حياك الله اخوي سعادة الرئيس
اولا اتمنى لك التوفيق في حياتك الزوجية القادمة وعسى الله يولف مابيم قلوبكم ويوفقكم
ثانيا با النسبة للمخطط غريب جدا انك ماحطيت انترلاكن وهي عروس سويسرا واروع مناطقها لوجودها في منتصف سويسرا ومن خلالها تستطيع زيارة الكثير من المدن في نفس اليوم و العوده
ثالثا هايدي لاند قرية صغيره جدا وتستطيع زيارتها من انترلاكن او من زيورخ في نفس اليوم و العوده ولا اعتقد انها تستحق الاقامة وهذا موضوع خبيرتنا غردينيا بيفيدك اضغط هنا https://artravelers.com/p/re/220765
رابعا زيورخ با اجماع اكثر خبراء سويسرا ليست جميله ولا يوجد فيها شيء يميزها غير وجود المطار الدولي اللي تقدر توصل من ديرتك له او تطير منها لديرتك

• * اتمنى تعيد النظر في المخطط وتضيف انترلاكن وتخلي زيارة قرية هايدي في نفس اليوم وترجع وتخلي زيورخ يوم فقط للانتقال منها الى بلدك

با النسبة للتذكرة اللي تبيها هذي يسمونها Multiple Destinantion يعني وجهتين مختلفتين وسعرها على الخطوط السعودية غالي وانصحك تبحث في الخطوط الاماراتية لانها تنزل زيورخ او اذا فضلت تروح جنيف بدلا عن زيورخ تشيك في الخطوط القطرية
با النسبة للسياره من وين ناوي تستأجرها ؟؟ اذا بتستاجرها من النمسا وبتسلمها بسويسرا بتطلع عليك غاليه جدا لانهم بيدفعونك ضريبة تسليم السياره في غير البلد الاصلي اللي تتراوح مابين 300 الى 400 يورو تضاف الى قيمة استأجار السياره
موفق ان شاءالله

يطولي عمرك اخوي حدي مصر
انا اقترحت المقترح هذا على اساس اني ماأرجع فينا وتصير العودة من زيورخ
بس مادام رايك كذا مالي الا ان اخلي الذهاب والعودة من فينا بس على كذا راح استغني عن السيارة لاني فكرت اني استأجرها من النمسا واطلع فيها لزيورخ
الحين المخطط راح يكون فينا-زيلايسي-انترلاكن-وزي ماقلت اقدر ادور على كذا مدينه في نفس اليوم
فينا يومين
زيلايسي اربعة ايام
انترلاكن خمسة ايام ومنها ادور على كذا قرية
والعودة تكون على فينا يوم واحد ومنها العودة للوطن
ابي رايك في مخططي هذا ؟؟
وكيف تنصحني بالسيارة استأجر ولا استخدم القطارات
رغم ان زميل لي ذهب ونصحني بالاستأجار خاصة في النمسا
واذا فيه خريطة للنمسا وسويسرا ياليت تزودني فيها ولا عليك امر
تعبت معي
انتظر ردك الله يطول عمرك

MR-Prisdent
لا لا مستحيل
بين فينا وانترلاكن اكثر من 9 ساعات انسى ترجع انترلاكن
انسى الخطوط السعوديه واحجز مع خطوط توفر الملتيبل ديستناشيون زي القطرية او الاماراتية
اذا تبي شوري اطلع على طيران الاتحاد
ميونخ ليله واستاجر منها سياره واطلع منها لزيلامسي ومن زيلامسي الى انترلاكن ومنها الى جنيف وتسلم السياره بجنيف وترجع من جنيف لديرتك

• * بيدفعونك 400 يورو ضريبة تسليم السياره في غير البلد الاصلي

موفق ان شاءالله

الله يعطيك العافية اخوي حدي مصر:smile106:
على كذا بكنسل فينا واصير اطلع ميوننخ وبعده زيلامسي وبعده انترلاكن
طيب اخاف تكون تكلفة السيارة عالية بالطريقة هاذي ؟؟
وياليت ولا على عليك امر تشرح لي المسافة من ميونخ الى زملامسي ومن زلامسي الى انترلاكن ومن انترلاكن الى جنيف كم تقدر من ساعة
وماهو افضل وسيلة للتنقل هل ستكون السيارة او القطار او الباص
بيني وبينك ( المدام تبي هايدي لاند ) واحتست شكلي
ادري اني كلفت عليك بس تحملني عريس جديد

