ابومايا
28-01-2022 - 01:44 am
السلام عليكم ورحمة الله وبركاته
اولا احب اشكر المراقبين والمشرفين والاعضاء على هذا المنتدى المتميز
واود اشاوركم في توزيع الايام في جدولي بما اني عريس وناويه شهر عسل
1 يومين سلانجور فندق ابراج بيراميد
2 اربعة ايام لانكاوي فندق بلانجي بيتش
3 اربعة ايام بينانج فندق بارك رويال
4يومين كاميرون فندق Equatorial Cameron Highlands
5 يومين جنتغ فندق Awana Genting Highlands Golf & Country Resort
6 اربعة ايام كوالالمبور فندق Bintang Fairlane Residences
وكمان عندي استفسار حول التنقل من بينانج الى كاميرون ثم الى جنتغ ثم كوالا (عن طريق الباصات او التكاسي )
وش رايكم في فنادق جنتغ وكوالالمبو
مبروك مقدما وبالتوفيق إن شاء الله
التوزيع ماشاء الله ممتاز والترتيب بعد ممتاز بس فيه شوي ملاحظات
جينتنق اشوف ماله داعي تسكن فيها حدها تروح لها من الصبح إلي المساء خاصه
وانت بتسكن في الكاميرون يعني خلاص جربت المرتفعات والبراد والجو الحلو
والشي الثاني الفندق اللي حجزته بجينتنق موقع مو اوكيه ومستواه بعد لك عليه
ماهو قريب من الألعاب لازم تروح لها بالتلفريك او بسياره وجينتنق افضل شي ياتسكن
بفندق ماكسيم بس مايسمحون إلا في السويتات وشوي غاليه او في فندق فيرست ورلد غرفه كلوب وموقعه افضل موقع
وممكن يكون مقبول لو تسكن فيه ليله او ليلتين لكن في اوانا بتملون مافيه جنبه اي شي والأفضل تستغل ايام جينتنق بكوالا
والشي الأخر فندق كوالالمبور Fairlane شقق فندقيه انصحك تغيره ليس لسؤه ولكن خدماته خدمات
شقق والفطور عادي والمستوي ككل عادي فالأفضل دامه شهر عسل تسكن بفندق مثل تريدرز غرفه مطله علي البرجين
او بالويستن بشارع العرب او برويال شولان قريب جدا من شارع العرب وماهو بعيد من البرجين
فندق الكاميرون عادي بس فيه جديد 3 نجوم بس حلو اسمه دي لا فيرنس
اهم شي تغير فندق جينتنق و كوالالمبور اما الكاميرون عادي موقعه يشفع له افضل موقع
بالنسبه للتنقل من بينانق إلي الكاميرون بواسطه الباص او تاكسي خاص ومن الكاميرون إلي جينتنق
تاكسي افضل او اريح او من الكاميرون لكوالالمبور باص ومن كوالالمبور إلي جينتنق باص فيه باصات اسمها
قو جينتنق ممكن تحجز بكج كامل ذهاب وعوده مع التلفريك والعاب خارجيه الشخص ب 45 رنقت بس
اعتقد بتكون صعبه وانت جاي من الكاميرون وتروح مباشره لجينتنق يبي لها حجز قبلها بيوم
فالأفضل تاكسي إذا بتسكن بجينتنق يومين اما لو مابتسكن وبتجلس بكوالا فباصات قو جينتنق افضل