dante
06-12-2022 - 10:14 pm
السلام عليكم :
انا حاب اخذ رايكم اخوي يدرس هو وزوجته في نيوزلندة في ولاية ويلنغتون وانا افكر اني ازوره واقعد عنده خمس اسابيع واخذ معاي ام العيال طبعا راح يصادفني رمضان هناك وانا رايح ولا اني حاط في بالي اني اتنقل بس قلت ذي السنة رمضان في شهر اوغسطس عز الرطوبة عندنا في الشرقية فا قلت فرصة انحاش عن الحر بس الظاهر عندهم عز البرد .
بس باقعد فترة طويلة هم ودي اتمشى فا انا ودي راي الخبراء والي زاروا الدولة بشكل عام.من ناحية كونه رمضان والأمر الأخر حالة الطقس.
السؤال الثاني انا ناوي اروح عن طريق طيران الأمارات بس فترة الأنتظار في دبي الى استراليا طويلة وانا قاعد احجز عن طريق النت فاكيف اخليهم يعطوني سكن بحكم فترة الأنتظار.
مشكورين مقدما ولا يحرمنا منكم
الجزيره الشماليه جوها معتدل والجنوبيه صلخ برد هذا بالشتا .. مدينتك راح تكون بين البين يعني بالشمال بس مو بالشمال لانها بنهايخ الجزيره الشماليه .. ان شاء الله وصلت فكرتي
على كل احسب حساب الجو انه شتاء قارص بالنسبه لنا يا اهل السعوديه انا مسافر لروتروا واعديت العده لبرد يكسر العظم مع انها بالجزيره الجنوبيه لكن من وجه نضري جوهم المعتدل احنا نعتبره شتا فلا تغامر وخللك على بينه ولو تبي تتثبت النت ومواقع الجو فيها كل شي اكتب طقس وينلنقتون طبعا بالانجلش .. weather ولا اعرف سبيلنج المدينه اعذرني
اما رمضان فكل ماسمعناه ان الدوله جدا عاديه يعني رمضان ماراح تعاني النهار عندهم مو طويل راح يكون الصيام مقبول والله يوفقك