اخي العزيز
ترتيبك للبرنامج متعب جدا خصوصا روحتك الى فينيسا لانك راح تعبر من خلال سويسرا ثم تعود
الى لوقانو في سويسر
من وجهة نظري المتواضعه انك تغير ترتيب الرحله من جديد
يعني لو تخليها فينا سالسبيرق زيلامسي انترلاكن جنيف يكون افضل
بالنسبه لسالسبيرق اعتقد يوم واحد لايكفيها خصوصا ونت معك سياره في قرى جميله جدا قريبه منها تحتاج ليوم كامل
مثل مندسي
اتمنى اكون افدتك ا خي العزيز
وان شاء الله الاعضاء في المنتدى راح يوضوحون لك اكثر

هلا فيك ...
لو ان التذاكر تم حجزها .. يكون المخطط هكذا فينا سالزبورخ ثم زيلامسي ثم انسبروك لتقريب المسافه بين زيلامسي وانترلاكن ثم زيوريخ يوم وبعدها تطلع للمطار .... السياره تأجرها من فينا اخر يوم او من سالزبورخ
تحياتي

فينيسيا بعيده عن المخطط .. وبتكثر التنقلات ...
والجدول الي كتبته ممكن نلغي سالزبورخ حتى نخفف من التنقل المتعب ....
تحياتي

ابو عمر بحكم خبرتك
وش تنصحني فيه لانها اول سفرة لي لاوربا
هل اضحي بسالزبورغ على حساب فينيسيا او العكس ؟

انا رأيي تجعل فينيسيا برحله اخرى .. لانه لو ادخلنا فينيسيا يحتاج تغير المخطط ..
المخطط الي ذكرته انا لك .. هو فينا زيلامسي انسبروك ثم انترلاكن ثم زيوريخ ...
وسالزبورخ اتزورها من زيلامسي ..
جدولك انت اشوفه كثير تنقلات على عدد الايام فينا ثم زيلامسي ثم فينيسيا ثم لوقانو ثم انترلاكن ثم زيوريخ ..
تحيااتي

اسف على كثرة الاستفسارات
الله يصبرك علينا
وش رايك
يومين فيينا
واربع ايام زيلامسي
ومن ثم الذهاب الى فينيسيا يومين
ومن ثم الذهاب الى لوقانو يومين
ومن ثم الى انترلاكن اربع ايام
ومن ثم الذهاب الى زيوريخ دايركت على المطار
رحلتي باذن الله الساعة اربع مساء
يعني زيوريخ لاتحسبها
انا سألت الموظف في المكتب اللي حجزت منه طيران
اعطاني هذا التخطيط المبدأي
قلت له المسافة بين زيلامسي وفينيسيا طويلة
قال صح طويل و لكن الطريق جدا ممتع وجميل وبتستمتع فيه

السلام عليكم ورحمته الله وبركاته انا توني جايه من النمسا والمانيا كان مخططنا فينا -زلمسي-ميونخ- وبعدين رجعت ديرتي حبيبتي الكويت وكانت سفرتنا 15 يوم اولا حرام عليك اتخلي فينا يومين بس للأن فينا حلوه وايد وسنتر حقهم مو طبيعي وفيها اماكن وايد ونصيحه مني لا تروحون مغاره هتلر للأنه بالنسبه لي ممله صج براد لكن كانو اصلحون فيها وكلها طين من الداخل وعقب ما طلعون من فينا روحوا سالسبرق وايد حلوه وكافي عليها يومين للأن مدينه صغيره ومافيها الى السنتر وقصر الماي وقصر (لحن الحياه) على بحيره وايد حلو وزحلاقي الصيفيه روعه واحنا رحنا لها يوم ورجعنا زلمسي (المدينه الساحره) وفعلا زلمسي تستاهل اربعه ايام للأنها قريه و في مطعم وايد حلو باكستاني وهندي اكل حلال وفي زلمسي حلاتك تمشي عل البحيره العجيبه وتاخذ لك قارب تتمشى فيه وكيس شبس حق البط متعه مو طبيعيه وبعدين ترا المسافه بين زلمسي وفينيسيا تقريبا 6ساعات ويومين مايكفي للأن فيها مولات واايد حلوه ومدينه العشاق وكل شوي بتشوفون عرس وريحت ماي عجيبه اما عن لوقانو مارحت لها وانترلاكن عمي راحلها وقولون انها ممله والنمسا احلى واونس وتخطيطكم الله يعينكم نوعا ما متعب وتروحون وتردون بالسلامه

مالك لوى ...
كان مخطط رحلتي كالتالي: فيننا 4 - سالزبروغ 2 - زيلامسي 5 - ميونخ 3 ، و لكن و بين ليلة و ضحاها (في يومنا الرابع في زيلامسي) فكرت أزور فينيسيا، فقد كانت لدي رغبة كبيرة في ذلك.
و بالفعل رتبت حجوزاتي في نفس الليلة، و بعد الفطور (حوالي الساعة 9 ص) انطلقت إلى فينيسا بالسيارة، كانت الرحلة طويلة نوعاً ما، لكن الجو كان رائعاً في النمسا، و حاراً في ايطاليا.
الطريق بشكل عام جيد، فيه مناطق جبلية متعرجة، و فيه طرق سريعة واسعة، و فيه أرياف. وصلت لفينيسيا حوالي الساعة 2 ظهراً، و قضيت فيها ليلة واحدة، ثم اتجهت إلى ميونخ في الصباح، و الطريق كان أسهل، لكنه كان مزدحماً بشكل كبير بسبب مصادفة عطلة لمدة 3 ايام.
وجهة نظري، طالما انتم اثنين فقط، و ليس معكم أطفال أو كبار سن، فإن فينيسيا تستحق التعب، و السفر كله متعة.