انتوا راح تجلسون فى بوكيت اكثر من 8 ايام مده كثيره فانصحكم السكن بالباوتونج بيش لانه فيه حركه ومطاعم وزحمه
والفنادق الى ذكرتها ولا واحد فيه بالباتونج بيش
لاكن اذى معزم عليهم
Baan Karonburi
Central Karon Beach
هذول الاثنين ممتازين واغلب الفنادق الى اخترتهم ممتازين
لاكن انت على اى اساس تبى تختار الفندق هل الموقع ؟

شرف لي ياخبيرنا ومشرفنا الغالي ان تقرأ موضوعي وتساعدني فيه
وشكراً غلى تفاعلك
بالنسبة للمدة 20 يوم في كل من ماليزيا وبوكت على النحو الاتي:
3 ايام كوالا
4 ايام جزيرة ريدانق
0ايام بوكت هل هي كثيرة لان خال عيالي قال نبي نجلس 10 ايام فيها (او اباخذاختي منك)
ههه
3 ايام كوالا
وثانيا اخترت هذه الفنادق لانها بعيدة عن الباتونق وش رايك ؟
حنا عوايل ويقولون ان الباتونق ما يصلح السكن فيه للعوايل
واذا الباتونق حلو وش تنصح فيه من الفنادق؟

الباتونج يصلح للعوائل واكثر العوائل الخليجيه تسكن فيه وكله مطاعم ومقاهى واسواق وحركه يعنى ماتمل لاكن بعد الساعه 10 بالليل يفضل انك ماتطلع مع عائلتك اول الايام لانه فى شارع بالباتونج بيش هذا مايصلح انك تروحله
فاول الايام انت استكشف المنطقه وراح تعرف الشارع المذكور بعدها لما تطلع مع اهلك لاتدخل فيه
والفنادق الى انصحك فيها عندك الهوليدي ان او قريس لاند

وش مميزات الفنادق وكم اسعارها؟

الاسعار شوفها من مواقع النت مثل اسيا روم وغيره من المواقع
وميزه هذى الفنادق انهم على الشارع الرئيسى للباتونج وكل شي قريب منهم ونظيفه وتصلح للعوائل

انا انصحك بان تسكن في الباتونغ بيتش
لانها هي المنطقة الحيوية في بوكيت
شيك على هالفنادق :
1. أماري كورال بيتش
2.جريس لاند
3.هوليدي إن

صديق الكل
اخي العزيز صديق الكل بما ان المدى 10 ايام فأنا في رائي توزعها على اغلب الشواطي لا تخليها كلها في الباتنغ مع تحيات اخوك ابو بدر واي استفسار انا جاهز

ماتقصر ياابو بدر
ودي الله يسلمك تعطيني فندقين في الكارون والباتونق يكونن حلوات وعلى البحر واسعارهن رخيصة ويصلحن للعوايل لاني ابروح بكرا ان شاء الله للمكتب السياحي
وعندي امر انا محتار فيه ودي استشيرك
والامر هو ان احد الاقارب قال لاتروح للمكاتب السياحية لانهم يلعبون عليك بالاسعار ولذلك راح احجز لك عن طريق امراة اعرفها في بوكت وهي ثقة وراح احجز لك بدون فوتشرات وبدون شئ وهي راح تستقبلك بالمطار