السلام عليكم ورحمة الله وبركاته ..
الاخوه والاخوات في هذا المنتدى الكويس , أنا متابعه لهذا القسم وبالخصوص المواضيع التي تتكلم عن موريشيوس وبصراحه اعجبتني وخشت مزاجي ولعبت فيني لعب .,
فقررت أنا وزوجي نروح لها , مرينا طيران الامارات وأعطونا العرض هذا :
التاريخ من 9 - 19 ديسمبر , 6 ليال في الهيليتون ( ديلوكس روم ) مع عرض الهني مون ، و 2 ليله في بيل مار (برستيج روم ) طبعا كلها هاف بورد + ليله في دبي والتكلفه الاجماليه = 24750 ريال .
عندي كم سؤال اتمنى منكم الاجابه عليه :
1- هل وقتنا مناسب او نقدمه او نأخره وش رايكم ( من ناحيه الجو وهو الاهم ومن ناحيه الأسعار ) ؟
2- رأيكم في البكج وسعره ؟
3 - هل الفنادق المختاره كويسه او نغيرها ؟ وياليت ترشحون لي أحسن فندق فيه فله مع مسبح خاص ؟
4- ما رأيكم لو اروح لدبي بالسياره أوطيران العربيه ومنها على خطوط موريشيوس لموريشيوس , هل يكون أرخص ؟
5- هل لازم احجز الفنادق من هنا أو أقدر احجزها اذا وصلت هناك ( عشان اشوف تعجبني او لا ) ؟
آسفه على كثرة الاسئله .. بس اتوقع انها اكثر اسئله تهم اللي بيروحون لموريشيوس وأنا اولهم ,
ومشكوريين مقدما ...