&امير القلوب&
حياك الله يالغالي
المدينة رائعة وجميلة وموقعها رائع
تبعد عن لندن حوالي الساعتين او اقل وعن باريس نفس الوقت تقريبا
العرب مقارنة مع حجم المدينة ولانها صغيرة يعتبرون الان زيادة ولكن فيه تمركز في معاهد عن معاهد
يعني مثلا معاهد مثل بيتر تلقى العدد قليل ومعاهد مثل كرايس شرش وستافورد وكنكورد العدد زايد حاليا
معاهد المدينة جيدة لكن لو تبي رأي في الصيف حاول تشوف مدينة مثل مارجيت تبعد عن كانتربري حوالي 20 دقيقة

هلا كانتبري
معهد مارجيت ماعندهم مستوى بقنر في الصيف
كيف وضع العرب الان في معهد ستافورد هاوس
تحياتي لك

كانتربري من اجمل القرى الريفيه في مقاطعة كنت المسماه (( بحدائق انجلترا ))
المواضيع هاذي فيها معلومات عن كانتربري بشكل عام إن شاءالله تفيدك

اشكركم يا اخ كانتربري وسلطان المسافر واخت شماليه
ما ادري وش مميزات مارجيت عن كانتربري في الصيف مع العلم ان كانتربري اكبر منها حجم
واوسع منها صدر
وكيف وضع معهد كونكور وهل فيه عرب كثير وكيف متواه التعليمي؟
ويا اخ سلطان المسافر وش فيه معهد مارجيت مو كويس والا ايش ؟
لا ني اتوقع اني ما راح اختياري يتعدى هالمعهدين ...

&امير القلوب&
حياك الله
معهد كنكورد وستافورد هاوس وكرايس شرش حاليا عدد السعوديين فيها يعتبر كبير شوي وخاصة ان الصيف على الابواب
لكن اللي يبي يدرس فترة طويلة مثل سنة اقول له روح لها لان بعد الصيف وبعد شهر 9 يقل العدد بشكل كبير لان الجامعات تبدا وكثير من الطلاب يتجهون للجامعات
لكن اللي يبي يجي في الصيف حاليا اقول له يابيتر او مارجيت
مدينة مارجيت حلوة وماهي بعيدة عن كانتربري والمعهد ممتاز وعنده خدمات رائعة