still dreaming
23-05-2022 - 09:02 pm
السلام عليكم
على كثر المواضيع اللي قريتها عن دزني لكن الى الآن احس اني ملخبطه وماعرفتها :112:
اول استفسار : هل دزني تنفع لزوجين من دون اطفال ؟
الثاني : انا مو من هواة الملاهي والألعاب يعني تنفع اروح لها علشان اتفرج على العروض والشخصات
وهييك ؟
الثالث : الحين دزني مقسمه ل ثلاث اقسام او قسمين يعني عباره عن ( بارك ومعاه الملاهي + استديو)
أو ( بارك + ملاهي + استديو) ؟؟
الرابع : ايش الأفضل والأونس بالنسبه لمزاجي اني مو من هواة الألعاب هل الأفضل ( البارك أو الإستديو )؟
يعني اللي تشمل على استعراضات و تمثيل واشياء مثل كذا مو ملاهي
الخامس : انا خصصت يوم واحد فقط اني اروح فيه من باريس ل دزني و سوق الأوت لت والمول اللي جنبه
وارجع بنفس اليوم ... يمديني ولا مايمديني؟؟
اروح لأيش اول ل دزني او للمول ؟؟ مثلاً بطلع من الصباح ممكن مارجع الا 11 او 12 بالليل
هل الرجوع بهالوقت آمان خاصه اني برجع عن طريق المترو ؟؟؟؟
هذا تخطيطي لسفرتي القادمه ان شاءالله
ياليت احد يجاوبني عليه واكون شاكره لكم
اول شيء يوم ديزني افضل شيء يكون الجو حلو لأنه اذا كان مشمس بصراحة ما ينفع ابد.........
ثاني شيء ديزني ممكن تصلح للكبار بس هذا يعتمد عليكم في المقام الأول لان فيه كبار ما ناسبتهم بس المكان يستحق الزيارة في كل الأحوال ..........
ديزني مقسمة لقسمين ديزني بارك ووالت ديزني استديو.........
البارك حلو واكبر من الأستديو وفية العاب اكثر بس الأستيديو فيه عروض اكشن من الأفلام على الطبيعة..........
يمديكم طبعا تزورون الأثنين بس يبلكم قومة من 8 الصبح عشان يكون عندكم وقت............
عادي ممكن تروحون المولات اول وبعدين ديزني لأن ديزني يبلكم تجلسون للساعة عشرة بالليل عشان تشوف عروض الشخصيات والألعاب النارية..............
المترو امن ان شاء الله وخصوصا الي يرجع من ديزني لأنه بيكون مليان .............
اتمنى اني اكون افدتكم وان شاءالله غيري يفيدكم اكثر