الله يجزاك خير يا بو عزيز ما قصرت بس بسالك عن جو ميلان شهر 8 حار حيل ؟ نبي البراد احنا

باريس جوها رحمه مع جو ميلان بأغسطس
جربي من زيوريخ لوقانو كومو ميلان ثم مشوار لكن مرغم اخاك لا بطل الي باريس ومن باريس الي انترلاكن فيه رجلات مباشره
لكن الغاء ميلان حل أفضل أو باريس
الجمع بينهم راح يتعبكم حقيقه
من ميلان الي باريس الرحله المباشره 7 ساعات وثلث وسعرها تقريبا بحدود 45 يورو الصباح 9

السلام عليكم
انصدمت قبل شوي ان اهلي الله يحفظهم حجزو لسويسرا زيورخ بتحديد
روحه ورده لمده 17 يوم
انا كان ودي انزل لزيورخ وارد من ميلانو او من باريس
ابي احد يساعدني في جدول اني اقدر ازور كل من انترلاكن و برن و ميلانو
جنيف ،انسي وارد مره ثانيه لزيورخ كون ان احنا اول مره نزور سويسرا
تتوقعون اقدر ازور باريس ولا ماتسوي
ساعدوني الله يجزاكم خير

طبعا تقدرون تزورونها
وهالشي يعتمد عليكم
واشوف بناء على عدد الايام ممكن تخلون 13 يوم سويسرا
واربع ايام باريس
او 14 يوم سويسرا و 3 ايام باريس
طبعا اذا باريس بتدخل في البرنامج
الافضل انكم تغيرون الحجز
يكون الوصول زيورخ والعوده باريس
وبناء على حجزكم المبدئي
اللي هو وصول ومغادرة زيورخ
بعد الوصول التوجه الى انترلاكن 117 كيلو
وبعدها الى ميلان 300 كيلو
الى انسي 340 كيلو
الى جنيف 40 كيلو
ويفضل زيارة انسي بعد المغادرة من ميلان والتوجه مباشرة الى جنيف
او تروحون من ميلان الى جنيف وتخصصون يوم كامل لانسي وتنطلقون لها من جنيف فهي قريبة جدا
من جنيف الى برن 160 كيلو
ومن برن الى زيورخ 125 كيلو
او
زيورخ الى برن
برن انترلاكن
انترلاكن ميلانو
ميلانو جنيف
جنيف زيورخ
واذا تضيفون باريس
فالافضل الوصول زيورخ والمغادرة من باريس
من زيورخ الى برن
ومن برن الى انترلاكن
ومن انترلاكن الى ميلان
ومن ميلان الى جنيف ومنها تزورون انسي
ومن جنيف تطلعون طيران اقتصادي او قطار الى باريس
ممكن السكن يكون بلوقانو وتزورون منها ميلانو
والمسافة بينهم 75 كيلو
اتمنى لكم رحلة سعيدة

ماقصر مشرفنا ابو نورة
واقترح عليكم خيارين اما تزورون ميلانو وتلغون باريس او تزورون باريس وتلغون ميلان
لان زيارة الثنتين بتكون متعبه
وبيرن ممكن تزورونها عند اقامتكم في انترلاكن لانها قريبة عليها

ليه ما اخذوا رأيك ؟
لو انا منك ازعل واضرب وما اروح معهم !
شوفي سهل الذهاب لكل الاماكن اللي ذكرتيها
لكن الاهم هو معرفة مخططكم العام للرحلة (لاتقولين ال17 يوم كلها في زيورخ)
ونوع المواصلات المستخدمينه وعددكم و متى الرحلة؟؟
وسهل جدا الوصول لميلانو وباريس فلا تشيلين همهم
باريس طبعا جميلة لكن بشرط ماتكون عائلة ولا تكون ديزني في شهر 7 و 8
ميلان رائعة خاصة اذا الميزانية مفتوحة والاحلى منها ماكارثير سيرفالي اوتليت رائع جدا

شكرا يااعضاء مااقصرتو الله يجزاكم خير
ابو عزيز ان زعلت قعدوني في البيت وانا ابي السفره ههه وعلي اساس انها سبرايز و لا اكيد مو كلها بزيورخ راح نزهق ،ونوع المواصلات قطارات اكيد احنا مانحب سياره نحب التغيير و باريس ودي ازورها صراحة من كثر مايمدحونها ، ولازم دزني لاند عشان اخواني الصغار يبونها :/ و ميلان باذن الله لازم ابيها للتسوق بس صراحة ودي بمخطط كامل لمده 17 يوم اقسم فيها المدن وازور المدن اللي تستاهل لان اهلي حجزو و قالو يالله سويلنا مخطط رحله
واحتمال ان تتغير الرده ونرد من باريس

واحنا 5 اشخاص و باذن الله بشهر 8