حمودي حماده
11-11-2022 - 04:54 am
السلام عليكم ياشباب وش الاخبار وش العلوم وش علوم المنتدى والله اني مشتاق له بالحيل ....
وصلت امس من مانيلا الى الرياض كمستوى عام والله الديره حلوه بالحيل واستانست فيها على العموم تراني مااعرف اكتب تقرير بس ابحاول ارتب التقرير بقدر المستطاع ,....
بداية رحلتي على الخطوط السعوديه سعر التذكره 2600 ريال طبعا الذهاب قالو انه دايركت وابو الشباب قاعدن بمطار الرياض يدور بالشاشات مانيلا وابترم راسي قالو لي مالك الا تقعد مع الفنس لين يحله ربك وبعد كذا جاني خبر اننا نبي نوقف ب هونغ كونغ لمده ساعه قلت ماعليش يقولون ان مطاره حلوه وعلى ماقالو مطاره حلو والله تستاهل الوقفه اكثر من ساعه بعد وبعدها على مانيلا الصراحه اني السواق انا اشهد انه سواق والله ماحسينا بشي لا وهو مقلع ولا وهو هابط بعد كذا وصلت مانيلا والجو غيوم وفيه شوي رطوبه كنت سوي حجز في فندق بمانيلا اسمه ميدلاند بلازا 1800 بيسو والله حلو بس انه بوسط الزحمه طبعا لان فيه زميل لي ولا كان هجيت من الزحمه ا
جلست في مانيلا يومين ريحت فيها وطبعا كانت النيه الحجز على بوراكاي ولا بهول بس المشكله الاياب بنفس يوم رجعتي للسعوديه قلت بلاش...وعلى فكره 4 ايام وثلاث ليالي في بهول بقيمه 4000 بيسو الفنادق عن طريق المكاتب السياحيه بس التذكره بقيمة 5000 بيسو لان عندهم اجازه الصيف الحين
قالو لي فيه جزيره قريبه من مانيلا الي هي بورتو قاليرا طبعا على الباص لمده ساعتين الى باتنقس سيتي
بعدها تروح على السفيه او قارب صغير للجزيره والله الموصلات رخيصه بس الجزيره غاليه بالحيل والله
المهم اخذت فيها يومين واكمل باقي التقرير في المره القادمه ماودي اطول عليكم
وننتظر باقي التقرر