دفاتر الليل
12-09-2022 - 10:44 am
تخيل ونت مسافر تركيا تتمشى وتجي عند كوفي شوب وتشرب قهوه ثم تحط يدك في جيبك تبي تطلع المحفظه وتحاسب .. !
وفجأه جيبك فاضي !!!
وتكتشف ان المحفظه انسرقت !!! :112:
لاقدر الله ,,,,,,, اش تسوي ؟؟
محفظتك فيها فلوسك وبطاقاتك
انا عندي اقتراح أو فكره اتمنى تعجبكم ,,, الفكره يمكن تكون مضحكه نوعا ما بس صدقوني انا أسويها ,,
الفكره هي :
تاخذ التي شيرت او القميص قبل لاتسافر وتروح عند الخياط وتقول له يسوي لك جيب داخل صغير (بسحّاب ) ماينشاف داخل الفنيله ,,
واذا جيت بتسافر توزع فلوسك وبطاقاتك كالتالي :
تحط في المحفظه ( جزء من فلوسك + بطاقة الصراف ) وتحط المحفظه في جيب البنطلون عادي
وتحط الجزء الثاني من المبلغ في جيب الفنيله الداخلي وتحط معاه ( بطاقة الفيزا ) ولا تنسى تحط بطاقة الفيزا في غلاف بلاستيك عشان مايجيها ما او مطر ,, وتقفل الفنيله ولا من شاف ولا من دري
وبكذا تكون انت عملت احتياطاتك الامنيه عشام لولاقدر الله انسرقت محفظتك يكون معاك مبلغ آخر للطوارئ بالاظافه لبطاقة الفيزا ووقتها تتصل على البنك وتطلب منهم يوقفون بطاقة الصراف وتطلب منهم يضعون مبلغ مالي في الفيزا طبعا غصب عنهم ينفذون أمرك لانك تكلمهم من خارج السعوديه وفي حالة طارئه لازم يضيفون لك مبلغ في الفيزا ,, وبكذا تمشي أمورك ..
طبعا انا قلت هالكلام كخدمه مني وكفكره يمكن تعجبكم ويمكن لا ,,, ويارب ماتشوفون مكروه بس الواحد لازم يعمل حسابه ويضع خطط للطوارئ اما انك تضع كامل المبلغ والبطاقات في المحفظه فهذا برأيي غلط ,,
والسلام