تبي شوري ؟
تراني الصيف الماضي نفس حالتك ، شهر عسل وفي جولاي وأبي استأجر سيارة ومختبص
إذا تبي توفر راحتك أولاً ثم فلوسك
خلي رحلة الطيران فينا-الرياض-فيينا
وراح تطلع عليك رخييصة مرة أضف إلى ذلك مباشر من الرياض بدون توقف وانتظار وقلق
صدقني ترى شهر العسل غير ويبي له تكتكة خاصة
استفد مني
إذا صرت في فيينا لا تستأجر سيارة لأن مواقف السيارات صعبة وبفلوس بعد
لكن إذا صرت طالع خذ السيارة وأنصحك بيوروب كار اللي أمام فندق راديسون ساس وبالنت بعد
رح لسالبورغ ومن هناك على ميونخ ليلة أو ثنتين بالكثير ثم توجه إلى زيلامسي اللي راح تغنيك عن انترلاكن وهايدي لاند
الأماكن كلها رمانسية (ومشتاقة لك بعد)
وايجار السيارة بيصير بتراب الفلوس بعد يعني ما يتعدى 50 يورو في اليوم ومفتوح العداد والبنزين فل يمشيك 800 كيلو
وارجع سمها في فيينا
صدقني صدقني بترتاح ترى هذا شهر عسل مو برحلة استكشافية ولا مغامرات ولا حتى إجازة سنوية
وأي استفسار أنا في تمام الجاهزية وخذ هذا موضوعي اللي نزلته بعد عودتي من شهر العسل أتمنى يفيدك
https://artravelers.com/p/re/217416

اليوم قصيت التذكرة للشخص الواحد على الخطوط السعودية 3250 ريال الرياض - فينا ذهاب وعودة
وخطتك اخوي الضوء ممتازة
بس انا ودي اروح هايدي لاند يعني وعليكم امر لو تعطوني كم المسافة من زيلامسي الى هايدي لاند
وهل اقدر اذا استأجرت سيارة اطلع هايدي لاند وراجع زيلامسي

عذرا على المقاطعه
انا توي حاجز لخمس اشخاص
جده ميونخ .. وميونخ جده
بتاريخ 22 ابريل الى 2 مايو
الاسعار في الصوره المرفقه

والتكلفه الأجماليه
5ريال فقط
وسافرت في شهر مايو
جده فينا
جنيف جده
وكلفتني 1900 ريال للشخص الواحد
على السعوديه طبعا
وسؤالي
ليش ماتستغلون هالفتره المخفضه
وتستفيدون منها الى اخر رمق
مع ملاحظه
ان الفتره المختاره
اجازه مدارس
مجرد نصيحه
ولكم الخيار
بالتوفيق .,’

اخوي انا قطعت التذكرة على فترة زواجي 15/7/2009 من الرياض الى فينا مو الى ميونخ يعني لازم اكون متقيد بالوقت هذا وبعدين انا من الرياض فيه فرق واكيد الفترة الي انت قطعت التذكرة كان فيها عرض اضافة الى انها غير شاملة الضريبة
وتعقيب على استفساري الاخير ابي استفسر عن شي
رجعت لبعض التقارير لبعض الاخوان وبصراحه قرية هايدي كل شوي احصل لها اسم ؟؟
ممكن احد يفيدني بالاسم الي موجود بالخريطة لها واذا كان فيه خريطة ياليت تكفون يامشرفين ويااعضاء اعطوني اياها وياليت تكون من زملامسي لاني اتوقع اني بطلع من زيلامسي الى قرية هايدي الي ماعرفت اسمها !
وكم تبلغ المسافة وماهو افضل سكن هناك ؟
ادري كثرت عليكم بس الشكوى على الله مالي غير الله ثم هالمنتدى

اخي الكريم سبق وحطيت لك رابط لخبيرتنا الغاليه غردينيا عن قرية هايدي وموضح فيه اسمها با الانجليزي وكيفية الوصول لها مع الخريطة
اضغط هنا https://artravelers.com/p/re/220765
عموما المسافة بعيده جدا من زيلامسي الى قرية هايدي اللي لن تقل عن سبع ساعات با السياره وزد عليها ساعه او ساعتين با القطار وفي رأيي المتواضع انها لاتستحق الاقامة ويكفيها مرور لمدة نهار واحد وترجع ولك حرية الخيار
موفق ان شاءالله