حمدا على سلامتك اخى البارق.تسرنا عوده بالسلامه.

الحمد لله على السلامة
البراد اللي تتكلم عنه وين بالضبط
يعني في اسطنبول أو في بورصة أو ...وهل اتجهت إلى أبانت؟

الحمد لله على السلامة
ونريد ان تنقلنا الى تركيا الجميلة بالصور الجميلة
مع اجمل تحياتي

اخي الحمد لله على السلامه اولا
حبيت اسأل عن الفنادق يحاسبون بالليره ولا الدولار وكم سعر الليره ؟؟

عيون الطيف الله يسلمك انشالله من كل شر
ابو سارة البراد والله في كل مكان يعني باسطنبول براد الجو زين مره منعش حتى اني قابلت مرشد سياحي يتكلم عربي يقولي الصراحه يعني مامر علينا صيف ابد هالسنة يقول من حظكم انه الجو هالسنة كذا
مقيم ابشر والله انشالله بالصور لكن للاسف رحنا رحلة لبورصه ونسيت الكاميرا بالفندق وكانت من احسن الرحلات

الحمدلله على سلامتك اخوي البارق2004
بس عاد علمنا وين سكنت ؟ وين رحت؟ وين تغديت؟وين00وين00 الخ؟؟؟
لأني مسافر ان شاء الله في 5/8 وجالس 10 ايام
وودي اعرف احسن المطاعم اللي رحت لها؟ وأحسن المناطق اللي شاهدتها؟ وسعر الليره كم بالريال السعودي؟
وآآآآآآآآآآآآآسف على الأطاله

الحمدلله على السلامه اخوي البارق 2004
انا ناوي بمشي لتركيا إن شاء الله 25/7/2006 والعوده في 8/8/2006
يعني بعد اسبوعين وحتى الأن مارتبت لرحاتي اي جدول او سكن
فيه واحد عطاني رقم سواق وقال هو يرتب لك كل شي بس ياخذ حق العموله والتنقل 100دولار من غير الأشياء الثانيه
هل تنصحني احجز السكن من هنا واتنقل مع عدة سواقين او هل اكون مع سواق محدد وهو الذي يرتب لي كل شيء
امل ان تضع لي جدولك
شكرا اخوي

حمد الله على سلامه اخوي
لوسمحت بس كنت بسألك عن السكن
وش افضل لنا؟ احنا اغلبنا بنات ومامعنا الا اخوي 18 سنه
وش تنصحنا فيه فنادق اللي بتقسيم؟ او اللي يقولون عنهم كراون بلازا وهوليدي ان اللي على البحر؟
نبي شي قريب للاسواق والمطاعم والجلسات نروح مشي بدون تاكسي
واذا احتجنا نروح اماكن بعيده ؟ وش افضل ناخذ تاكسي باليوم؟ او في طريقه ثانيه؟
وكيف طريقة التنقل بين المدن؟ من اسطنبول الى بورصه وابانت؟
اهم شي يكون شي امن
اسفه على كثرة الاستفسارات
وشكرا الله يعطيك الف عافيه

1. الردود على استفسارتكم

مقدمة السلام عليكم اول شي احب اقوله اللي ماراح لتركيا والله ان تركيا جميلة صراحه انا ماتصورتها ولا نص هالطبيعة والنظافة خاصة اللي يسمونه القسم الاوربي شعبهم بعد راقي مايعتمد على البخاشيش بشكل كبير مش زي الدول العربيه اللي مابي اقولها انتم عارفينها لكن مشكلتها انها شوي غالية

