- دحين عندي طلب!!
بعد عناء ومشقه اقلعت الطائره في حدود 3 ونص ظهراوصلنا ولله الحمد حدود الساعه 5 ماشاء الله من قبل ماننزل والدنيا مطر جدامد والغيوم هبطط الطايره
ونزلنا والدنيا مطر زوجي الخاين معاها جاكيت جلد غطى راسوه وجري وعينك ماتشوف الا اثره بس كانت مطره حلوه
بسرعه بسرعه اخذنا تكسي وعلى نوفتيل جري بس والله المناظر الي شفتها من جد روعه الجو الغيوم الطبيعه دا وانا ماطولت من المطار للفندق
وصلنا الفندق وعملنا شيك ان وطلعنا غرفتنا حلوه على البحر والمنظر من الطاقه خيال خضار وزرع وبحر وجبل اخضر وفوقه بيوت وربي افتكر ت هايدي اشك انهم صوره هنا
صلينا الظهر والعصروبسرعه على تحت قبل ماالدنيا تظلم نكتشف المنطقه
وبعدها على المول اكلنا بس بصراحه ماعجبني الاكل بس يالله تصبيره
لفينا السوق واخذت دا ودا وطبعا مانسيت بناتي هوا مشغول في البلاك حقوه
وانا ماقصرت ولما اخلص يابو الشباب الحساب
رجعنا الفندق الساعه 9 طبعا مشي من الفندق للمول 3 دقايق بس
قلت خليني اكتب الي شفتوه رغم اني والله مره تعبانه عظام رجلي اليمين مره تعورني مدري يمكن من كتر المشي اتفقت معاهم بكره يعملولي مساج يمكن تفك شويا وربي شويا وابكي منها بس لجل عين تكرم مدينه
دحين عندي طلب!!
الي جا دا الفندق قبل كيدا يدلني على صيدليه قربيه يدي كلها الاتنين من عند الكف قبت حبوب من تحت الجلد وربي شكلها يحزن كاني وحده عمره 90 سنه لا وحكه كمان
دا كلو من بورصه ويلوا لما اقعد في مكان وانا ماني ماخذه راحتي او قرفانه يصير معايا كيدالانها صارت معايا في شرم الشيخ قبل كيدا اتمنى اجابه.ترى مااقصد شي بس نفسيا مارتحت هناك ايش اسوي وجهة نظر لحد يزعل وياخذ موقف اوكي
اسيبكم دحين بقوم اخذ دش وان شاء الله انام بكره ورايه يوم قد ايش طوله رايحين على اوزونجول ان شاء الله
في المول مافي صيدلية ؟
سيارة اجرة على مركز المدينة شهير مركز ويوجد باصات تذهب الى مركز المدينة . خلي الصيدلي يشوف يدكم لانه لو جلستي سنة تفهمية مارح راح يفهم .
سلامات ان شاء الله .