العزيز الشاب .
1- فندق ممتاز في بيروت 4 أو 5 نجوم ويكون موقعه ممتاز, وياليت يذكر لي سعره :

• افضل فنادق لبنان (5نجوم ) الموفنبيك ومتروبوليتان بلاس اسعارها تقريبا 137 دولار .

2- المسافة بين دمشق وبيروت وهل المسافة تسمح بالذهاب والعودة في نفس اليوم, وإذا المسافة بعيدة هل هناك فندق ممتاز في دمشق وكم يجي سعره :

• المسافة ليست بعيدة تقريبا ساعه بالسيارة الا ان التأخير يكون في الجوازات ، افضل فندق فيدمشق المريديان وسعره 100 دولار .

3- وش هي الأماكن الحلوة في بيروت , وأين تقع مغارة جعيتا :

• جبال الارز- قلعه جبيل - برمانا - عالية - بحمدون - الروشة - الحمراء - السوليدير - جونية ،- عيون السمان- تلفريك حريصا ، مغارة جعيتا تبعد عن بيروت قرابة النصف ساعه بالسيارة وهي اهم الاماكن السياحية في لبنان .

4- هل عند التكاسي في بيروت حركات الإستغلال والسرقة :

• على حسب السائق لا نريد ان نظلم احد .

5- المعاملة والأمان :
المعاملة راقية خاصة من المسيحين ، والامان ان شا ء الله موجود .
6- المسافة بينها وبين قبرص:
هناك السفر بالطائرة او بالباخرة ، بالطائرة قرابة ساعه .
تحياتي .

الله حيه يهلا والله بالشباب مشرفنا الغالي حبيبي القلب الكبير ماقصر لكن كان كلامه بختصار حبي اذا انت في بيروت والمده قصيره اعتقد انك تشيل فكره سوريا من راسك افضل بعدين الاماكن اللي ذكرها لك الاخ القلب الكبير فهي مناطق صغيره وجبليه بكل اختصار حبيبي عندك اما الجبل او البحر الجبل سواء الثلج بالشتاء او الخضره والبراد بالصيف وجلساته مطاعم وقهاوي والبحر غير جوه غير وانت ادرى فيه يعني اذا كنت بالصيف لاتسكن في بيروت اسكن بالجبل بحمدون او ليش بحمدون اسكن برمانه انت سعودي وبرمانه تعتبر مقاطعه سعوديه اللي فيها كلهم سعودين وبيروت وجونيه تحتك بالكثير ثلث ساعه انت فيهم . ومن ناحيه الامان امينين طبع المناطق هذي اكثرها مسيح وناس جنتل بالتعامل . لكن اذا عندك وقت تجلس في لبنان انا اعطيك بعض المناطق الحلوة مناطق المسلمين السنه واهي طرابلس والمناطق الجبليه التابعه لها وحواليها لكن عيبها انها مو متطوره سياحيا مثل مناطق المسيح لكن ارخص وطبيعتها حلوة وشعبها طيب وخدومو يحبون الخليجي

فندق ممتاز وسعره مناسب وموقعه ممتاز ,,,,, فندق رويال بلازا امام فندق الموفنبيك...
كذلك فندق الموفنبيك قمة الروعة وانا افضله على بقيه الفنادق في لبنان .. وسعره للغرفة المفردة 134دولار وللغرفة
المزدوجة 147 دولار ةالخيار لك....
اما بالنسبة للبنان وسورية والمسافة بينهما فاعتقد انها قريبة ولكن مايوخرك هو الجوزات وعموما المسافة مابين
الساعة الى الساعة والنصف في غير فصل الصيف ..
والبقية ماقصروا اخوانا ................................
تحياتي .................................

هلا بمشرفنا الحبيب ( الشاب )
أخوي أنت ما قصرت مع أحد لذلك ما راح نقصر عليك،،،
1- فندق ممتاز في بيروت 4 أو 5 نجوم ويكون موقعه ممتاز, وياليت يذكر لي سعره
أنا من اللي يفضلون السكن في الروشة أو شارع الحمراء وشارع الحمرء كنك بالسعودية من حيث تمسكهم بالدين يعني ما عندهم خربطة لو كان الفندق خمس نجوم،،،أما الشارع ما تمل منه العالم رايحة جاية،،،
2- المسافة بين دمشق وبيروت وهل المسافة تسمح بالذهاب والعودة في نفس اليوم, وإذا المسافة بعيدة هل هناك فندق ممتاز في دمشق وكم يجي سعره
0كيلو 3 ساعات رايح 3 ساعات راجع وأنتبه من يوم الأحد لأنه عطلة المسيحيين وراح تكون زحمة
وهذا رقم دعبول للسفريات في بيروت يجون ياخذونك من مقر اقامتك ويودونك لدمشق ب10 دولار
0وأفضل أنك تروح مع قروب سياحي شامل العشاء ،،،
3- وش هي الأماكن الحلوة في بيروت , وأين تقع مغارة جعيتا
اذا تبي تتعرف على بيروت وكبرها أنصحك تاخذ الباص 500 ليرة ولو تسأل أي أحد من حقين الفندق يعلمك أي باص تركب وأي باص تغير معه اذا وصلت الدوار اللي تحت الكبري
4- هل عند التكاسي في بيروت حركات الإستغلال والسرقة
عندهم نظام السيرفيس وهو أنك توقف بالشارع ويمرك التاكسي وتركب مع الناس بس تقول وجهتك اذا كانت على طريقه ركبك أما اذا ما هي على طريقة رد بك ولا قال لك أي شي،،،
أما اذا تبي تكسي أنا أنصح أنك تستأجر لك سيارة أرخص لك كثير لأن التاكسي اللي بيوديك لجعيتا ويجيبك أقل شي 35 دولار ولما تستأجر الأيام هذي سيارة مع السواق ب60 دولار الى 80 بس سيارات عادية
5- المعاملة والأمان
مثل تعامل اللبنانيين ما شفت خلوقين ويحبون يخدمون ولكن أنتبه من سواقين التكاسي لأنهم أشد كفراً وظلالا،،،
6- المسافة بينها وبين قبرص
للأسف لا أعرف
ولكن أنصحك بالأتصال على هذا الشخص ويدعى أحمد وقله من طرف الحج ريان
وخدوم ولا تتوقع انه بيخدمك بمقابل بالعكس بس قله أنك من طرفي واذا بغيتني أكلمه لك كلمته،،،
8وممكن تحط أغراضك عنده وتدور على مهل بالشقق أو الفنادق ( ومن غير مقابل ) وتقدر تنسق بينك وبينه اذا بغيت يحجز لك أول ليلة بأي فندق يكون على قد الحال وتقعد تدور على مهلك،،،
وأي شي تبيه ولا رديت عليك بس أرسل لي على الخاص وأبشر يالغالي،،،

شكرا لكم أخواني على هذه النصائح الرائعة