1. الخطوط: القطرية


2. بداية الرحلة


3. يوم الرحلة

معلومات خفيفة
الاسم: ام سلمان وبوسلمان
دولة الاقامة: مملكة البحرين
الدولة المزاره: ماليزيا
سبب الزيارة: رحلة شهر العسل
عدد الايام: 17 ليله
مناطق التنقل: بينانغ-لنكاوي-جنتنغ-صن وي لاغون-كوالمبور

الخطوط: القطرية

بداية الرحلة

طبعا فى بدايه فترة الخطوبة ,كنت حاطه فى بالى انى اسافر مصر ومقرره ومقتنعه انى اروح لها شهر العسل , لانى تعقديت من القعده فى الطياره ساعات طويله ,والكل كان يمدح لى ماليزيا ويقنعنى انى اروح لها, وانه البطله كنت مصممه انى ماروح لها .
المهم وبعدها اقتنعت انى اروح ماليزيا ,وانا عندي موقع العرب المسافرون من قبل 3سنوات ايام الدراسة كنت ادخل ,وبعد الاقتناع قلت خل ادخل واجوف شنو فى ا لمنتدي , وتم تسجيلي وبصراحة اتنصدمت من المعلومات والمشاركات الحلوة والمفيده ,تميت اقراه رحلات الاعضاء واول موضوع قريته للاخ ابولينا
ومنها قلت خلاص لازم اروح ماليزيا ,وتميت ايمع المعلومات واطبع واستفسر والكل فى المنتدي عرف انى بسافر ماليزيا.
وبعدها رحنا حق مكتب السفريات (بيت السفر) وماقصرت معانه الاخت رنا وتمت الحجوزات على الخطوط القطريه.
وبعد الحجوزات والترتيبات , التفتا حق نفسنا شوي ورحنا شرينا لنا جم بدله حق السفر والادويه اللى نحتاجها, وكلشى يخطر على البال بندول , فكس,مصاص,لزقات,فازلين ,شامبو,صابون نعيم .وشنطه صغيره حطيت فيها مقص,مقراض,شلوشن.
المهم رتبتا الشنطة وحطينا الاغراض وكلشى , وجهزنا الكاميره الفيديو والديجتال.

يوم الرحلة

طبعا رحلتنا كانت الساعه 9:25 مساءا,الصبح تميت نايمه وماقمت الا الظهر صليت وتغديت مع البيت وتميت انتظر المغرب على احر من الجمر, انتظرت اذان المغرب وصليت المغرب وتميت اتجهز واتبرز المهم شغل نسون يعنى .
ماوعيت الا التلفون يصيح من من من الا المعرس بوسلمان متصل ويقول يالله احنا طلعنا بنروح المطار وبسرعه اخلص واشيل الاغراض ونادي الخدامه ميرندا تعالي بسرعه وتشيل الشنطه مسكينه ونادي امي وابوي يالله يالله بسرعه نروح المطار.
المهم وصلنا المطار والمعرس والاهل كانوا ينتظرونا .
وللحديث بقيه