الردود على استفسارتكم

اختي القطة اسعار العمله بتركيا يعني تتغير والسعر من الفند كان 0,39 اما من خارج الفندق كان السعر 0,42 يعني ابسط المسالة لك كل اربعين ليرة تساوي مائة ريال تقريبا الفنادق ماعندها مشكله تبي تحاسبي بالدولار بالليرة اي باليورو وهم يحبون اليورو لكن الافضل خليك على عملتهم لانها ماشية هناك وكل يتعامل بها
الزير سالم ههه شكلك تبي تطلع من السعودية باي طريقه تبي البراد على كثرة الاسئلة عموما اخوي الزير انا سكنت بفندق صراحه غالي مره انا اتصور انه غالي مره لكن شف فيه فنادق اخرى خصوصا بتقسيم يعني اشوفها زينه يعني بتسعين دولار ثمانين دولار على حسب ماسمعت من السياح السعوديين هناك لكن اكيد ماراح تكون بمستوى خمس نجوم .... اما المطاعم فالله يعينك هناك المشكله يعني هنا الاتراك يتقنون الشوي والشورما لكن هناك ماعندك احد لارز ولا اكل مشاوي يعني الصراحه شوي فيها معاناة بالاكل لكن اخوي ابو عمر واضع رابط فيه المطاعم لكن يوم رحت لها اكثرها يعني تصير داخل فنادق واحنا صراحه اخر شي ملينا بعدين اخذنا من بيتزا هت وبرجر كنج ومشت الامور
اخوي eng-1425 صراحة الناس تختلف يعني حنا اخذنا اول شي سواق وللمعلوميه السواقين هناك اليوم تاخذه مثلا من تسع الصباح الى تسع المساء او عشر يعني يحسبها لك مية دولار فيه ناس تفضل كذا احنا عشان عائله وناخذ راحتنا ماحبينا انه يكون ملازمنا السواق ابد يعني كل الامور تمشي وسعر مشاوير التكاسي مثلا داخل البلد من عشرة الى اربعين ريال للمشوار على حسب طول المشوار مثلا يجيبك من المطار الى تقسيم بثلايين ليرة واهم شي العداد هم يحترمونه دايم يشغلونه
اختي mail شوفي الفنادق اللي بتقسيم زينه يعني عشانها مكانها رجه ودايم حيه لو تجي ثلاث في الليل تحصلي ناس رايحه وجايه يعني حقة ناس تحب هيك ازعاج اما انا صراحه حبيت المنطقه كنت اروح لها باليوم مرتين الى ثلاث مرات بالتكسي اجلس ادور صراحه تتعجبي من كثرة الناس اللي هناك مادري ليش بس دوران ههه المهم فيه فنادق بتقسيم بس والله ماذكرها بس فيها عوايل سعوديه وهي اربعة نجوم والله يعينكم ان كنتم كثار يعني تحتاجون اكثر من غرفه لاتاخذون خمس نجوم لانها صراحه نار يعني لندن ارخص منها والله وانصح بالحجز من هنا احسن لكم واضمن لكم بعدين لما تروحون لجزيرة الاميرات اركبو عن طريق العبارة حلوة منظرها جميل تمر بعدة جزر ناس تنزل من العبارة وانتم لاتنزلون ههه اجلسو حتى تصلو الى جزيرة بيوك اضه هناك تبي تركبون عربة الخيل حلوه يدور بكم على الجزيرة فيه عبارة بالرجعة سريعة ارجعو فيها بس اغلى بس حلوه صراحه خمس نجوم
التنقل من اسطنبول الى بورصه احسن شي لكم انتم ان كنتم مجموعة تاخذون سواق خاص يشحن السيارة عن طريق البحر قيمة اليوم الى بورصه مع السواق 250 دولار
اما اذا كنتو يعني عددكم قليل احسن لكم تروحون مع وكالة سياحية اللي بتقسيم الشخص من سبعين الى ثمانين دولار لشخص مع وجبة الغدا بس صراحه خوش وجبة ههه لما تسمعي وجبة تقولين شو هي اكيد حلوة لكن لما تشوفيها راح تتذكري كلامي ماراح تاكلي منها شي هههاي حنا السعوديين علل مو كل اكل يعجبنا وهذه الرحلة الى بورصه تشمل ركوب التلفريك وزيارة بعض الاماكن
ودمتم سالمين